ابتسامه قلب من حجر

آ؏لآڼ آلﭰڝهہ

يسقط سجن شوكك
ولك مو ملّيت ما مرّة
رحمت بحال مسجونك شفتني
لوحدي وأنت جمالك جيش
واحتلّيت قلبي الماكدر دونك
راح أدخل حرب
صبرك بدون سلاح واشمّت
بيك كلّ المايكدرونك واجبرك
تنسحب متعذّب ومكسور
وأشلع ضحكتك من لمعة سنونك
أنا نطيتك عمر شمعة
عذاب وليل بس كلّ الخذوك شراح ينطونك ثواني بلا سبب كدرو
يغيرونك............

وفي احده اليالي  سنه 2013/١١/١٣
كعدت شجن بل حديقه رغم بروده الجو ضلت صافنه على القمر كان الجو بي بروده بدايه الشتاء  تبكي وتتذكر امها
شجن...شوفي حالي ماما عمه متخليني انام يغرفتي. ومتخليني اكل ماما ليش عفتيني ورحتي ليتج اخذتيني وياج ولا خليتيني يم عمه تضرب بيه ليل ونهار وتعذب بيه.ومخليه بناتها مثل الاميرات واني اخدم بيهن وبابا يشوف معاملتها وميحجي وياها يوم اخذيني يمج ماريد اعيش بعد تعبت حيل  تعبت
سمعت صوت كحه مسحت دموعها شافت واحد عبر من الحايط الي اشبه بسياج مال بيت عمها اجه الشخص الدومه مساندها وواكف وياها بكل صغيرا وجبيرا
يوسف.. شبيج شجن
شجن.. تعبت حيل طلعت ايدي شوف عمه شسوت بيه جوتني وبابا ميحجي وياها والله تعبت عمري ١٨طالبه سادس وهيه تضرب بيه وتعاملني ابشع معامله وبناتها يكعدن اكل ونوم انضف واخدم وما محصله غير الضرب والاهنانه
يوسف.. اذا انتي متحملتي منو يتحمل صح امج ماتت بس هيه جاي تشوف التسوي بيج مرت ابوج وعلى سهام فه اصبري مضل شي سنتين وتخلصين باذن الله بس اصبري
شجن.. شصبر سيف شنو ذنبي امي استشهدت بلانفجار ها كلش شنو ذنبي والله لان راحت تجيبلي ملابس عيد استشهدت اااااخ وابوي يكرهني بسبب موت امي اااااوف يممه ليتنيي مالحييت عليج علمود ملابس عيد بجت
يوسف.. دمع وهوا يشوفها تبجي يوسف يحب شجن من الطفوله بس ميحسسها بحبه الها حضنها اااششش ميصير تحجين هيج هاذا قضاء الله وقدره
شجن.. مجنت اعرف الوضع مو امان زكل يوم انفجار والله جنت جاهله مجنت افتهم وهسه يله فهمت ببجي
يوسف.. ولازال الوضع مو امان كل يوم انفجار شكل شجن حبيبتي كافي راح ابجي وياج والله اني هم فقدت امي بلانفجار و امج اشو مبجيت مثلج يله يعمري بسج عاد
شجن.. والله البلايه ام ذليل وعرفت معنى هاذا المثل اني وياك عرفنا سوه عشنه بلا ام يوسف اوعدني متعوفني اخاف والله كمت اخاف من كلشي
يوسف.. وعد ما اعوفج
سهام... ولجج ويامنن كاعدهه يا #####$# تعالل ابو احمدد شوفف بتكك جايبهه صاحبهاا للبيت  بدون متشغل الضوه وتشوف منو كاعد
ابو احمد.. شنوو كام يركض جر السلاح وطلع بلحوش على اثر الصوت رمه
سهام... عزاا ولكك اصبرر خلنشوف منهوو جايببه
شجن.. ماحس اله سهام اجت تلعلع مفهمت شتحجي وصاحت بابا اجه يركض وبيده السلاح من المنضر يبست رمه حسيت شي وكع بصفي باوعت يوسف ممد بلكاع وفاتح عيونه حيل والدم يطفر عليه سمعت سهام عاطت والتمت الناس واجه عمي يلطم بصف ابنه عرفت يوسف مات كضيت ايده واحجي بكلبي يوسف مو كلت متعوفني يوسسف حباب اكعد احس فقدت النطق لساني خدر اريد احجي ما اكدر انعاد عليه المشهد
جنت رايحه للسوك اني ويوسف وعمتي ضحى ام يوسف وامي احلام نشتري ملابس للعيد امي وعمه عافنه واكفين يم ابو الالعاب ايصير خال امي ضلينه كاعدين وراحن شويه وسمعنه طبه قويه وصريخ نسوان وزلم خال امي ضل يلطم على راسه كلنا ضلو هنا لطلعون وراح شويه واجه يبجي مفهمنه السالفه يوسف جان شويه فاهم اكبر مني باربع سنين حاضني وساكت
خال امي.. يله بويه خل اوصلكم للبيت بجيت كتله اريد مامه بجه وكال راحت اميمتج ماتت ياالله شمسويين هذولل الجهال حتى يتيتمونن ياربيي دخيلكك ارحمناا شجايي يصيرر يومياا مفجوعييين زادت بجيتي يوسف مدمع عرف امه وامي ماتن رحنا نركض بنص السوك وهوا كايدني صدفه وصلنه يم جثث اثنين مفحمات عرفناهن عمتي وامي جانن لابسات كلاده ذهب نفس الشكل لان خوات ازوجن اخوان پاوعت على يوسف بصدمه المنضر مراح من بالي يوسف بسرعه غمض عيني وسمعت شهكاته رجعت بوعييي على ابو يحج والله مااقصد عبالنه واحد غريب كله من ورا شجن ذب الصوج بيه باوعت علي بحقد ودي اكضه اكطعه بوكتها بجيت بحركه دم توه يوسف وعدني ميعوفني  وعافني بسرعه بلحضه ما كطع وعده الي جان عمر يوسف ٢٢ بعد شهر يدخل ٢٣ سنه شنو ذنبه فوك ما خسر امه بسببي خسر حياته هم بسببي كطعت وعد على نفسي بوكتها وحلفت انفذ وعدي جتلو اضحي بحياتي الاجل وعدي

♕أّبًتٌـسِـأّمًهّـ قُلَبً مًنِ حًجّـر ♕

بًقُلَمًيِّ.. ٱڹعُڒٱڷﻲه

ااذا صعدت القصه ابلش نشر بيها
وهاي اخر مرا امسح قصص ادري بنفسي كل اشوي انزل اعلان مال قصه جديده وامسحه ف اسفهه النفسيه زفت وكل شوي تجي بالي قصه اقوه من القبلها 😂😂