ملاكي الجميله

الحلقه السادسة

تاني يوم

انا: صباح الخير ماما
ماما: صباح النور افطري انس يرجه فيك براه ايوصلك
انا: عليش وين بابا و محمد
ماما: امشو مع جدك المزرعه
انا:اف تو بنركب مع البارد
ماما: تحشمي ولد عمك سلم بنتي افطري وعدي وقت عليك
انا: تو ناخد نسكافيه بس
ماما: تي كولي شي وانتي طول النهار نسكافيه وخلاص
انا: انا هكي متريحه
شربت نسكافيه وطلعت
انا: ماما ادعيلي هي باي
ماما:ربي يفتحها عليك يارب

( مفيش كيف دعاء الام ربي يحفظ جميع الامهات ويرحم جميع المتوافيات يارب🤲)

وركبت السياره
انا: صباح الخير
انس:صباح الورد
انا شبحتله بنص عين👁
انا: ع فكره الحركه لي درته مش نسيتها
انس: العفو شن درت
انا:عرف روحك
وقعد نقرأ وفجأة وقفت السياره
انا: وين وقت ع الامتحان
انس نزل علي الكافي جاب كريب وعصير فريش فراوله ومكياطه ليه

انس: امسكي
انا:لالا مخاطريش هي وقت علي الامتحان
انس: حتي انا مش خاطري انسوق لعند تاكلي
انا: تي عليك نهار اغبر من بدايته
انس يشرب في المكياطه ولا علي باله
انا: باهي تو ناكل غير هي بس
انس:هي كولي
انا :باهي
وكليت وصل لي المدرسه
انس:امته اتكملي،
انا: الساعه 12
انس:تمام
ونزلت خشيت الامتحان

في حوش عمي احمد علي سفرة الفطور

نور: بابا نبي افلوس بني نشري قفطان العرس
ع احمد: حاضر بعدين نعطيك
غفران:حتي انا
ع احمد:وانتي يا قلبي
ع لطيفة 😡: هي انا بدت انغار راه
ع احمد: بنت ياهمي
ع لطيفة: تو انا هم ماشي يا احمد
نور وغفران الضحك زارتهم
احمد لحق لطيفة إراضيه مسكين ميقدرش علي زاعله
وحمزه كان يفكر في مرام وكيف يفتح امعاها الموضوع

نور: حمزه ترفعني بعدين لسوق
حمزه؟؟؟؟
نور:حمزه انكلم فيك
حمزه: قلتي شي
غفران: قالتك ترفعنا بعدين السوق
حمزه: ان شآءالله هي تبو شي انا طالع
نور: لا سلامتك
غفران: خوك مش علي بعض
نور:عارف
غفران: شن رايك انكلمو البنات نمشو مع بعض
نور: اي صح ومنها حمزه ايشوف مرام
غفران: تمام
نور:انا ماشيه انكلمها وانتي اغسلي المواعين وطلعت تجري
غفران وراها:تعالي اليوم دورك انتي
استسلمت غفران وخشت اغسلت المواعين كيف الطيبه🤣

عندي انا طلعت بدري من الامتحان جت يقين (طبعا هدي عدوت ملاك في المدرسه)
يقين: حليتي
انا:شن تبي تو
يقين: نبي انكسد عليك
انا:شنو ماسمعتش عاودي شن قلتي
يقين: هههههه
اسرار صديقي:يقين عدي معندناش نيه في مشاكل
يقين: واني عندي نيه
انا:خاليه تبي طريحه شكلها
يقين: بنت الكلب تعطيني طريحه ههههه