عشقي لوعد

البارت التاسع

بعد مرور شهر ع موت جدت وعد

وعد :قاعده ف البيت ومش بتنزل الشغل وإسراء معظم الوقت قاعده معاها  مش بتنزل شغل هي كمان  وعمر بيحاول يوصلها واتسدت كل الطرق ف وشه بيرن عليها ومش بترد عليه بيروحلها ومش بتفتحله وهو سايبها براحتها ومش بيضغط عليها بس دايما بالليل بعد ما يخلص شغل  يروح  يقف تحت العماره ويشوفها وهيا واقفه ف البلكونه من غير متاخد بالها منه

********ف صباح يوم جديد

اسراء: اياد اصحى بقا عايزه اتكلم معاك
اياد: اممم
اسراء:بتهز فيه وهو نايم  ااف يعم قوم بقا

اياد: بزعيق عايزه ايه ع الصبح
اسراء: عايزه نخلي وعد تطلع من البيت تنزل الشغل أو ننزل مع بعض نعمل اي حاجه المهم تطلع من اللي هيا فيه
اياد : امم طيب غوري وانا هتصرف
اسراء: اشطه

**********
أسر: اهد ي عمر
عمر: اهدا ازاي بس انا خلاص مش قادر دا انا بروح كل يوم ومش بتفتحلي وبرن عليها ومش بترد وانا كل يوم اهدي ف نفسي واقول خليها تاخد وقتها بس خلاص مش قادر مش مدياني فرصه اكون معاها
أسر : يعني انت عايزها
عمر : بتريقه لا هعمل بيها ايه ايوه ي اسر طبعا

اسر: تمام  انا عندي ليك خطه تخليها معاك وفي بيتك بس غصبا عنها ف الاول هيبقى ف مشاكل بينكم بس انت وشطارتك خليها تحبك وتنسة كل حاجه
عمر : مش مشكله بس انا امسكها ف ايدي بس ومش هسيبها تاني 
اسر :سيبها عليا يامعلم
عمر: مش مرتحلك هتعمل ايه
أسر: لا انت ملكش دعوه لما ارن عليك تكوم جاهز
عمر: مش مطمنلك
اسر: بخبث لا اطمن سلام همش انا

***********
أسر: الو حبيبت قلبي فين ع الناحيه التانيه ف التلفون
سلمى: اه يبق عايز مصلحه
أسر: بت عيب دا انا اخوكي الكبير
سلمى: امم طيب يا أبيه عايز ايه
أسر : احم لا انا برن عليكي اطمن بس انتي فين ايه الدوش دي سلمى : انا ف الجامعة

أسر: حط ايده ورا راسه طب يا سو انتي مش مصاحبه وعد وأسراء وبتروحي تزوريهم دائما من ساعت موت جدت وعد سلمى :امم ايوه ليه
أسر:احم  معاكي رقم اسراء

سلمى:بخبث اه وبعدين
أسر: اي بعدين دي هاتيه
سلمى: بخبث ليه ي ايسو عايزه ف ايه هي البنت عجباك هي بصراحه مزه
أسر: احترمي نفسك يا جزمه وهاتي الرقم
سلمى: امم اشطه بس بي شرط
أسر: اخلصي يا زفته هاتي الرقم وغوري
سلمى: ابدا والله لازم يكون فيها عزومه
اسر: طيب هاتي
ادتو الرقم وقفل معاها

*********
ورن ع اسراء
اسراء: الو
اسر: بص ف التلفون معقوله يكون ده رقم اسراء مستحيل الصوت الرقيق  ده يكون صوت عمي جعفر اللي اعرفه
ع النحي التاني ف التلفون

اسراء: الو لما مش هترد بترن ليه جتك القرف داهيه تخد شكلك العفش

أسر: عفش لا يبقى هيا
اسراء: هي مين يعم انت وانت مين اصلا
أسر: لا انا كده اتأكدت
اسراء: استغفر الله العظيم انت مين ي اخ انت
أسر: انا اسر
اسراء : هو انت نعم عايز ايه وجبت رقمي منين 
اسر: سيبك من دا كله انا عايزك ف خدمه