منزل الغرباء | Strangers home

٢ | الإستقرار في كوريا.

< بسم ﷲ الرحمن الرحيم >
_______________________

ينامون في كل مكان، بطُرق مُختلفة.. بعضها الطبيعي واخر غريب، لم يهتموا لـ أين ينامون فقط وقعوا نائمين بعد يوم طويل ومُتعب.

استيقظت زينب بنعاس على أصوات الموسيقا لترمق من اين تصدر، وما كانت الا ماري بجانبها تمسك الهاتف وهي تقلب به، تثأبت ثم بدأت بالغناء معها. ".We're in love with this carnival"

ابتسمت ماري وهي تنظر لها. "صحي النوم يا اختي."
نظرت لها زينب بسخط واردفت وهي تلقى عليها الوسادة بسخط. "صباح اسود ومهبب زي وشك، انتِ ايه إللي مشغلاة على الصبح ده؟ بعيدًا انهم قلبي بس ما تحطي السماعة!"

نظرت لها ماري بملل قائلة بعدم اهتمام. "السماعة على الأرض، ومكسلة اجيبها، وبعدين اصلًا لازم تصحوا علشان الطيارة بعد ساعتين."

اتسعت عيناي زينب بصدمه وقالت سريعًا. "طيارة بعد ايه يا عينيا؟" ابتسمت لها ماري بلزاجة واسترسلت حديثها باستفزاز. "ساعتين يا نور عيني."

وقفت زينب بسرعة وهي تمسك هاتفها لـترى الساعة، وتصيح بماري. "طب وانتِ مش مصحيانا ليه؟"

اجابتها ماري بينما تلعب بالهاتف. "لا مفيش قُلت شكلكوا تعبانين، فـلميت انا حاجتي، وجبت فوتوكارد للعيال، وسناكس عشان الطريق، ومستنياكوا تصحوا أهو."

امسكت زينب الوسادة الأخرى تلقيها عليها وتصيح بسخط. "يا برودكِ!" صرخت ماري بقهر بعد وقوع هاتفها مما تسبب في خسارتها اللُعبة.

اقتحمت زينب غرفة زينه وهاجر، وُجدت سرير ياسمين فارغ فـأتجهت نحو سرير زينه لا تضيع وقت بينما تصرخ. "اصحي يا خربيتك، لسه نايمه؟ ورانا طيارة."

دفعتها زينه بملل وهي تقول بنعاس. "يا بنتي الطيارة بعد بكرة مش النهاردة!"

صدر صوت ماري التي تتكئ على الباب يفصل الجدال. "يقطعني هو انا مقولتلكوش؟"

اعدلت زينة تسند جزعها علوي ضد ظهر الفراش بخمول وهي تقول بسخط. "لا مقولتيش يا مصيبه هببتي ايه؟"

تساءلت بملامح متهجمة لتجيبها ماري بضحكة متوترة. "انا جيت احجز الطيارة اون لاين زي ما متفقين يا ستي لقيت بيقول كلام غريب، فدوست يمين في شمال في يمين.. اتاري اللغة الماني مش انجليزي اصلًا!"

صاحت زينب بحسرة. "انتِ كنتِ بتعملي ايه في ثانوي يا ماما؟ مش المفروض حتى تعرفي الايام؟! يا خسارة فلوس تعليمك."

اجابتها ماري وهي تغلق الباب بقوه لكي تتفادي الوسادات التي تلقيها زينه."انا فرنساوي يا زينب!"

خمس دقائق أخرى وأصبح الجميع يستيقظ بفزع من صوت ماري، وزينب، وزينه، وياسمين الذين يوقظوهم ويخبروهم انهم سيتأخرون على الطائرة هكذا.