رواية الحياه تجارب روايه ليبيه

البارت 7 "Rbabsham"

الحياه تجارب 💛...
Rbabsham...

الاخيره 💛💛💛💛

♦الحلقه7 💛.....
♠الكاتبه :Rbabsham💛....
طبعاً انا روز، حابه نحكيلكم شي مهم بصفتها اخر حلقه ونصيحه خذوها مني، انه مفيش داعي لما نحبو شخص نوقفو حياتنا عليه زي مادرت وتين ووقفت حياتها علي سند وكملت وقتها كلها تبكي عليه ومفيش حد محكتلش علي قصتها مع سند والناس كلها عرفتها ودارتها روايه وفضحت بروحه لانها نجرحت وسمحت لقلبها انه يحب الانسان الغلط في الوقت الغلط وحباته بطريقه غلط، هيا حباته حب جنون وهوس لدرجة وقفت حياتها عليه مع انه جت فتره مش معبرها بكل، بس تعررفو حاجه صارت معجزه بعد وقت وقعدت وتين حابسه الكزن في قلبها وكل مره تدخل في حالة اكتئاب وبعد وين وين تطلع منها وتقعد متمرده وتراقب فيه وياما دارت عشانه وكانت ديمه تحكيلي عليه وديمه تبكي ديمه تبكي وكانت تبي تعترفله بحبها بس هوا مكنش مدورها هذا السبب لي مانعها ،المهم جت فتره في سنة 2021 في رمضان وشافت زياد خوه ينزل في استوريات صارحني المهم دخلت وتين وكتبتله قديش هيا تحب خوه وقديش ميته فيه وشن صار في غيابه وانه هيا حتعترفله يوم العيد وقعدت تحكي في طل شي في صارحني وشافها زياد ،واكيد حكا لسند المهم، جا العيد قعدت نسأل فيها اعترفتي قالت لا خفت وذليت وكلام من هذا، يا وتين عدي اعترفي يا وتين متعبيش قلبك البنت سكرت راسها ومابتش تعترف، المهم بعد العيد بفتره وكانت في الفتره هذكي كل يوم. تحكي معايا وتبكي ومنهاره وحالتها مزريييه بكل بكل ومدمره نفسين وعاطفين وكانت نفسيتها زيرو وتبكي بلعبره وبصوت يشق القلب. وبعد فتره من الحزن والكئابه هزبتها وطبعاً هيا بقره ماحوتها ما تفهم قلتلها يا. وتين استدهي بالله وعدي اعترفي وهيا راسها والف لا المهم جوها عرب يخطبو فيها ومش. اول مره يجوخا وترفض لاكن هذا لي جاها يقعد ولد جيرانهم وفي نفس الوقت يكون قريب راجل عمتها المهم بعد شافت باتها فرحان ويبيه وهكي وشافت الموضوع عاجبها قالت ليش لا نوافق عشان باتي وامي ونفرحهم وبالك هو يطلع ولد حلال ويفرحنني وينسيني، المهم قالت مدامني حننخطب وحنكمل عمري مع شخص ثاني ف انا ضروري نعترف لسند عشان منندمش، عدت وتين وقالتله يا سند ارقا مكالمه صوت نبيك في موضوع سند قاللها نشاءالله خير ورقت معه في مكالمه واعرفتله وقالتله علي كل شي في قلبها وحكتله كل شي سند بعد سمعها فرح وقاللها يا وتين حتى نا نبيك بس وتين مقالتش لسند انها نخطبت وقعدت تحكي معاه المهم مرن الايام وقعدت كل يوم تحكي معه وفرحانه وقلبها بيطير من الفرحه وفرحانه انها قعدت تحكي معه وعوضها علي كل لحضه احزنت فيها عشانه وبعدها مصرش نصيب من العريس هذكي قريبهم و في الفتره الاخيره جاها عريس قل اعوذ برب الفلق كامل مكمل من مجاميعو والكما الله وحده، وافقت عليه وتين ودارو الخطبه وكلمتني لاكن لان انا خويا كاين في العنايه مقدرتش نمشيلها وبعد فتره العرس والعريس طلع كويس وعوض وتين عن كل شي وعيشها قصة حب حلوه ونزيكه وكانو حانيطين مع بعضهم تونز الله يبارك وكانو مكملين بعضهم وعبدو كان يحبها موت لي هوا راجل وتين يحبها موت ومش منقص عليها شي وتين مقصرتش معه ولي يبيهت اديرها له وتوا وتين بتكمل قرايتها وتوكل لحوش حبيب القلب ومن ناحية سند مدورهش وقاللها مبروك ومزعلش بلعكس عادي الموضوع وهذي نهاية وتين كانت نهايتها سعيده ونشاءالله ربي يكمل عليها بلهناء وربي يسعدها في حياتها ويوفقها وربي يفرجها عليها انشاءالله،
اما من ناحيتي نا ومعتز كنا كل مره نتعاركو. وبعدها جاته فتره تغير عليا قتله يا معتز شن رايك نفضوها حكايتنا لان خلاص انت معش تبيني وكانت كبيرت عيد الاضحى معتز قالي لا ونا منقدرش نعيش بلاك وماني عارف شنو والمهم قالي عرم كلام لي لحضه حسيته ميت فيا بعدها عشان قالي دزيلي صوره بدون ملابس قتله يفتتحلك ربي قالي معنتى تشاو وحطني في الحظر ومعش حكا معايا وبعد العيد بأسبوع رد عليا ويبني ويجدا وقلت عادي نرد انا اصلا نبيه وردينا بس هوا مهنش روحه وتعاركنا وقعدنا كل يوم متعاركين بعدها حاه يوم. مش عارف شن صارله وقالي معش نتعاركو وقعد يكلم فيا في اليل وكلمني وقال انه هوا منوض وكلام صخيف وقعد يبني نحكيه معه وعشان نا محكيتش معه حطني في الحظر اسبوع وبعدها بدن امتحاناتي وجانيي وكاين ثاني امتحان عندي رن عليا واعتذر وقالي سمحيني وقعد يبكي وقالي معش نسيبو بعضنا وقال عطيني فرصه هل مره بس فرصه اخيره ولو زعلتك سيبني بكل والصراحه رد مهتم ويحيبني وتغير وقعد معتز الطبيعي المحترم لي حبيته وممعشش زعلني ابدنن ومهتم بيا وديمه يكلم واهني وانتي ام لعيال ودوه زي خل دوه ودللني وبجد كانن اجمل ايامي معه مستحيل نوساهن،بس مكنتش نحسابهن الايام الاخيره لي بعدها معش حنحكي معه. المهم انا خويا امرض ودخل مستشفى وقعد كل يوم جيينا اضيفو وفي يوم جتنا عمتي وكنت انا مسويه العشا وكنت نحكي معه وجونا تمام وبعدها كملت حوستي وكل شي وقعدت نحكي معه. بعدها خشيت داري وقعدت نحكي معه سفيان خش عليا علي غفله درت روحي نتفرج علي استوريات وقالي هاتي التلفون خفت منه ومشيت نجري عند الصبايا وحطيت معتز في الحظر وحكيتله لي صار. ومعش حكا معايا وحكيت لامي ودراتلي واسطه واقنعت سفيان انه يخلي التلفون عندي بس سفيان شك فيا وقبلها ساير كم موقف مخليه يشك برضو عشان ههكي قعد الوضع يخوف مشيت حكيت لمعتز وقتله لي صار معتز انقلب عليا وقعد ماحوتك ما يرد وبعد يرد يرد بسميلا قلب مكسور وبس وبعدها قالي شن تبيني ندير ونا ندير انا معك وانتي ام لعيال ومستحيل نسيبك، مشيت لريم وحكيتلها وقالتلي قوليله يجي يخطبك مشيت وقتله شن،رايك تجي تخطبني قالي الفتره هذي منقدرش وطلعيه من راسك بكل لموضوع هذا قتله لعند امتى دزلي قلب ومردش وبعدها قتله نا اصلا مش مستدعتله وفوته الموضوع هذا باهي يا معتز دبر عليا قولي راي ومعتز يدز في قلب مكسور وبس وبعدها اختفا نهائي ندز ومعتز ميردش ونرن وميردش معرز انا بحاحتك متسيبنيش نبيك معايا رمعتز مش مدورني نهاااائيي الكلام هذا كان الساعه 10:00وبعدها ندز ندز ومنها عرفت انه معتز يتهرب مني لانه معش يبيني وقلت معش نزيد عليه شكله ميبينش قتله ربي يهنيك ويسعدك ومدامك انت فايتني هكي معنتى انت معش تبيني انا لو تبيني مكنتش سيبتني هكي وقتله باي وحطيته في الحظر وكزنت عليه هذك الساعه في وقتها بعدها حولت الحظر ونزلت استوري

الاستوري:
يحسابني بلاه انموت😌
يرفس عزيز سلم فصخته😂💃🏻.

،
،
،
،

وشافه ومردش وبعدها حولت من عليه الحظر وحذفت رقمه بلرغم اني حافظته حفظ الرقم بس موقفتش حياتي عليه ولا حزنت واعتبرته انه درس وتجربه ليا ولي بينتنا عشره من 2017 وانتهت حكايتنا في 2021 ،وتوا ليا ثلاث ايام ميحكيش معايا كان بودي تكون نهايتي معه بس هوا مطلعش راجل وسيبني ونا في امس الحاطه اليه فا،قلت بيني وبين نفسي عليش نزعل ونحزن انا حبيت بس هوا ما يستاهل وقررت ننساه مع اني مش حنقدر لان نحبه النهار كله يمشي عليا عادي بس بعد يجي ليل يخطر صوبه وننهار لانه بجد حبيته وخاصتن في الفتره الاخيره تعلقت بيه بس هوا سيبني ومعش يبني مع اني نحبه بس مستحيل نوقف حياتي عليه انا مش عايشه،عشانه انا عايشه عشان نفسي وحنكمل حياتي عادي وتعرفو انا يومي كله عادي نزعل في اليل شويه بس ميريحش عند الله شي وحيجي يوم وربي يفرجها وطبعا بديت نحفظ في القران وقعدت نلهي في روحي في مواضيع اخرا زي قرائة القران وححوسة الحوش و عندي كم حرفه نتبع فيها وعايشه حياتي مش موقفتها عليه وفي النهايه مزال العمر قدامي ومزال نا ملي يبيني وسيوره جايني نصيبي لي مش يفرجها عليا ولا يسعدني ولا. يكملني يجي نصيبي لي يحبني فقط يجي نصيبي لي يعيش معايا ام عن الفرح و للاهتمام والراحه والكمال هذينا انا نديرهن لنفسي بنفسي ونا بنعيش عشان نحقق حلمي وحلم والدي الله يرحمه وبنعيش عشان نبني مستقبلي وبنكمل حلمي وندير جميع لي نتمناها ولي يجيبه النصيب والقسم ممرحبتين بيه بس انا محطيه في او لوياتي احلامي وطموحاتي وبعدها حنفكر في باقي المواضيع وهذي نهايتي انا والبست الرائع وتونه وهذا لي صار وبيصير معانا، ونصيحتي هيا (خليك على مبدأ طار السو حتى لو اللّي طار غالي🤌🏻🚶🏻‍♀️").....

،
،
،
،
اعذروني كانت النهايه طويله شويه ويمكن صامطه واعذروني عل حلاقات الاوله كانن اقصار بس لانه الروايه حقيقه اطريت نديرلها هكي نشاءالله الروايه ونشاءالله كنت ضيفه خفيفه علي قلوبكم ويا ريت تدعولنا لو حبيتونا، ،ونشاءالله نشوفوكم بخير وعافيه كانت معكم الكاتبه:  Rbabsham..
وتمسو علي خير💛 ...
مع السلامه 👋.