بسم الله الرحمن الرحيم ..
اول شي .. كيفكم .. شخباركم .. انشاء الله كلكم طيبين ..
طيب الحمد لله .. .. الصراحه .. حبيت انزل لكم قصه من تأليفي ,, هذي اول مره اكتب قصه وانزلها .. مع اني سبق وقد كتبت .. بس هذي اول وحده تنزل .. ..
القصه مكتوبه باللهجه السعوديه العاميه .. احداثها كلها تدور في المملكه وبالتحديد في منطقة الرياض .. .. اترككم مع القصه ..
.
.
.
*(( تِـحـملْت كثيرْ يـآ قلْـبيـى ))*
حمد (ابو عبد العزيز)
لولو (ام عبد العزيز )
عائلتهم مكونه من 8 اخوان وخوات .. الاخوان والخوات بينهم شركه كبيره ومعروفه .. يديرونها الاخوان الاربعه اما ازواج خواتهم فتاركين حلال زوجاتهم على اخوانهم يديرونه مع حلالهم .. اسره مترابطه ومتكاتفه .. يجمعهم الحب والاحترام والاخوه .. ابوهم وامهم لازالو عايشين بس يسكنون فبيتهم بلحالهم .. حاولو فيهم عيالهم يجون يسكنون كل مره عند احد بس هم ما طاعوا .. يقولون ما نبي نثقل على احد ..
نجلس فبيتنا ابرك لنا ..
(عبد العزيز وزوجته هدى .. عيالهم .. حمد وفهد وسلطان ورغد )
(سليمان وزوجته خلود .. عيالهم .. مشاري وليلى ونوره )
(ابراهيم وزوجته فوزيه .. عيالهم .. ساره وبيان وولاء )
(عايشه وزوجها عبد الله .. عيالهم .. تهاني وهيفا ونايف )
(شيخه وزوجها عبد الرحمن .. وعيالهم .. ابرار ولولو وجواهر )
( فارس وزوجته امل .. عيالهم .. رائد وجوري وريان )
(حصه وزوجها محمد .. عيالهم .. ماهر واميره )
(مشاعل وزوجها فيصل .. بنتهم وحيدتهم .. غيدا )
الشخصيات بالتفصيل :
عبد العزيز : اكبر اخوانه .. رجال محترم متفهم .. له هيبته وكلمته ..
هدى : انسانه حبوبه وطيوبه .. تحب عيالها بشكل فضيع ما ترضى عليهم الغلط .. امنيتها في الحياه تشوف عيالها بخير وعافيه وسعيدين فحياتهم ..
حمد : 27 سنه .. يشتغل مع ابوه فشركة العايله .. انسان حبوب وحركه .. يحب ولد عمه سليمان مشاري وهم اكثر من الاخوان .. طويل ابيضاني مملوح خشمه عادي عيونه رسمتهم حلوه حيل .. شعره ناعم وكثيف بس ما يحب يطوله .. هادي بعض الاوقات .. يشبه ابوه كثييييييييييييييير ..
فهد : 26 سنه هو بعد يشتغل بشركة العايله بس يشتغل في الفرع الثاني .. انسان فضييييييع .. اعجوبه .. حبوب وفرفوش وطيب ورووووووووومنسي بقوه .. يموت فبنت عمه << بعدين تعرفون مين *_^ .. رهيب بقووووووووه .. عليه حركات تجنن .. جسمه فضيع جسم رياضي بس على عرض شوي .. مو طويل ولا قصير .. حمد اخوه اطول منه .. اسمر من حمد بشوي .. خشمه سلة سيف عنده غمازه وحده بخده اليمين .. اصابعه طويله ونااااعمه كنها اصابع بنت .. عيونه عسليه غامقه شوي بس تذبح ..
