تحملت كثير يا قلبي

البارت الثامن و العشرين

 فبيتـ ابراهيم 

.كانت بيان جالسه بالغرفه تكلم طلال ..

بيان : طلال .. خلاص وربي حرام عليك ..

طلال : حرام علي ولا عليك .. وش سويت عشان تسوين معاي كل هذا ..

بيان : آسفه وربيي ما اعودها وربي ..

طلال : ما ينفع الاسف الحين خلاص يا بنت الناس .. كل واحد يروح بحآله .. وصدقيني محد راح يدري بالموضوع .. الله يستر عليك .. بس ماتوقعت من الانسانه اللي عطيتها قلبي وكل مشاعري انها تسوي معاي كذا .. تطعني بالظهر .. بس ودي اسألك .. قد قصرت عليك بشي .. قد حسستك انك ولا شي عندي ..

بيان بندم : لا .. والله اني ندمانه يا طلال خلاص وربي .. عطني فرصه ..

طلال : آسف .. ما اقدر اثق فيك مره ثانيه ..

بيان : طلاااال ..

طلال : اسف ياللي كنتي بيوم من الايام عيون طلال .. يلا فمان الله ..

بيان : طلال يرحم والديك اسمعني تكفى ..

طلال : مابي اسمع منك ولا شي .. خلاص قفلي .. وخلينا نطلع بالمعروف زي مادخلنا بالمعروف .. يلا مع السلامه ..

سكر بوجهها .. رجعت دقت عليه اكثر من مره بس مارد عليها .. لين قفل الجوال .. حطت الجوال وجلست تصيح ..

بيان : انا الحماره الحيوانه اللي هدمت حياتي بيدي .. حسبي الله عليك يا فهد ..

ولاء : فهد وش دخله بالسالفه يا بيان ..

بيان رفعت راسها : وش تبين انتي ..

ولاء : ممكن اعرف فهد وش دخله .. بالسالفه ..

بيان : اطلعي برى بسرعه ..

راحت ولاء وقفلت الباب ووقفت قدامها : كل مره تطلعيني وانا اطلع ما اقول شي .. بس هالمره غير يا بيان .. هالمره السالفه فيها فهد .. واكيد تتعلق بجوري .. تكلمي ابي اعرف وش السالفه ..

بيان : مافيه سالفه اطلعي برى عن وجهي ..

ولاء : وربي يا بيان لا اروح انادي ابوي يعرف السالفه بنفسه ..

بيان : كنت اكمل فهد ودخل طلال وسمعني ..

ولاء تنحت وانصدمة من اختها : معقوله .. كل شي اتوقعك تسوينه الا هالشي ماتوقعته منك ..

بيان : لا تلوميني الحين صار هالشي .. بس المشكله بطلال .. بيطلقني ..

ولاء : الصراحه لو منه تدرين وش بسوي ..

بيان : ............

ولاء : بروح اذبح فهد وبمسكك واكفخك لين تتشوهين بعدين اطلقك .. بس زين منه اللي بيطلقك بدون فضايح ..

بيان : بس انا احبه .. مابي غيره والله ..

ولاء : تحبين مين .. طلال ولا فهد حددي لو سمحتي ..