قصة جوري💔( فصلية الشيخ القاسي) حقيقيه🔥
البارت الثالث عشر 🖤
_______________________
ليان
حاولت اقهرها بطريقه تخليها ماتكدر ترفع راسها عاشت الدور هواي اني اروايج ياجوري بسيطه
رحت يم الدي جي
ليان;ممكن احجي
امينه: يي تفضلي
اخذته منها
ليان:اولا احب اهني وابارك لحبيبتي وروحي وبنت خالتي نور فرحتلج من كل گلبي وارحب بكل الحاضرين اللي شرفونه اليوم واحب اعرفكم على اهم ضيف اليوم لحضه بس
نزلت ورحت سحبتها من ايدها
ليان:شبيج تعاي
باوعت لسحر
اخذتها ورحت يم الدي جي اللي هو بمكان مرتفع شوي
ليان;اللي بعده مايعرفها هاي فصيلتنه
جوري
جنت كاعده ويا سحر ماشوف الا ليان داتحجي والكل دايسمعها ومن اجت سحبتني من ايدي وعلى وجهها ابتسامه انتقام باوعت لسحر بخوف
وهي راحت وكالت هاي فصيلتنه باوعت الها بصدمه
ليان;ايي احب اعرفهم عليج لان البعض مايعرفج
وبدن النسوان يحجن
ليان: وهي السبب بموت ابن عمي والله لو تموت مايبرد كلبنه بس مانكول الا حسبنا الله ونعم الوكيل بس الله ينتقم منج حوبتنا ماتعداج
تقدمت مره: لايمه لا عمر الحق مايروح والقهر اللي بيكم بيصير بيها والله بيقهرها بابنها مثل ماقهرتكم بولدكم لاحول ولاقوه الا بالله
ومره ثانيه;ولاتزعلين بنت لشيوخ كلنا ندعي عليهم من نصحي لحد ماننام ولد الشيخ اللي راح كسرنا كلنه والله لاينطيج ولايفرحج
وبدا الحجي والدعا عليه واني دنكت براسي ودموعي بدت تنزل وحسيت بوجع خفيف ببطني
اجيت اروح وهي لازمه ايدي بقوه نفضت ايدها بقوه ورحت امشي واني لازمه بطني احاول امشي بسرعه اتعدي الانظار والحجي ماشفت احد ولاركزت لاحد
طلعت لصاله الخارجيه ووكفت احاول ماابجي صعدت اجيب هدومي حجابي اريد اروح بعد ماتحمل اظل دقيقه
صعدت ماحسيت غير سحر فتحت الباب
جتي تسحب الشال من ايدي
سحر;شمالج علمودها تروحين مو هذا اللي تريده
جوري; تمام
سحر;شنو تمام جوري
سحبت الشال منها
سحر:جوري خليج اقوه من هيج ماعليج بيهن تره مو الكل ضدج في نسوان كالن شذنبها بنيه تحملت ذنب مو لها
واني دالبس وساكته
سحر;جوري داجاوبي شبيج
جوري:سحر خليني بكيفي ماريد اظل خلص هو الغلط من البدايه اني جيت
سحر;هسه اهدي شربي ماي خل ننزل عرس هذا شبيج
جوري;اني مثل ماكالت فصيله وهو ولدكم فرحو بيه
سحر;لعد انتظري اتصل بصكر
جوري;لاتتصلين
سحر::;يااتصل يا وداعت جهالي ماتروحين
واتصلت ضلت تحجي ويا شوي وسدت الخط
سحر;هسه حيجي
نور
زفوني ونزلت والهلاهل والجكليت والهوسه حسيت اني اميره جد يوم ولا اروع وشفت صديقاتي والبنات يركصن ويهوسن الا شوي هاي ليان داتحجي بالدجي هاي شبيها تخبلت
ومن حجت وراحت وجابت جوري وهاننها بهاي الطريقه اني هم زعلت عليها شلون راحت وهي تبجي هو بالنهايه هي مالها ذنب بس ماداتشوف احد يرحمها مسكينه هاي البنيه صدك ضجت عليها
صكر :::
ورا ماوصلتها رحت مجلس الرجال والناس هواي واللي رايح واللي جاي الا شوي يدك تلفوني هاي مرت اخويه
صكر;السلام عليكم
سحر;وعليكم السلام اخوي
صكر;خير امري
سحر;هاي ليان صعدت وهانت جوري كدام الكل وبعض النسوان دعن عليها وعلى ابنها وهي ضاجت وانقهرت هسه تريد الا تروح واني كلت انتي تجي تاخذها احسن
صكر;لاحول ولاقوه الا بالله هذن مايفهمن هسه جاي لاتخليها تتطلع يالله اجي
سحر;حاضر اخوي
