بنت ولا ولد ، مذنب ولا بريئه
1
شخص بيجرى وبياخد نفسه بالعافيه وقف وقال : الحقنا يا معلم المعلم الدبشه والمعلم اسماعيل ماسكين فى بعض وبيكسروا الحاره كلها
نزل شاب (فى أول العشرينات شعره اسود عينه بنى مش طويل اوى) كان بيجرى
ووقفت ست باين عليها الشيب : خلى بالك من نفسك يابنى خلى بالك من نفسك ياعلى وبصت للى كان بيجرى كنت مستعجل اوى يا فهيم
نزل على واول ما دخل وسطهم بدأوا يقعدوا ويبطلوا خناق
على : فى اى يا معلم منك ليه هو الواحد ميعرفش ينام في الحاره دى ولا اى
الدبشه : احنا اسفين يامعلم
اسماعيل :ماكناش نقصد يامعلم
على : وانا ايه فايدتى باسفك منك ليه ما نومتى اتقلقت خلاص
اسماعيل : احنا مكناش نقصد يا معلم بس الدبشه هو اللي غلط معايا
الدبشه : لا يا معلم انا مغلطش هو اللى غلطان
على : يادى النيله بس منك ليه احكى يا اسماعيل
اسماعيل : دلوقتى يامعلم حضرتك امرتنى انى انا اللى اخد العربيات اللى هتيجى النهارده وخصوصاً فتره الصبح
على : اه اسلك
اسماعيل : منا جايلك فى الكلام اهه يا معلم راضيك ان الدبشه ينزل ياخد منى العربيات ولأن ورشته الأول بياخد الشغل كله وحتى العربيات اللى بتيجى عليا بيفضل يعمل زيطه لحد ما يطفشهم او يروحو عنده وانا احترمته امبارح ومفتحتش مع ان حضرتك ممنعتش اننا نفتح
على : أهدى بقا يا سمعه اى أقوالك يا دبشه
الدبشه : ماهو يا معلم
على : ماهو اى يا دبشه حصل ولا محصلش
الدبشه : حصل يا معلمى بس يعنى
على : مبسش انت المحقوق يامعلم وشغلك الاسبوع ده كله هيروح على اسماعيل
الدبشه : لكن يا معلمى
على : ملكنش ولا عندك اعتراض
الدبشه : ابدا يا معلم اللى تؤمر بيه سيف على رقبتى
إسماعيل : ربنا يخليك لينا يا معلم ويزيدك من فضله يارب
