الأسمراني

البارت الأخير

شعرت بتجمد أطرافها ، ويس بجانبها يبتسم بإتساع لكنه تبدل للقلق حينما رأي ملامحها أمسك يدها بقلق :
مالك يا هاجر

لم تستطع النطق حاولت إخراج الحديث ولكنها همست بخوف :
أنا .... أنا مش عايزة أتجوز

ركضت إلي الخارج وصعدت إلي أعلي المبني ، عقب إنهاء حديثها ، حاول والدها اللحاق بها ولكن منعه يس مردفاً بهدوء :
لو سمحت يا عمي أنا هتكلم معاها

صعد يس ورائها دلف إلي سطوح المبني وجدها متكومة علي نفسها علي إحدي الأرائك تنتحب بحزن ، إقترب منها وناداها بهدوء :
هاجر

لم تستجب إلي نداءه وأكملت نحيبها ؛ فهزها يس برفق :
هاجر بصيلي

رفعت وجهها وهي تنظر له بحزن ، مد يده لمسح العبرات العالقة بأهدابها :
إنتي مش عايزة تتجوزيني

فاجأته بردها :
أنا خايفة أتجوز يا يس ، كل الرجالة بتتغير بعد الجواز وإنت قولتلي قبل كدة إني مش البنت ال بتحلم بيها ، يعني هيجي يوم وتقابل البنت دي وتحبها وممكن تتجوز عليا يس أنا خايفة أتعلق بيك وبعدين تسيبني أنا والله ممكن أموت

قهقه بشدة علي بكائها ، ضربته في كتفه بقوة :
إنت بتضحك علي إيه

هدأ من ضحكاته وإردف بحب وهو ينظر لها :
إنتي غبية علي فكرة ، تفتكري طول السنين دي ملقتش مواصفات البنت ال بحلم بيها .. لقيتها طبعاً بس مخطفتنيش زي ما إنتي خطفتيني يا هاجر ساعات بنكون راسمين لنفسنا نمط والقدر بياخدك في حتة تانية خالص

إحتوي كفيها بين كفيه بحب :
لو إنتي خايفة إني في يوم أسيبك فأنا عمري ما هسيبك فاهمة عشان حبيتك بجد رغم الفترة القصيرة أوي دي وهتكملي حياتك معايا غصب عنك فاهمة ، وأنا هثبتلك الفترة الجاية دي إني أستحق حبك ده

إكتفت بإماءة خفيفة وهي تمسح دموعها :
حاضر

- أيوة كدة إضحكي

إقترب منها ليضمها لكنها إبتعدت بتوتر وركضت إلي الأسفل ، نظر في أثرها ببسمة عاشق :
ربنا يقدرني وأقدر أسعدك بجد

~~~~~~~~~~~~~~~~~~~~~~~~
بعد مرور ثلاث أعوام كانت تقف أمام المرآه تنهي أخر تجهيزاتها منتظرة قدوم زوجها من عمله الشاق ، نظرت إلي الغرفة من حولها مرتبة ، نظيفة وأضاءت بعض الشموع لتخلق جو من الرومانسية ، كانت ترتدي قميص طويل نسبياً يصل لركبتيها باللون النبيذي ، وصففت شعرها وتركته إنسيابي وراء ظهرها جلست علي الكرسي وهي شاردة في ذكريات ليلة زفافهم

Flash back 6 months

كانت تتزين في صالون تجميل بسيط ، لم تضع الكثير من مستحضرات التجميل ولكن كانت كالقمر ، نظرت لها والدتها وبعينيها دموع الفرحة :
ألف مبروك يا حبيبتي