يِا مَعزتك عِندي ولا چَنك جَرح
.........................................
اليان ، حددو اليوم واني مقهورة ححيلل كرهت كلشي المهم كمت حضرت ملابسي و ابوية كال ال امي تاخذني للسوك تشتريلي ايشي احتاجة اخذت دشاديش وتراكات سود لأن عيب البس الوان وزحمة وشتريت كلشي ورجعت للبيت هلكانة وتعبانة وتفكير اكل راسي اكل شلون راح اروح ل غير حب حياتي وشلون احد يلمسني غيرة هه واذا ذاك خلاني عايشة حتة يلمسني شلون راح يعاملوني؟ اكيد يأذوني اخخخ بسس اخ رحت امي صاحتني ع غدة مالي نفس كضيتها نوم كعدت لكيت علاكة حلويات يم راسي عرفتها من عباس بتسمت ولزمت الفون وكعدت اكل كلت خلي اكل وشيصير خلي يصير طز بلحياة ورة شوية ابوية دك الباب ودخل ابتسم واجة يمي ضل يحجي ههواي واياية واخير شي كال اريد ترفعين راسي بنيتي بجيتت هواي وطلع هوا الدمعة بعينة
اني تعبت ونمت
..........
علي . البيت خنكة كلش راح الجان تارس البيت بضحكتة كلش احبة وتعبت ونكسرت ورا امي كلش تعبت و ابوية أكثر بعد خواتي الزغار يجن بيجن يمي وانكسر أكثر وأكثر بس لازم اكوم ع حيلي مالهم غيري
اجة اليوم الي اخذ بي الفصلية واجو عمامي ورحنة عليهم كعدت بسيارة اني مكدرت اصعدها وياي دزيت ابن عمي يصعدها وية ابوية وعمامي طلعت وجانت مطيتني ضهرها كلشي مشفت منها يلاا بعد احسن شفتها تبجي بحضن ابوها ههه بعدج مشايفة شي صعدت بسيارة ونطلقنة للنجف وصلنة جبت الشيخ وعقدت عليها ونتبهت ع اسمها وفز كلبي بس كلت اكيد صدفة اكيد المهم كملنة ..
.............
ليان، كعدت الصبح وكعدت بنص اهلي حاولت اغير جو كمت بدلت ولبست عباية فوكاها احترام الهم مو مال اطلع بنطرون وبهل وضع طلعنة ومتحملت من شفت ابوية ونسيت العالم كلهم وكعدت ابجي بحضنة اخخخخ ياوجع كلبي رحت وياهم وطريق جان طويل لحد ﻣﻣــا وصلنة دخلت يم نسوان واجتني مرية جبيرة بلعمر كالتلي تعاي يمي بنتي رحت يمها النسوان كالولها لا تنسين ترة اخوها الي كتل ابنج صاحت بيهم ترة اخوها وهية مو ذنبها تتحاسب بدالة تخلفكم ليوين يوصل بعد رتاحيت من شفتها دافعلي عقدنة بسرعة وحتة ما نتبهت ع شي اجتني بنية كالتلي تعاي وياية فوك صعدت وراها واسحل بجنطة دخلت لغرفة كلهة سودة واثاثها يموت بس ليش لونها هيج انقبض كلبي كلت اذا الغرفة هيج صاحبها شلون يربي دلتني وين احط ملابسي وكالتلي رجلج ميجي هسة كومي عزلي ملابسج واخذي راحتج حبيبة بتسمت بوجها وكمت بدلت لبست تراك نص ردن ولميت شعري ب اهمال وعزلت ملابس ردت انزل بس خفت ضليت كاعدة شوية وتمددت وماعرف شلون غفيت اجت كعدتني نفس البنية وكالتلي كومي تعشي حبيبتي كمت ولكيت الأكل رادت تطلع صحتها وكتلها تعاي اكلي وياية ابتسمت واجت كعدت اكلنة بدون منحجي شي واني جنت جوعانة كلش كملت وهية نزلت الصينية وراحت صارت ب 9 وزين هذا ما اجة كمت اتمشة بلغرفة شوية ونفتحت الباب واني جفلت صحت منو؟؟
علي . وجع صوتج بت نعال عليمن صيحين طلعت رأسها وهنا صدمت عمري ليان؟؟ آخر بشر توقعت اشوفة كتلهة شجابج
ليان، علي انتَ شجابك يول
علي . انتِ الفصلية🙂🙂🙂؟؟؟
ليان، بخوف يي
علي . للا ليان كولي جذب عليج اللهه صدكك تحجين لجج يربي اختبارك صعببب كلشش صعب
.............
من سيفهُم ضجيج داخلكّ وأنت في أتم هدوئك
