#حرب_الملائكة 2 (حقيقية)
ليان:رجعت خالتي من خدمتها في المصحه الساعه 1 في الليل زي العاده
ارتمت على سريرها بتعب وغمضت عيونها
خشيت لغرفتها وانا متردده قعمزت علي السرير جنبها وانا نرجف تكلمت والعبره خانقتني
كنت صغيره ومنعرفش لكن متاكده ان يلي داره ولد خالتي غلط في غلط
بديت نحكي ودموعي ينزلو وقعدت نتكلم بتفصيل ونحكيلها ولدها شن دار فيا
استنيتها تحضني وتفهمني شنو قاعد يصير !
تنوض لي ولدها تعيط عليه وتعاقبه وتاخدلي حقي منه !
لكن ردها صدمني !💔
نرجس:ولدي هوا يلي غالط يعني ؟
الغلط منك انتي تتلصقي ديمه وتعصبي فيه لبسك مش محترم قدامه
ريتي لو خوالك يسمعو بيك ونقوللهم والله لما يقتلوك ويلحقوك بي بوك وامك
ليان:بانت علامات الخوف على وجها وصدقت كل كلمه قالتها خالتها وفهمت ان صح هيا يلي غالطه مش ولد خالتها
اما خالتها فهمت كويس ان ليان قاعد عقلها طفولي وتخاف وتصدق اي شي
نرجس:تكلمت والخبث مالي عيونها ......تبيني منحكي لي خوالك؟!
ليان:تكلمت بلهفة وخوف ........لاااااا لا
نرجس:به تمام معناها بتسمعي يلي بنقولك عليه ولا شنو !
ليان:هزت راسها والخوف محاوطها ...
نرجس:حطت يدها على رجل ليان.....لو تسمعي كلامي واديري يلي نقولك عليه رح اطلع فلوس زي التراب
ليان:كيف؟!
نرجس:توا نوضي ارقدي وانسي يلي صار كله كأن مصار شي وراهو لو بتحكي لي حد انتي يلي بتنضري
ليان:مسحت دموعها وهزت راسها بي الموافقه يلي زي كل مره وناضت
__________________________________
اانفتح باب اسود قاتم عالق فيه مقبض فضي كبييير يلمع ... خش منه شاب ملابسه كلاسيك ومرتبه بزياده وماسك في يده اوراق وملفات
مشيته وخطواته ثابته كأنها مدروسه قبل ما يخطيها
خش بهدوء وسكر الباب وراه ......قرب على المكتب الضخم يلي كان قدامه حط الاوراق بهدوء وابتعد خطوات .....هادي كلها كشف الحسابات يلي طلبتها متع شهر7
كرسي جلد بني لامع كان عاطيه بي الضهر ........مفيش شي باين منه غير كتافه العريضه والدخان يلي كان يتصاعد منه
تحرك الكرسي ولف عشان يبان ❤️
بنفس الشخصيه والهيبه في كل مره ...لبسه يلي ديمه الوانها داكنه وفخمه 🔥
شعره الاسود بي طريقته الفوظويه
نضرته يلي ديمه سارحه في حاجات مفيش حد فاهمها
انطق اخيراا بعد نضرات طويله للورق
عدي:من طلبها منك كشف الحسابات ؟!
هاني:انت طلبتها مني امس ولا نسيت ؟
عدي:حط يده على راسه بتعب وغمض عيونه ....عطيهم للمحاسب يراجعهم
هاني:بس انت قلتلي ان ......
عدي:بتعصب.....كلممممه هيا منقعدش نعاود فيها الف مره
قاطعهم صوت من خلفهم ....
شاب واضح عليه في بداية عمره
شكله والنذبات يلي في واجها توحي انه شخص سيئ ومن قطاع الطرق يلي طول اليوم يلود في الشوارع
لكن ملابسة الانيقة توحي بي شي تاني بكللل ..... تعطي انطباع انه من الطبقه الراقيه المخمليه
ضياء:له له له .....خيرك عدي صوتك طالع
هاني:طلب مني كشف ح.....
عدي:لوح الملف ع طول يده ....وتوا قلت ارفعه للمحاسب علاش تناقش فيا !؟
ضياء:خدي نفس عميق.....خلاص اطلع ياهاني شوف شغلك مصار شي
هاني:بملامح جامده كأنه متعود على اعصاب عدي يلي تصير بدون سبب ...هز براسه انه موافق وطلع
ضياء: سكر باب المكتب كويس وقرب من عدي .....شن يلي قاعد يصير معاك
عدي :حط يده على عيونه ....مش قادر نصبر اكتر من هكي مش قادر
ضياء:خبط يده على المكتب بقوه وحزم وملامح وجها كلها جديه.....لا بتصبررررر بتصبر وغصب عليك حني مخاطرناش برواحنا وتعبنا باش نجو نهاية الطريق نتسرعو ونخربو كل شي هكي
عدي:يهز في رجله بتوتر ....امتى؟!
ضياء:بعد من على المكتب وهوا يساوي في جاكيته ....قريب معش مزال هلبا
عدي:خدي نفس وولع دخانه
ضياء:نبيك تركز في الخدمه الايام هيا زي العاده متخربش علينا شي نقعد نصلحو من البدايه
عدي:تنهد ....تمام
ضياء:بعدين في حد يخدم الساعه 12 في الليل ومخدم الناس معاه
عدي:واقف يرتب في ملابسه ....هاني ميروحش لين نطلع انا وانت تزبط
ضياء:ضحك.... ياريته جي سكرتيره وخلاص
عدي:لبس جاكيته ....علاش!
ضياء:شافله بنضرة خبث وضحكة....سلامتك
🔥رويـــــــات بنـــــوتـــة الــشـــيخ🔥
🔥أروى الطـــــــاهـــــر المسلاتي🔥
👑القروب الاصلي400الف عضو👑
فات الشهر والشهرين والاربعه ...وحتى 6 شهور
ليان:اوسخ واقدر 4 شهور مرو عليا في حياتي
فيهم بدت خالتي تجيب في رجاله للحوش هيا وولدها...رجاله اول مره نشوفهم في حياتي
كانت خالتي تلبس فيا في حاجات غريبه اول مره نلبسها
وتحط على وجهي في الوان عمري ماتخيلت نديرها في حياتي
تخلي فيا مع الراجل يلي تشوفه هيا مناسب ويدير فيا نفس مادار ولدها بزبط
يوصل فيا الليل وانا هالكه من التعب ومش قادره نوقف احيانا يي تخلي فيا معاه يضربني لما نرفض
ومرات يحرقني بي الدخان يلي في يده باش نسمع الكلام
ولما خلاص يطلع نشوف فيه يعد في فلوس ويمد لي خالتي
جي اليوم يلي اكتشفت فيه ان احساسي كان صح !
كنت مقعمزه نقشر في الكوسه وفاتحه التلفزيون ....فجأه جابو شيخ يحكي 💔
حكي كل شي مفروض اني نعرفه من زمان 💔
حكي على الزنا وكبر عقوبتها عند ربي
حكي ان غلط يصير اي شي بين اثنين بدون زواج شرعي ......بدت دموعي تنزل بدون توقف 💔
عرفت ان خالتي ضحكت عليا ويلي كنت حاسه بيه صح
نضت بدون شعور نصلي ونبكي محروقه لاني بديت رخيصه غصب عليا وبدون حتى مانعرف حاجات زي هادي
بكيت على شرفي يلي راح مني وانا عمري قاعد صغير ومشفت شي من الدنيا 💔
_________________________________
عدي:كل يوم لازم !
كل يوم لازم ندرس على نفس الحوش ونشوف من بعيد نفس الوجوه
لازم نسمع نفس الاصوات ونشوف صغارهم
لازم نحفض كل واحد اليوم قداش عنده عيل وشن اساميهم وشنو اعمارهم
منبيش الحقد يلي داخلي تنسيه الايام
منبيش الكره والنار يلي فيا ينطفو مع الوقت 💔
منبيش ولا يوم يفوت بدون ما ندكرهم وندكر فعايلهم
____________________________________
ليان:شدتني من اليد يلي توجعني
وقالتلي تمام مدامك تخافي من الحرام بنغير النضام
بدت تزوج فيا
لمدة ساعتين ولا 3ساعات بس 💔
اطول زواجه صارت كان مدتها 24ساعه بس !!
نسيت حتى كم مره تدوجت واطلقت
وكنتش نعرف شي اسمه عده واصلا كانت كل العقود مزوره 💔
حملت مره وطاح البيبي بدون ما نعرف 💔
اما المره الثانيه كنت خلاص متعوده!
طاح البيبي ومشيت للمشفى عشان التنضيف
وخالتي واقفه برا تقنع في الدكتور ان البيبي طاح من ربي
والحقيقه انها كانت تحطلي في دوا مع السوائل يلي نشرب فيها 💔
سكرت عيوني بتعب وكان في راسي سؤال واحد بس!
كيف نموت !
كيف ننهي حياتي بدون منحس بي ألم💔
________________________________
عدي:مقعمز ع الطاوله وقدامه رسم ع هيئة شجره
فوق الرسمه اكتر من100صوره شخصيه
رتبها كل مجموعة صور على جيها بروحها في الشجره
إلا مكان واحد بس قعد !!
اسم واحد مفيشي صوره ولا معلومات
اسم ليان!!
______________________
في اللحضات هيا اسم ليا كان ينادي فيه الدكتور
لما وقف قلب ريان فجآه وبدون سبب!...يتبع
