اهلا 👋
أولًا نبي نقول ان الحساب الاول معاش عرفت نفتحه 😅
و الي يحب يقرأها فهادا اسم الحساب RORO8562
توا خلي نكمل الروايه
___________________________________________
______________________________
_____________________
___________
____
__
إياد : ها وين كنا
خليفه : خيرك عطلت نسحابك أدير في عمليه
إياد : عمي عندي سؤال انتم هكي خفت الدم ويراته عندكم
خليفه : خلصني و قول وين كان و علاش و كيف صار مع الخرا حاشه الي يسمع الحادث
إياد : كان معاي في المزرعة مفهمتش خيره مكتئب هلبا و بعد يومين ناض مافيه شي ماشي قال بيزرد هوا و جماعته وبعده اشبح كيف صار وانقلب السياره و اهوا تو قدامكم
خليفه : به علاش مكتئب
إياد : بيني و بينك بنت مصطفى اشبح شن قالتله
خليفه : من بنت مصطفى
إياد : الي ولدك منبهني منقولش اسمها ع الساني و حتى لو مقلتهاش قدامه يعرف اني قلت اسم رو.. ونبي فكني ياعمي تو ينوضلي يضربني و كأنه مش مكسور
خليفه : ربي يهديه ها الولد بيجيب آخرتي ع ايده
إياد : حق عمي خليفه بتقولك حاجه او بنطلب منك حاجه و نتمنه مترفضنيش
خليفه : و الطلب
إياد : ايد بنتك الاء
خليفه : منتجرش في الأعضاء و حتى كانا نتاجر مستحيل نتجر بيبنتي
إياد : فهموني غلاط قصدي بنتقدملها
خليفه : وشن هيا شركه واني منعرفش بش بتتقدم
إياد : عندهم الحق ربي عطيك حاجه و ياخد منك حاجه عطيكم خفت دم لكن خدي منكم العقل
خليفه : شن قصدك اني بلا عقل حتى كنت بتخليك تتقدم لكن خليك التالي تو تشوف هادا عقابها تقول عليا بلا عقل
إياد : عمي ركز معاي
خليفه : شن مزال بنركز بعد ما قلت عليا ناقص عقل تي انت لو عندك ربع عقلي ره مش هادا حالك
إياد عصب من خليفه الي مش عاطيه مجال يشرحله شن قصده : تي خليني نقول كلمه الزحح
خليفه : نوض اضربني و ارتاح بالك تفش غلك
إياد : ياعمي ياخليفه اني نبي بنتك ع سنه الله و رسوله جاءكم و ناوي الحلال تعطيني ولا خليني انوض نقلب وجهي
