တောင်တန်းပေါ်မှာ ဖြာတဲ့နေ
အပိုင်း (၄)
မီးဖို မှ ထင်းများ ပြာအဖြစ်သို့ တစ်ဖွဲဖွဲ
ကျရောက်လာသော အခါ
အနောက်မြောက်ဆောင်းသည် တဖြေးဖြေး
မင်းမူ လာသည်မို့ ပတ်ဝန်းကျင် တစ်ခုလုံး
နှင်းကျ သံ တစ်ဖြောက်ဖြောက် တို့ က ကြီးစိုးလာသည်။
နေရာပြောင်းလျှင် မအိပ်တတ်သောကြောင့် ၎င်း၊ တီးတိန် ဆောင်း က ထင်ထားသည်ထက် ပို၍ အေးနေ သည်က တစ်ကြောင်း ထိုအကြောင်းအရင်းနှစ်ခုဆုံလေတော့
ကောင်းကင်နိုင် မှာ အိပ်ရေးပျက်ရတော့သည်။
ဘယ်ဘက် ကို လှည့်၍ စောင် ကိုခေါင်းထိ ခြုံ လိုက်သည်။ ခြေထောက် ထံသို့ ရိုက်ခတ်ဘာသော အအေးဓာတ် ကြောင့်
ခြေအိတ်ဝတ်ထားသည့် ကြားထဲ က ပင်
ခြေချောင်းလေးများ ကို ကုတ်
ထားမိလိုက်သော်ငြား အအေးဓာတ် က လျော့ မသွား။
ညာဘက် ကို လှည့် ကာ စောင် ကို
ခြေထောက်ထိလုံအောင် ပြန်ခြုံ လိုက်သည်။
အနံတို အလျားတို သောစောင်ကြောင့်
ခေါင်းမှစ၍ ရင်ညွှန့်ထိ အေးခနဲ ။
တစ်သက်လုံး မိမိအရပ်ရှည်၍ အရပ်ပုသူများ အပေါ်မောက်မာခဲ့သည်များက အလျားတို၊အနံတို စောင်နှင့် တွေ့သောအခါ အားပါးတရ ချိုးချ ခံလိုက်ရလေသည်။
နှင်းသံတစ်ဖြောက်ဖြောက် ကား မသိလျှင်
မိုးရွာနေသလိုပင်
သွပ်မိုး မဟုတ် ဒေသထွက် ဝါးများ ၊ အရွက် တစ်ချို့ရောရောနှောနှော မိုးသော
အိမ်လေး ဖြစ်၍
နှင်းကျသံမှာမဆူညံပဲ နားထောင်လို့ကောင်းနေသည် ကို ကောင်းကင်နိုင်
ဝန်မခံ ချင်ပေမယ့် ဝန်ခံ ရချေပေမည်။
လက်တွင်ဝတ်ထားသည့် Rolex နာရီ ကို ကြည့် လိုက်တော့ ည ၁၁ နာရီ က်ို
ညွှန်ပြလျက်ရှိသည်။
အဆိုးကြီးတော့ မဟုတ်သေး
နောက်တစ်နာရီ အတွင်း
သူအိပ်ပျော်အောင် လုပ်နိုင်လျှင်
နောက်ရက်မကူးခင် အိပ်ပျော်နိုင်မည့် အလားအလာတွင် ရှိသည်မို့ ကြိတ်မှိတ် အိပ်ရန် စိတ်ကူးမိသော်လည်း
တီးတိန်ဆောင်း က ရက်ရက်စက်စက်
အေးလှသည်။ စောင်ခြုံအောက် က
ခန္ဓာကိုယ်ကြီးသည် ကြမ်းကြား လေ နှိပ်စက် သဖြင့် ခဲတောင်တောင့် ဖြစ်ချင်နေသည်မို့
YOU ARE READING
တောင်တန်းပေါ်မှာ ဖြာတဲ့နေ (ေတာင္တန္းေပၚမွာ ျဖာတဲ့ေန)
Romanceပင်လယ်ရေမျက်နှာပြင်အထက် ၅၆၆၇ ပေ ၌တည်ရှိသော ဤတဲဒင်မ် (တီးတိန်) ရွာကြီး တွင် စာရေးစာဖတ်နိုင်သူ မှာ အယောက် ၂၀၀ ပင်မပြည့်ချေ။ အများစုမှာ မူလတန်းပြီး အလယ်တန်း ၅တန်း ၆ တန်း ရောက်သည်နှင့် လေးခွ ကိုင်ကာ တောထဲဝင် ငှက်ပစ်တော့သည်။ ဒါတောင် အတော်လေး ပညာတက်သည်...
