الجدة:الله يتقبل ابنتي وشافت فحفايداتها:اما شي وحدين لا صلاة لا عبادة حاضيين غي تصواب الشعر والمراية والدخول او لخروج روان بتاسمت:الله يهدي لجاميع البنات حسو باحراج هي زوينة وكتحمق ومحتارمة راسها وهما لي عندهم الربع دجامالها محيحين وكيعرفو الصلاة من رمضان لرمضان شيماء كتهمس لاحلام:شتي جدة شكاتقول حداها دابة اتبدى تحس براسها احلام:علاش مالها حنا حسن منها شيماء شافت فيها بحاليلا كتقولها غي كتكدبي على راسك احلام:اه زوينة صافي بقاو كيشوفو فيها اياكلوها بعنيهم حسدوها على كلشي فيها هما بنات وعحباتهم حراك لاشافها شي راجل اكيد ايحماق عليها روان وسناء طلعو فلمصعد هوما وحنان باش توريهم البيت الدار كانت كبيرة لدرجة كبيرة حيت كتجمع العائلة كلها الجد مابغاش العائلة التفرق بغاهم يبقاو مجموعين حداه كان فيها كتر من 6 دلاجنحة وكل جناح فيه جوج بيوت ومصممين بطريقة محترفة وعاد الصلونات لي مفرشين باحسن ماكاين بلدي رومي فرنسي تركي مغربي علاياش ماقلبتي تلقاه كاينين 5 دلخدامات مقابلين دار وجوج طباخات فلكوزينة وعاد سكيرتي لي برا مفرقين على للفيلة كل واحد وفين حاضي وصلو للطابق 3 لي فيه البيت لي غيكون دروان دخلو كانت بيت زوين بزاف ديكورات فاخرة والوان كتفتح النفس كان نديماج بين الرمادي والغوز بااارد والبيض حنان:عجبك بيتك روان اه زوين بزاف حنان:نخليكم ترتاحو وخرجات روان حلات لبلاكار لقاتهم ستفو ليها حوايجها كل حاجة فبلاصتها سناء بالانجلش:عائلتك صريفين بزاف سعداتك بيهم روان بتاسمت:اه بصاح رتاحيت معاهم سناء:غير ديك احلام وشيماء حسيت بيهم بحاليلا ماحاملينكش روان:غي كيجيب لك بالك واش بغيتيهم دغيا يضاسرو معيا فاول لقاء سناء:شوفي حنان ومريم غزالات وضريفات زعمو متلهوم هوما المهم انا غي حسيت روان بدلات لموضوع:نتوضى ونصلي ونتي دخلي دوشي ورتاحي عدبتك معايا سناء:لا بلعكس شحال ماجيت لمغريب واصلا مانقدش نخليك بوحدك روان باستها ودخلات توضى وخرجات تصلي وسناء دخلات دوشات لتحت حنان:اه خويا غدا جاي الجد:الله يجيبو على خير قوليلهم يبداو يوجدو لعشى اسماء هزات الطلفون ديال الكوزينة :بداو توجدو لعشى وقطعات اسماء:ماحسابلناش بنت فؤاد اتكون هكا سبحان الله الجد تفكر ولدو لي هدي قبل 21 عام عصى باه وتزوج بمركانية وهو عارف ان باهم مانع عليهم الاجنابيات تعصب وزطم على كبدتو وخيرو بين عائلتو ولا المريكانية وهو ختارها هدشي لي خلا لجد يتبرى منه ومن اي حاجة كترتابط بيهبحاليلا ماعندوش ولد سميتو فؤاد دازت ليام وسنين وماتت لاورا مرات فؤاد وخلاتلو بنت فعمرها 13 لعام هو ماتحملش موتها وبقى عاطيها لشراب وسكرة حتة مرض مرض خايب وبقى شحال فطبيب وصيفط لباه رسالة كيوصيه على بنتو لي باغيها ترجع لبلادها وتعيش وسط عائلتها ومات موراها الجد والجدة تأترو بموتو وحزنو عليه الجد سمحلو ورضى عليه وفك داك السخط لي سخط عليه وقرر يجيب حفيدته تعيش معاهم روان تربات وسط مجتمع منفاتح بزاف كلشي عادي عندهم ولكن هي قدرات تخرج على عداتهم مهت لاورا فاش تزوجات بفؤاد سلمات ودارت لحيجاب وقررات تربي بنتها على الدين الاسلامي والقران الكريم روان كانت من الصغر كتحفض القران وتلبس المستور وملي دارت 12 لعام دارت لخيمار برغبتها كبرات وواجهت صعوبة مع المحتمع الامريكي ولكن قدرات تأقلم مع الوضع حتى خلات الناس لي ضايرين بها يرضاو بيها كيفما هي حتى ولا كلشي كيحتارمها حتى فالمدراسة والجامعة كلشي كان عاطيها التقار عندها صاحبتها وحدة هي سناء وخة هي مختالفة عليها كليا ولكن هدشي مامنعهاش تكون صديقتها المقربة المهم باها ومها من الصغر وهوما يعاودولها على عائلتها واخة المشاكيل لي بينهم عيطو ليهم هبطو تعشاو طبعا الدراري تعشاو بوحدهم احتراما ليها دازت الليلة على خير وجا نهار جديد روان كتصلي لفجر والصبح وتقرا لقران عاد كتولي تنعس فاقت فل10 لقات سناء فسابع نومة دخلات دوشات ونشفات شعرها وضفراتو سناء وهي كتكسل:شحال فالساعة روان:11 سناء:اه ختصني باش نمشي بحالي روان:علاش خليك سناء:تافقت انا وجون نجي ليوم ايكون كيتسناني دابة نولي نرجع وجلس معاك روان:لي بغيتي سمعو الدقان وشوية وهي دخل حنان حنان:صباح الخير روان وسناء:صباح النور حنان:هبطو نفطرو كاملين راه تأنا ولبنات عاد فقنا روان:شوفي انا مابغيتش دراري مياخدوش راحتهم انا ماعندي تاشي مشكيل نبقى هنا فهمتي حنان:بالعكس تفهموك وحتارموك وماقالو والو اصلا هنيتيهم كيعجبهم يبقاو ديما مجموعين جدي ديما مجلسهم حداه روان:الله يطول فعمره حنان:امين ويلاه نهبطو روان لبسات عباية خفيفة وهبطات فيديها الغكى واللتمة للاحتياط جلسو فالجردة فواحد لجليسة زوينو مغطية منوالفوق بالورد واللواية( عرفتوهتا)حدا واحد الضايةدلما صغيرة فيها البط كيعوم عجبهم الحل كانو ضايرين بيهم جوج خدامات لابسين لزرق والبيض كيمدوليهم الماكلة احلام شعلات الاغاني احلام كتطنز:هاء ويلي سمحيلي نتي ملتازمة ماخصكش تسمعي لاغاني
