"سَـلاسل الحـبّ"

حلقه 1

روايه.نارالسبع
بقلمي. بنت التميم/زهو

حلقه اليوم (التحطيم)

مهم لاتنسوا التصويت على القصه وتعليق بين فقره وفقره ..✅❤️
كل فقره اريد عليه لمساتكم وكلامكم الجميل ..

- يله يا ريله كومي شوفي شغلج

- كملت العجين وخمرته . اكلج يمه ابوي لسه ماكو

- اليوم العزومه بيت الشيخ صالح و عزمه الابوج وهناك يتغذه

- نبض كلبي من سمعت بيت الشيخ صالح ابتسمت وتذكرت حمد ...
اكلج يمه صدك حمد ابن الشيخ صالح رد من الحرب لو لايه

- وهيه صفط بملابس نهر
البارحه مرت الديه لبيتنه وسولفتلي مسوي هاي العزومه لبنه لجن رجع من الحرب سالم
وشعندج يا ريله تسالين

- لا يمه بس سالت صج شصار على علي وابنه

- عوفج من السوالف وامش كملي الخبزج

- رحت كشفت غبق التنور وشنگت العجين بالصينه
اجت امي شعلته لجن احترك انه من اشعلنه

صفنت على بيت الشيخ من بعيد يبين من حوشنه

- اااخ يا حمد شسوي بعد بيه ....
هم ننجمع بيوم .لو نبقه نگل للايام مگضيه ...

بقيت افكر اليوم رد حمد من الحرب سالم وراح نرجع لمواعيدنه گرب الشط .. شط السماوه
جم عاشگ هناك يلتقي باليوم

كملت الخبز وصفطته صحت ل نوريه مرت اخوي تشيله من الحوش

غسلت على بوري گرب بيتنه ودشيت جوه مريت من حجره امي اخذت الديرم وكحل العرب والمسچ
طلعت ركضت لحجرتنه انه واختي اخاف اشوفني وهيه ما ترضه

تانيت للعصر سبحت وبدلت مشطت شعري وانه اجيس طوله عبن حمد يحب شعري الطويل وكلالي لا تكصينه ياريله تره من شعرج استبد گوايه

لبست عباتي وطلعت

-نوريه. وين

- امرناً لبيت عمي عبن عندي.شغيله ويا البنات

- صار عمرج بالعشرين ومحد دك بابج يا ريله وتطلعين العالم اكلت وجوهنه وتكول شمعنى هيه محد دگ بابها

- نوريه مالج شغل بيه انه اعرف الزين ومن الموزين وتدرين ببوي ما ينطي لغريب طلعت وانه اضحك
واتذكر كل واحد بالسلف يحجي بيه ويريدني اله
يدز حمد عليه جماعه يا يكتلونه ويهددو يا يحجون ويا وينصحوو

گربت من مكانه وانه اشوفنه من كفا بطوله وهيبته ولا عبالك هذا الجان بالحرب الجكاره بيده يدخن بيهه ويرجع يلف ايد بايد لوره ضهره وعيونه على الشط يعاين بيها كربت اكثر