*عند عمر والحارس*
عمر : الو الأخت طيف ؟
طيف : اي نعم؟
عمر : انا مندوب توصيل من الأخ مبارك اكيد انه قد قال لك عني
طيف : اي اي عط الهديه الحارس وهو بيجيبها لي
عمر : طيب بس في كلام امني اني اوصله لك بدون ما احد يسمع
طيف : تمام ، عبد المنان عطه الجوال خله يتكلم وانت جب لي الهديه
الحارس : تمام ماما
دخل الحارس جوا واعطى الجوال عمر
عمر : اسمعي ترا نستناك ورا المدرسه القديمه حقتكم بيجيك مننا واحد ياخذك نزلي شنطتك الحين مع الحارس ناخذها
طيف : طيب طيب
رجع الحارس ومعه شناط ونزلها على الارض عطى عمر الجوال للحارس واخذ الشناط ووداها السياره
وركب وراح ورا المدرسه
ف الطريق
رشاش : وش صار
عمر : من جدهم ذولا حاطين حاس هندي؟
الجوري : اما هندي
عمر : والله
رشاش : معلينا من الحارس الحين وش صار معك وش قالت
عمر : ماقالت شي عرفتني ونزلت اغراضها وشوي بيروح لها يا مصلح ولا سلطان ومعه وحده من البنات
*عند بيت طيف*
طيف : اسمع عبدالمنان
الحارس : ايوا ماما
طيف : انا بروح اشوف بيتي مع مبارك اذا احد قالو وينها قل مدري
الحارس : تمام ماما
شوي الا جت سياره فيها مصلح نزل وقال
مصلح : انتي طيف
طيف : ايه
مصلح وهو يغمز لها : انا من طرف مبارك
وعرفته وراحت ركبت معه ووداها
ورا المدرسه وهي يادوب ماسكه دموعها
مصلح : وصلتنا يلا انزلي
طيف وعيونها دموع : بس مافيه احد
مصلح : اي متخبين داخل
نزلت من السياره هي مصلح وبدا يصفر
استغربت منه الا يوم طلعو رجال مسلحين من حولها وبين الرجال طلعو البنات
ركضو لم طيف وحضنوها وهم يبكون
شذى : خلاص يروحي معاد ترجعين هناك
الجوري : من اليوم حنا اهلك
رشاش : يلا يلا امشو بسرعه نرجع ل الشقه
ركبو كلهم وكان ترتيبهم
عمر يسوق جوري شذى رشاش
وراهم سلطان طيف ايلاف مصلح
السياره الثانيه قحص ومهل
وصلو الشقه ونزلو البنات وجلسو ثلاث ساعات مع بعض بدون مايبعدون عن بعض
رشاش : ما جعتو؟ ترا طقما الجوع ونتم اربع يلا وحده تسوي فطور
الجوري : انا جعت من البكى وعير كذا فطورنا خفيف ومايشبع يادوب اكلنا لقمتين وقمنى
عمر : خلاص انا ومصلح بننزل نجيب فطور من تحت بس وش تبون
الجوري بصوت عالي : يا ادمي انت اجلس انت انكرفت لين تفلت العافيه
شذى : كلام جوري صح اجلس ولاتتحرك ولاتشتغل
مصلح : خلص انزل انا وسلطان وش تبون
رشاش : جب صحن فلافل وفول وعدس وشكشوكه
وكبده
مصلح : ابشر
سلطان : عصاير شتبون؟
شذى : فيه عصاير
جابو فطور واجلسو افطرو وراحو يغفون شوي شذى طلعت تاخذ مويه وحصلت رشاش ف المطبخ يبي ماء
رشاش : مانمتي
شذى : لا ماجاني نوم
رشاش : المويه وين مالقيت شي
شذى : اما لا تقول خلصت
رشاش : والله شكلها
شذى : حصلت وحده
رشاش : خلاص اخذيها انا ماني عطشان
شذى : خذها انت ماني عطشانه
رشاش : يابنت الناس اخذيها مبيها كنت بصحي العيال فيها
شذى : اصلا برودتها مو معجبتني خذها انت
بعد نقاش دام لربع ساعه دخلت جوري عليهم
الجوري : عطيني المويه دقيقه
شذى : خذي
قسمتها على كاسين
الجوري : معليش احتاج العلبه وانت يارشاش اشرب مويتك وانزل عطني ثلج من تحت
شذى : في ثلج
الجوري : وين
شذى : ف الفريزر امس نضفت القوالب وعبيتها ماء
الجوري : خلاص لا تنزل
رشاش : متى تبون نرجع للبر؟
الجوري : اسبوع كذا
شذى : جد والله اسبوع ولا انتم روحو واحنا نجلس هنا
رشاش : احلفي انتي وياها على اساس باخذ برايكم يعني بعد بكره راجعين
شذى : لاا اماانهه
رشاش : مالي شغل حنا اتفقنا ثلاث ايام وانا بخليكم اربع ايام خلاص
شذى : ياليييل
رشاش : احسن لكم من الحين شيلو اغراضكم ورتبوها وجهزو شناطكم
شذى : خلاص طيب
طلع رشاش وبيده كاس الماء وراح يصبه على مصلح ووعمر
شذى : هي هي شتسوي
رشاش : بصحيهم
شذى : حرام خلهم ينامون شوي
رشاش : ليش كم الساعه
شذى : (7:39)
رشاش : وتبينهم ينامون زياده
شذى : طيب مانامو الا (5:37)
رشاش : خلاص يمديهم غفو
شذى : عندك شي اليوم ؟
رشاش : لا
شذى : اجل ليش تصحيهم
رشاش : عشان مايتعودون على كثر النوم
شذى : وربي في عقلك شي
رشاش بصوت واطي : ايه انتِ
شذى : شقلت!؟
رشاش : ماقلت شي
راحت شذى للغرفه وجوري تراقبهم من المطبخ
الجوري : ماشاء الله بكلشي يتشابهون حتى التخلف العقلي نفس بعض
راح رشاش يسولف مع جوري شوي
الجوري وهي معطيته ضهرها : رشاش
رشاش : هلا
الجوري : صارحني قلي ...
رشاش : وش اقول
الجوري : دقيقة بتأكد ان شذى بعيد
رشاش : وينها
الجوري : بالغرفه
رشاش : ها وش اصارحك فيه؟
الجوري : تحب؟
رشاش : اءاء ل.لا
الجوري : يحياتي يرشاش ترا ماتمشي علي ادري انك تحب شذى
رشاش : والله باين؟
الجوري : مرا ، مسوي انك ثقيل بس كلنا ندري انك تحبها ، انا مثل اختك قلي صارحني عادي
رشاش : والله اكذب عليك اذا قلت لك محبها
الجوري : ادري ادري
رشاش : دامك تعرفين حاولي تعرفين لي منها تحبني ولا لا
الجوري : طيب طيب
رشاش : بس لاتقولين لها
الجوري : معليك انا اضبطك
طلع رشاش من المطبخ وراح جلس ف الصاله
وطلعت جوري راحت لغرفه البنات
الجوري : شوشو؟
شذى : هلا
الجوري : نمتي ياروحي؟
شذى : لا ليش
الجوري : ولا شي بس بسولف معك
جلست شذى وقالت : شكل عندك سالفه بس وش هي
الجوري : شذو تحبين؟
شذى : وش جاب الطاري؟
الجوري : ولا شي بس الحين مر رشاش قدامي وطرى على بالي السؤال ، بس شكلك تحبين
شذى : ل.لا مما احب ولا شي
الجوري : ترا تمشي على غيري بس انا ماتمشي علي
ادري انك تحبين رشاش وترا باين انك تحبينه
شذى : اصص لا يسمعك احد
الجوري : لا معليك نايمين ورشاش راح ينام بعد ،
ليش تسوين نفسك ثقيله وانتي باين مرا انك تحبينه
شذى : جوجو
الجوري : عيونها
شذى : بقولك بس بيني وبينك طيب
الجوري : تم
شذى : اي احبه بس برضو خايفه
الجوري : من ايش خايفه؟
شذى : خايفه انه مايحبني واروح اعترف له واتفشل
الجوري : من عندي اقولك اعترفي له بس مو هنا اذا رجعنا للبر
شذى : وش يأكد لي انه يحبني؟
الجوري : خلاص سوي زي ما أقول لك وبس
شذى : طيب
—————————————————-
يمكن انزل لكم بارت بعد شوي مع العلم اني نزلت ٦ اجزاء الي هي حقت اليوم
