MY CRAZY GIRL | ONHOLD

•|chapter 01

අඳුරු මාවතක් දිගේ වේගයෙන් ඉදිරියට දුවගෙන යන කෙල්ලෙක්...

ක්‍රීඊඊඊඊඊඊ ................. ස්

කෙල්ල පැත්තකට විසිඋනේ එකපාරටම break කරපු කාර් එක නිසා.

" කොහෙද ගෑනියෙ යන්නේ ? පිස්සු හැදිලද පාර පුරා දුවන්නෙ ? "

වාහනෙන් එළියට බැහැපු උස පෘෂ්ඨිමත් දේහයකට හිමිකම් කියපු කොල්ලා ඇහුවෙ තාමත් පාර අයිනෙ වැටිලා ඉන්න කෙල්ලගෙන්.

කෙල්ල හෙමීට ඇස් ඇරලා බැලුවෙ ළඟින් ඇහුනු කටහඬට. ක්ෂණිකව ආපු සිතුවිල්ලකට එතනින් නැගිටුනු කෙල්ල දුවගෙන ගිහින් එල්ලුනේ කාර් එකෙන් බැහැපු කොල්ලගෙ අතේ.

" අ⁣... අනේ සර් ප්ලීස් මාව බේරගන්න. ම..මට මැරෙන්න බෑ. "

කෙල්ල කොල්ලගෙ පිටිපස්සෙ හැන්ගුනේ කොල්ලගෙ අත තවත් තදකරගනිමින්. කොල්ලගෙ පළල් උරහිස් වලින් කෙල්ලට ලොකු ආරක්ෂාවක් දැනුනා.

එතකොට තමයි කොල්ලා දැක්⁣කෙ ඉස්සරහ ඉන්න මිනිස්සු ටික. මාස්ක් දාගෙන සම්පූර්ණයෙනම් කළු පාට ඇඳුමින් සැරසිලා හිටපු කට්ටිය දැක්කම මේ ඉන්නෙ මැර කල්ලියක් කියලා හිතාගන්න කොල්ලට වැඩි වෙලාවක් ගියේ නෑ.

එතන හිටපු එක මනුස්සයෙක් පිහියක් කරකව කරකව ඉස්සරහට ආවෙ බෙල්ලෙ හිරි ඇරගන්න බෙල්ලත් පැත්තකට ඇද කරන ගමන්.

" කෙල්ලව අපිට දෙනවද නැත්තම් දෙන්නම එකට අවසන් ගමන් යනවද ? "

ඉස්සරහට ආපු මනුස්සයා ඇහුවෙ පිහිය මහපටඇඟිල්ල දිගේ රටාවකට ගෙනියන ගමන්. කෙල්ල ඉකිගහන්න පටන්ගත්තෙ කොල්ලගෙ අත තවත් ටිකක් තදකරලා අල්ලගන්න ගමන්.

" බයවෙන්න එපා. මොකුත් වෙන්නෑ. හරිද ? මං එකයි දෙකයි තුනයි කියනකොටම ... "

කොල්ලට එතනින් එහාට මුකුත් කියන්න බැරි වුනේ කෙල්ල කොල්ලවත් ඇදගෙනම දුවන්න පටන්ගත්තු නිසා.

" මැරෙන්න ආසාවක් නැත්තම් ඔහොම නතර වෙනවා. "

කළු ඇඳගත්තු මනුස්සයෙක් කෑ ගැහුවතු කෙල්ල පිටිපස්ස නොබලාම දිව්වේ නතර උනොත් කොහොමත් මැරෙන්න වෙනවා කියලා හොඳාකාරවම දන්න නිසා.