#حرب_الملائكة الحلقه 7 (حقيقيه)
ليان:كانت الغرفه كلها باللون الخشبي❤️
في الابيض هاديه الوانها ومريحه للعين ....حلوه
عدي:خلاص تمام هيا ليك
ليان:تنهدت وخشت وسط الدار تتفرج ع الغرفه
لين فجأءه حست بي الباب تسكر
عدي:تعرفي اني دورت عليك هلبا !!.
ليان:بس انا كنت في غرفتك متحركتش من الصبح !
عدي:فهمت كلامه غلط ....ومباش يصححلها شي وقعد يتأمل فيها بس !
ليان: خدت نفس عميق من النسمه يلي خشت من الروشن ....علاش سبقناهم !
خليتني جيت معاهم الصبح
عدي:تجاهل سؤالها .....انا طالع تبي شي !
ليان :تلفتت ....نبي نرجع لي خالتي
عدي :تلفت وقرن حواجبه وتكلم بجديه .....علاش!؟
ليان:بلعت ريقها ....نبي نروح
عدي:انتي مرتاحه معاها خالتك !
ليان:جاوبت والغضب ماليها ....اي مرتاحه ونبي نروح
عدي:لو كنتي مرتاحه علاش جيتيني هديك الليله ؟!
ليان:علقت عيونها فيه وخدت نفس عميق وهيا مضايقه
عدي :قرب عليها ....علاش جيتيني !
ليان:غمضت عيونها وكان خاطرها ترد وتقوله ....انا بنروح لاني خايفه
مش لاني مرتاحه !
بس لما فتحت عيونها قالت شي تاني
عدي:نسأل فييييييك انا ....
ليان:جيتك لان صايره مشكله عائليه بسيطه وانا طلعت طول متحملتش
عدي:شافلها بنضرات طويله وطلع من الغرفه
لحقاته تجري ....نحكككي معاك عدي نكلم فيك خليني نرووووح
عدي:مكمل طريقه كأنه ميسمعش فيها !
ليان:سرعت خطوتها شويه ومسكاته من يده .....نكلم فيك ردددد عليا
عدي:شاف لي يدها وقام حاجبه
ليان:نزلت يدها وعلامات التوتر ع يدها
عدي:طلعه من هنايا والرجعه لي حوش خالتك انسيها وتم الكلام
ليان:انا لو ....
عدي:قاطعها بصوت عااالي ....قلت الكلام تممممم
ارجعي للغرفه يلي اخترتيها لين يصبح الصبح ويجو باقي العيله
طلع عدي وعيون ليان تلاحق فيه لين اختفى ورجعت للغرفه وداخلها شعور مش مفهوم !
تفرح انها افتكت من كللل القرف يلي كانت عايشه فيه !؟
ولا تخاف من خالتها وقت ترجع شنو بدير فيها !؟؟
_______________________________
ليلى:خشت للمطبخ وفي بالها انها ادير قهوا وتروق بيها بالها
لكن اول ماخشت شافت سلفتها يلي ابدا ميتحابوش !
ليلى:تتكلم بدون نفس .....انتي هنايا
صالحه :قامت حاجبها ...وين بنكون يعني اهو وجهي في وجهك صبح وليل انتي وجيداء
ليلى:بدت اطيب في القهوا وتحكي ....سمعت من نوري راجلي
انه راجلك المصون يفكر يطلع يأجر
صالحه :مفيش منه الكلام ....من وين بنأجرو ياحسره وحني فلوسنا يالله يكفو مصاريف ساره ومحمد ولدي
لان بسلامتهم متعودين على الغالي والعالي ومنقدر نقصر ونقص عليهم حاجه
ليلى:ضحكت بهزوا ....ع اساس يعني مش قاعدين هنايا لانكم واخدين راحتكم في حوش عدي ومنعنشين في فلوسه !
صالحه:هه...الباين انك تتكلمي وناسيه روحك انك زيني زيك ياغزاله هنايا وراجلك ساكت وقاعد زي راجلي بززززبط
يعني مفيش حد خير من حد وسلم فلوس عدي ويلي بتصير مرت عدي
ليلى:رفعت حاجبها......كييف!
صالحه:حطت الكوب بقوه وبي ابتسامة شر....تصبحي على خير
أنت تقرأ
حـرب الملائكه ❤️
Action#إعلااااان_روايتي _الجديدة #كله_حقيقي ! الندم بياكلني 💔💔 ياريتني هديك الليله سمعت علاش هيا مضايقه ....من شنو كانت خايفه ؟؟ ياريتني سمعتها قبل ما نسمع خبر انتحارها ! __________________________________ ليله وحده بس كافيه ... ليله ضلامها معبي المكان...
