ملاك:أيوا يست الكل أنا جاية أهو.
الام: ملاك الله يسترك ماتجبيش بلاويكي وأنتِ جاية ولاد أختك هنا هيبهدلولي الدنيا.
_عيب عليكِ تعرفي عني كدة.
للأسف أعرف عنك كدة.
_ أحم أحم إي الإحراج دة.
_ملااااااااك.
قلبها.
_ بتثبتينى كدة.
أينعم.
_طب سلام يملاك.
كدة يست الكل تقفلي في وشي.
كلمت ماما ونسيت إني دخلت المحل أشتري بلاوية زي ما أمي بتقول كلوا بيبص ليا أنا مش عارفة اعمل إي حاولت أنقذ الموقف فالقيت الكاشير أنقذني
الشاب الي واقف في الكاشير : إتفضلي حضرتك.
آسفة جدًا مخدتش باللي.
سُفيان وهو يكتم ضحكاته بصعوبة: لأ ولا يهمك يفندم اؤمري.
ملاك: في مصاصه كوكا كولا.
هنا الكل فتح في الضحك شباب بقا بنات كلوا تخيلت نفسي مكانهم فضحت علية ضحكت على طفولتي أينعم في رابعة جامعة بس الطفلة إلي جوايا مش عارفة تكبر وأنا مش عايزاها تكبر الحياة وحشة بحافظ عليها بصعوبة فأتمنى تفضل طفلة زي ما هي.
سُفيان : في حضرتك أجبلك كام وحدة.
ملاك: عشرة
_مش هتكمل الكوكا كولا عشرة
زعلت جدًا ما بحبش الا الكو كولا وقلت بعفوية : يووو، طب مافيش مانجة.
في يفندم، بس حضرتك هتاكلي عشرة.
_ أظن إن دي حاجة ماتخصش حضرتك.
كسفتوا بالزوق
آسف يفندم، أي أوامر تانية.
_ اة فى بنبونى قهوة
بنبونى قهوة
اه أي مسمعتش عنو.
_لأ مسمعتش عنو بصراحه
معندكش زوق في الأكل
طب حضرتك تحبي أجبلك بالفواكة.
_ هات مش هيخصر
بكام
ملاك: بخمسه جنيه
أول مجاب المصاصات، فضلت أعد فيهم، وسرحت، مخدتش بالي إن الأخ بيستغل سرحاني.
سُفيان: هو أسمك أي
ملاك
في سنة كام يملاك.
_رابعة جامعة
فوقت على الجملة دي حييت بخنقة جامدة واتعصبت جدًا من نفسي ازاي ماتحكمش في نفسي : أنت عايز تعرف كل دة لي ها، لي هات الحاجه دى عشان أمشي.
حقيقي اتعصبت وفضلت أكلم نفسي وأدبدب على الأرض زي الأطفال، هو مين عشان يسالني كل دة، ولا أنا كنت في غيبوبة كمان، بصيت ناحية كيس المصاصات إلي هتطرد من البيت بسببوا أهو أنتِ إلي مودياني في داهية بحبك أكتر من نفسي يخربيتك.
