القصه الي قدامكم هي عباره عن واقع ملموس
مدموج بخيال.. قصتي حقيقيه.. وابطالها رموز من شخصيات الواقع
قصتي عنوانها واحد.. ومعانيها كثير
بقد ماهي قصه للأستمتاع.. هي قصه برضو لأخذ الدروس إللي تنعرض لنا بها الحياه وفرصها
تحتـ ظل قصتي راح يجتمع الحب الراقي والكره البغيض والقسوه الطاغيه واللين المطلوب ومفردات الرومنسيه اللي صنعها احساسي
قصتي مثل ماراح تشوفون فيها من الكوميديا الكثيره
أيضا راح تشوفون وتتذوقون فيها الحزن أكثر....
وارجع واقول لاتغركم بدايتها الكوميديه.. وانتظروا البيقه
مابي أطول عليكم أكثر من كذا.. اترك لكم القصه تتكلم عن نفسها..
كانت جالسه تتفرج على مسلسلها المفضل ومندمجه معه
والا يجي اخوها يخرب عليها ويقول
راكان : ريف ماما تبغاك
ريف : طيب طيب ذحين بروح لها
نزلت عند امها بسرعه
ريف : هلا ماما راكان يقول انك تبيني؟
ام راكان : ايوه كنت ابي اقول لك أن امي دوبها اتصلت لأنها عازمتنا عندها وقلت لك عشان تتجهزين
ريف : طيب وش المناسبه ومتى؟
امها : المناسبه هي أن كل خواتي واخواني عندها ويبون يجتمعون ويوم الخميس الجاي نبي نروح
ريف : تمام يلا تأمريني بشي؟
امها :سلامتك
راحت ركض على غرفتها تجهز كشختها من ذحين عشان ترتاح منها
وبعد ماخلصت راحت عند الشباك وفتحته كان الجو بارد وهدوء
جلست تتأمل الشارع وتفكر بالي ماخذ عقلها من زمان
فجأة دخلو عليها خواتها التوأم وهم يتضاربون
اسيل : اقول اسكتي انا جيت قبلك بـ ٨ دقايق المفروض أخذه
هديل : اصه بس انا الي باخذه لأنه بفلوسي
اسيل : ومن متى جات عندك فلوس ياحظي؟
هديل : فلوس ابوك هي فلوسي يعني حلاله حلالي
ركضت اسيل تبي تأخذه بس اسبقتها هديل وجلسو يتضاربون
ريف بعصبيه : هيي انتي وياها شفيكم ؟؟
اسيل وهديل مع بعض :مالك دخل بيننا
وكملو يتضاربون جات ريف مسكت كل وحده فيهم مع شعرها
ريف : يمين بالله لو شفتكم داخلين غرفتي مره ثانيه مايصير لكم خير فاهمين؟ واصلا ليش تتضاربون؟
هديل : انا كنت ابي اخذ ذا التيشيرت عشان البسه يوم الخميس الجاي واسيل حارشتني فيه وكنت ابغاكِ تقولين لها تتركني في حالي بس خلاص ماابيه
زعلت ورمته في وجهه اسيل
اسيل : وجع وجهي ابيه
والحين بعرفكم على عائلة أبو راكان :
الأب :
رائد الي ينادونه ابو راكان انسان على قد حاله عمره ٤٧ سنه متزوج و زوجته ام راكان لمدة ١٧ سنه
الأم :
اماني وينادونها ام راكان عمرها ٣٧ سنه ماتشتغل جالسه في البيت وهمها الوحيد انها تربى عيالها احسن تربيه
البنت الكبيره :
ريف ام المصايب وحده مجنونه وهبله عمرها ١٦ سنه
أكبر وحده من بين خواتها واخوانها مع ذلك محد يحترمها لا صغير ولا كبير تدرس في ثاني ثانوي علمي برغم سنها الصغير الا انها هي الي اهتمت ب خواتها واخوانها كانت لهم الأم الثانيه
الولد الثاني :
راكان رجال رغم صغر سنه ولكن مصلحجي شوي عمره ١٢ سنه سادس ابتدائي
التوأم :
اسيل وهديل تؤام زي ماذكرت اسيل أكبر من هديل بـ ٨ دقائق أعمارهم ٩ سنوات ٣ ابتدائي
آخر العنقود :
فهد عمره سنتين يحب اخته ريف لأنه هو أكثر واحد يجلس معها وتهتم فيه وتفرحه بأشياء يحبها
--------------------- انتهى
هايي كيفكم شخباركم؟
اشتقتولي؟
ادري ادري انكم اشتقتولي بس شسوي انشغلت مع الشركات والأسهم هذي الايام مره كانت صعبه علي
امزح كنت اذاكر للاختبارات وابتلشت لما قالو انها حضوري يلا هانت كلها اسبوع واخلص
المهم كيف المفاجأة خايسه صح؟
فكرت اني اكتب روايه انبسط فيها وسويت اول بارت بشوف إذا فيه تفاعل راح اعرف انها اعجبتكم وإذا لا بسحب عليها
اعطوني رايكم بكل صراحه واوعدكم اني ماازعل بالعكس انبسط
امم شسمه انتبهو لأنفسكم استودعتكم الله الذي لاتضيع ودائعه
فمان الله ياحلوين 🤎🤎.
أنت تقرأ
مرت سنين ياسعود مافارق البّال له في حنايا الروح روحه وجيّه.
Poetryمابي احرق عليكم حلات القصه وقت تستكشفون
