يوم...
يومين...
ثلاث...!
وتشرق معاها شمس يوم الخميس..
إلي انوعد كل شخص موجود فيه بها القصه...
بلقاء مع مفاجأة الدنيا
تخلخلت خيوط الشمس في أنحاء الغرفه مما أدى إلى انزعاج بطلتنا
لفت إلى الجهه الثانيه تحاول تكمل نومها بس ابوها دخل عليها
ابو راكان : ريف قومي يلا
ريف لاحياة لمن تنادي
ابو راكان : توقمين ولاكيف؟
صمت...
ابو راكان : طيب يصير خير
آخذ كوب المويه الي فوق الطاوله وقام طشهاعليها دفعه وحده
قامت مفجوعه وتنط من مكانها
ريف : بااباا ليش كذا دوبي البارح مغسله المفرش
ابو راكان : يلا قومي لا بارك الله في العدو راحت عليكِ الصلاة
ريف وهي مقهوره من ابوها : طيب طيب هذاني قايمه
راحت الحمام *عزكم الله * توضت وطلعت وراحت تصلي الفجر
بعد ماخلصت نزلت عند اهلها عشان تفطر
ريف : هايي جاتكم الحلوه
ام راكان : الناس تقول السلام عليكم مو هاي هذي حقت اليهود
ريف : ولاتزعل ام الحلوه السلام عليكم ورحمة الله وبركاته كذا زين؟
هزت امها رأسها بمعنى ايوه
هديل : اقول يبه متى رايحين عند جدي؟
ابوراكان : بعد صلاة العصر احنا في السياره
راكان: ريف تروحين معنا؟
ريف وهي تمثل المرض : لا وين كح كح انا تعبانه ماقدر اروح " رجعت لطبيعتها" اكيد اروح ياغبي
راكان : أجل من ذحين اقول لكم بصير لنا حادث اليوم
ابو راكان صفق راكان : فال الله ولا فالك ياقليل الأدب
الكل ضحك على راكان وهو مصدوم من الضربه كيف جت
تسريع الأحداث...
على الساعه 3:10
خلصت كل شيء تقريباً
تعطرت ونزلت رايحه الصاله شافت اخوها فهد فرحان جات لحد عنده
ريف : شفيه الشيخ مبسوط؟
فهد : ماما راح تلبسني ثوب
وقام يناقز من الفرحه...
ضحكة تنبسط لما تشوفه مبسوط وتزعل إذا شافته زعلان
ابو راكان : ها خلصتو؟
ريف وأخواتها : يب
ام راكان طلعت من المطبخ ومعها القهوه و الحلا : انا خلصت
ابو راكان وهو يقوم : أجل يلا توكلنا
راكان يجري : لحظه اصبرو باقي ماخلصت
اسيل : كل هذا وماخلصت
هديل : ياحبيبي ترا رايحين عند جدي مو نخطب لك
راكان : انتي وهي لو ماسكتو وقسم بالله لااتوطاكم
اسيل وهديل مع بعض : رجال؟ تعال
كان بيجي لعندهم عشان يثبت لهم انه قدها بس ابوه طالع فيه يعني فيك خير سويها
راح عنهم بيكمل شغله : معليش انا مالمس القذاره
وصلو لبيت ابو طلال * الجد *
ريف اول ماوصلت راحت جري لعند جدها وجدتها على طول حضنتهم وهي تقول : ياهوو الواحد ليش يتعب لما يشتاق لكم؟
ابو طلال * الجد * : والله يابنتي احنا كمان نتعب لما نشتاق لك شهر مالك حس ابدا ايش فيك؟
ريف : والله يجدي المدرسه وبلاويها وانت عارف ثانوي وكذا ولازم أشد حيلي شوي
ام طلال : احم ترا احنا موجودين
ريف وتوها تذكرت جدتها : اييي جده كيفك وربي اسفه نسيتك
أم طلال : من لقى احبابه نسى أصحابه
ريف : افا ياجده انا انساك! انا انسى نفسي وماانساك انتي حبيبة قلبي
وقامت ضمتها
أنت تقرأ
مرت سنين ياسعود مافارق البّال له في حنايا الروح روحه وجيّه.
Poetryمابي احرق عليكم حلات القصه وقت تستكشفون
