بديت دوام حضوري يوم الاربعاء واكيد ظهري والجو يسمط سمط ببغداد حسيت روحي دجاجه مشويه دا تمشي بالشارع هههههه
دخلت المدرشه وكالعاده سلام وحجي ويه البنات اما لحظه الي دخلت بيه الصف فياريتكم ما تجربون هاي اللحظه تصوروا الصف كبير ونوب ٦٠ طالبههه بيه تتخيلون واني مبقه مكان الي كعدت بالرحله قبل الاخيره
هذا الموقع بيرفكت تكدرون تشوفون وتسمعون زين بحيث كل درس ارفع راسي لو اتقدم اكعد ليكدام لازم تسوي منظر جديده
اما المدرسات تعرفون بعد لازم يكولون مقدمه محفزه للسادس اني نفسي من سمعته غسلت ايدي بقاصر من السادس واذا اكو خيط امل فقدته
اما عن سالفة الكتب الي لا شفته ولا شافتني كضيته اقرا pdf والصف خنكه المعاونات كالوا نشوي قاعه جديده ع الاسبع القادم بسبب المعيدات
ثاني يوم الصادف يوم الخميس دوام كذلك ظهري وحر وفوكاها تجمع اصطفاف لتكريم البنات الاوائل اني دخلت بابصف لان مكدر ابقى واكفه اهواي بقيت اسمع بس هلاهلهم هههههه اي نعم هلاهل هههههه
من سألت بنيه من الاوائل عن نصيحه للسادس كالت بتعجب :انتي سادس جاوبته وكلي خيبه عيب سادس يعني ممبنين من ملزمة الاحياء ملاحظين من تكولون لاشخاص انكم طلاب سادس اشلون يبادلوكم النظره او الطريقه الي يباوعون عليكم
ومرات هيج مثل اليحجون بصيغة توسل وتمنيى الك بالنجاح هنا حرفيا تحس روحج بقتال كبير مع وحش عملاق مو مرحله دراسيه
دوام ست ايام بالسبوع ومن ضمنهن يومين كتروني ويومين مع الصف الخامس وبالاستراحه شفت صديقاتي اني من الاول متوسط مشايفتهم حسيت براحه كلش ماعرف شنو سببه
فجأه شخص مشايفه من خمس سنين تشوفه وترجعكم الذكريات للسابق مثل ميكول جيل التسعينات "ايباه" ع الذكريات قبل الزمن بسرعه مر وبصعوبه هم
اول يومين الي بالسادس زينه مبيه صعوبه اهواي ولا سهوله بس الله اليستر من القادم
بالبيت صارت كل حياتي قرايه قرايه بطريقه اءا واحد حجى ويايه اكله اني سادس ومستغله باب غرفتي واكتب عليه ملاحظات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
