احاسيس مرهقه

توضيح

يا هلا 👋🏻❤

كم بنيه اجوي بلخاص يكولون اشون تروح البيته وهوه ميقربلها حياة قبل لا تكون حبيبة علي كانت صديقة خواته واولهم برائ تتواصل وياها دائمن وهيه ايضا صديقة علي قبل لا تكون حبيبية  وهيه رفضت اتروح لبيت اهله لاكن علي مخبر اهله قبل بيوم وخواته يحبوها وام علي ايضا حبت حياة بنات عمري القصه حقيقيه وعراقيه و الابطال يتابعون القصه وياكم هواي يكولون القصه مو حقيقيه ليش شنو البيها مو حقيقي مثل

ماكو بنيه تركب سياره

الصالونات او المراكز التجميل يلي ترحيلها مو اكثريتها ملك النساء

الاعضميه بالااخص اكثريت نسائها سافرات

اما عن الحجاب هاي قناعه وماكو اجبار بلحجاب كل من وقناعته والبنيه مو محجبه تمام كلبي

اما عن روان وعلاقاتها هاي عقليتها وروان ايضا بنيه متحرره ايسؤلون اشلون عايشه ابحدها وين اكو بنات ايعيشون ابحدهم

لعلمكم اكثر بنات المنصور او الكراده او او او اهواي مناطق ابغداد واكثريتهم بنات عايشين ابحدهم البنيه الشريفه متنقاس بلعيشه وحدها  ومتنقاس ايضا اذا شتغلت ومتنقاس ايضا اذا عتمدت علا نفسها العادات والتقاليد  الي بلعراق محطمات هويه بنات اني اعرف بنات ميطلعون باب للبيت ويحتاجون شي زوجهم او اخوهم او ابوهم هوه يجيب  ماكلكم هل شي مو صح لا بلعكس والله اني وحده من هاي البنات الي ما طلع وطلعاتي مو هلكد بعد مازوجت بقيت ابيت زوجي اكعد الصبح اسوي ريوك ويطلع زوجي لشغله انضف البيت واسوي الغده يرجع يلكه كولشي كامل ويرتاح وايضا موفرلي عيشه حلوه واني اموفرتله الراحه للبيت وحابه حياتي فالي حاب حياته متكدر اجبره انو ايغيرها مثل بطلة قصتي الي هيه

-حياة-

بنت متحرره تشتغل ومعتمده علا نفسها مو محجبه ماتحب كعدة البيت متحب اتكون امرئه اطيع الزوج وفقط تحب تعيش حياتها هاي هيه حياتها.من وعت عل دنيه تمام يعني مو اي شخص اتجيبه واتلكه اكعود للبيت مالك طلعه مثل هيه تكون قبل لاتزوج اوضحلكم اكثر قبل لاتزوج تطلع مطاعم سفرات وتشتغل ومن تزوج يجي الزوج يكولها ماكو طلعه تبقين للبيت طبخي نضفي كنسي هاذه الشي عند هاي البنات صعب لاان ممتعوده عليه بنيه تحب تطلع واطب ممتعوده تبقه للبيت   فااني اجيب بنيه متحرره واخليها تكعد للبيت مراح تتحمل

اما -اسير-

هواي يكولون اشون تزوجها وهيه بنت ملاهي اشون ازوجها بهل سرعه واشون واشون بنات اول شي اسير كانت مجبوره شرحت البنيه اكثر من مره حاولت تشرد من -مديحه- حاولت تنتحر حاولت تحرك نفسها كل هاذه ولزمتها مديحه وكانت مجبوره تعمل بهاذه المجال وايضا شغله اسير بنت لا تعرف اهلها ولا تعرف عمامها ولا تعرف خوالها متعرف شي عن اقاربها وعت عل دنيا لكت نفسها  اسيره المديحه واسيره الشغل قذر ويغضب الله عزا وجل ماسلمت نفسها ومن رادت تبيعها مديحه شردت من شردت التجأت لحازم وحبت حياتها وياه صح يشرب وصح يضرب بس احسن من القذاره الجانت عايشه بيها اسير ايضا كانت تطلع وتطب براحتها بس مجانت حابه الطلعه والطبه هاي كانت احلامها تعيش بنيه مستوره تحت بيت شريف وكدرت اتحقق ولو شي بصيط من حلمها وكعدت يم رجال تكولون -يغتصبها- تره هوه زوجها تمام

-الفرق بين اسير وحياةهوه

حياة
بنت متحرره تحب تطلع وتشتغل وتعتمد علا نفسها
مو احنا الي نحاسبها علا حجاب ولبسها الله سبحانه وتعالئ هوه يحاسب 

اسير
بنت تحب تكون تحت جناح زوجها وتحب تبني بيت واسره  بين قوسين (ربت بيت )

روان
بنت ماتحب تزوج وعايشه النفسها وبس وهيه ماعدها احد فقط مرت عمها الي هيه ام حياة وقررت تعيش وحدها والبنيه محافضه علا نفسها وهيه حره بنفسها

-كل شخص وتفكيره يختلف اني اليوم تفكيره يختلف عن تفكير حياة او عن تفكير اسير او روان اني امرئه احب اكون ربت بيت احب اكون انضف واطبخ وانتضر زوجي واركضله بحضن وابتسامه تمام فكل شخص هوه وتفكيره وقناعته لاضلمون احد وفتهمو تفكيرهم -

اما حازم

- حازم اخذ ثار واخذ الثار عند العشائر هوه حلال ابو حياة قتل ابو حازم وقتل وقتل اخوه (اخوه الي هوه ابو علي حبيب حياة) قتلهم ابو حياة (مضفر) كدام عيون حازم وره فتره قصيره ماتت ام حازم متحملت الصدمه زوجها وابنها بيوم واحد حازم مسكت وراح وقتل ابو حياة واخذ بثاره مكان متقصد يذبح ابو حياة كدام عيونها بلعكس اذا واحد غيره كان مرجع جان ترك حياة بس خاف عليها وهيه طفله ورجع وهدده متحجي مو خايفه علا نفسه لا لا ان همه ناس عشائر ومراح تستفاد شي من حتحجي غير انو تجيب العار لاابوها وابدال ماناس تترحم عليه راح الناس تعتبره عار وتشتمه وهوه ميت وهم شغله ابو حياة كان يتعاطه المخدرات وميحس بنفسه من يضربها كل هاذه بسبب خال حياة هوه الي جاب ابو حياة الهاذه الطريق خلاه يسلب ويتعاطه المخدرات ويقتل حازم حاول يشرح الحياة. لا اكثر من مره عن سبب قتله لاكن حياة كانت تعتبر حازم شخص قاتل مجرم مكانت تعرف الحقيقه كامله تعرفت علا -علي- ومجانت تعرف عمه حازم ( شوفو هنا القدر جمعهم وخلاهم سويه وحبته حياة رغم ابو حياة قتل ابو علي لاكن شائ القدر وحياة حبت علي وعلي حب حياة من عرفت عم علي حازم محاولت تقتل الحب مكان يهمها حازم وكالت اني حابه علي مو حازم شعليه بي لا كن الكره يلي بكلبها الحازم مامات

وعلا الصور يلي شافتهم اسير والفيديوهات يلي بموبايل حازم حازم رجل -ضابط استخبارات سري - يعني هاذه شغله يقتل المجرمين ويحاسبهم تمام

💙💙💙💙💙💙💙💙💙💙

/////احبتي اتمنئ اكون وضحتلكم بصوره صحيحه وفتهمتو مني ولاتضلمون احد بدون متعرفون دائما احنا اصبر ويانه شغلات ونضلم حته انفسنه خلينا نتقي الله والقصه حته تاخذون منها العببره وتستمتعون بقرائتها ///////

////كانت معكم قلم الكاتبه -ام سلطان- (ريام)////

شاركوني توقعاتكم للقصه ✌🏻🙊

لاتنسون ⭐👋🏻❤