صباح يوم الاحد في مدينه الاسكندريه ولكن ليس كاي صباح فاليوم هو اليوم الاول لبطلتنا في عملها الجديد والذي كانت متحمسه كثيرا له الساعه تدق السادسه صباحا المنبه /ررررررن ررررن رررن
عصفورتنا .
نور / صاحيه صاحيه صاحيه بلاش ازعاج انا اصلا منمتش
ست الكل طبعا تدخل علي صوتها /ايه يابنتي بلاش جنان عالصبح بتكلمي نفسك يانور
نور وهي واقفه علي السرير وماسكه المنبه في ايدها /ياست الكل انتي لسه عارفه دلوقتي ان بنتك مجنونه دا الكلام دا من زمان يا سوسو
سوسو قصدي ست الكل /بس يابكاشه قومي يالا علشان تفطري وتجهزي انا مش عارفه انتي ليه عايزه تشتغلي طيب دا انا ابوكي الله يرحمه ...
نور تقاطعها /كان مستتني ومكنش حارمني من حاجه ومكنتش محتاجه الشغل دا خالص عقبال ما اشوفك في بيت العدل يا حبيبتي حفظت يا سوسو وبعدين لو انا تقيله علي قلبك اووي كدا كنت جبتيني ليه مادام عايزه توزعيني ياسوسو وبعدين يا ستي استريحي بكرا اجبلك واد مز وحليوه كدا في ايدي وانا راجعه واقولك انا عايزه من دا
ست الكل /بسسس ايه افصلي شويه مكنتش كلمه قولتها الله يكون في عون اللي هياخدك
نور بهزار /اللي بياخد ربنا يا سوسو
وجريت علي الحمام
خدت نور شور سريع وخرجت لبست بلوزه بيضه في خطين دهبي من عند الصدر وبنطلون جينز ضيق ورفعت شعرها ديل حصان عالي لفوق ورفعت قوصتها بالنضاره الشمس الفاخمه ورشت البرفيم المفضل عندها Romance وكان شكلها يخطف النظر والقلب والعقل ونزل تفطر مع مامتها
ملحوظه نور بنت غنيه اللي حد ما عايشه في بيت عباره عن شقتين مفتحوين علي بعض باباها كان سايبلهم ورث كبير ومع ذاللك نور حبت تشتغل علشان تحقق ذاتها
المهم نرجع تاني
علي الفطار
كانو بياكلو بهدوء عادي جدا
خليهم هما يكلو واحنا نروح مكان تاني
¤فيلا الاسيوطي¤
خلينا منقولش فيلا قصر عائله الاسيوطي
علي السفره الكل متجمع بيفطر
لحد مايقطع الصمت صوت
الجد محسن/ عمر عايزك في مكتبي بعد الفطار
بطلنا عمر / ماشي ياجدي
الجد / اخبارك ايه يا سمر في الكليه
سمر وهي بتاكل /الحمدلله ياجدي كله ماشي
الجد / شدي حيلك اخر سنه
سمر /ان شاء الله ياجدي
كريمه الام / يارب بقا الجامعه دي تخلص علي خير واشوفك في بيت عدلك بقا ياسمر
سمر وهي بتحاول تداري اللي فيها /ان شاءالله ياماما
خلصو فطار وقام الجد محسن دخل المكتب ولحقه عمر
عمر/ خير ياجدي في حاجه
الجد / اقعد ياعمر اخبار الشغل ايه
عمر بعد ما قعد /كله تمام يا جدي الشغل ماشي مظبوط وصفقه السيوفي قريب اوي هتتم بس لازم نسافر نعاين المكان الاول
الجد / ومين اللي هيسافر
عمر/انا طبعا يا جدي انت عارف انا بحب اشوف شغلي بنفسي
الجد / طيب تمام السكرتيره الجديده جايه النهارده ياريت متطفشهاش من اول يوم زي اللي قبلها
عمر / مانا قولت سكرتير
الجد / يابني مفيش سكرتير دلوقتي وكله بنات قليل لما تلاقي راجل المهم انت شد حيلك كدا ومتفكرش في حاجه
عمر /طيب ياجدي عن اذنك
قام عمر وهو خارج في باله دانتي امك داعيه عليكي النهارده
نرجع لبطلتنا
نور /الحمدلله شبعت ياماما انا همشي علشان متاخرش
ست الكل / ماشي ياحبيبتي في رعايه الله
تمشي نور وتركب عربيتها وتتجه لمصيرها الاسود احم احم قصدي الفرع الرئيسي لشركة الاسيوطي
تمشي نور لحد ما تلاقي بنت
البنت /اهلا يافندم اي خدمه
نور /ايوا انا السكرتير الجديده لاستاذ ..
البنت تقاطعها /اه اه استاذ عمر اتفضلي معايا
ويطلعو الاتنبن في الاسانسير حوارهم
البنت /الله يكون في عونك
نور /افندم اشمعنا
البنت /لا ولا حاجه انا بدعيلك بس
نور باستغراب /اووكي
ووصلو اخيرا للدور المطلوب اللي هو اخر دور في شركه عدد ادورها 18دور وصلت البنت نور المكتب وقدام المكتب
البنت /معلش بقا اسيبك انا ادخلي انتي وابقي عارفيه عن نفسه ومشيت من غير ما تستني رد من نور
نور باستغراب خبطت علي الباب وهي في بالها /هي اللي في الشركه دول مجانين ولا ايه
علي الناحيه التانيه
عمر سمع خبط علي الباب
عمر لنفسه /اهلا اهي شرفت
عمر بصوت رجول وخشن /ادخل
سمعت نور صوت رجولي بيسمحلها بالدخول ففتحت الباب
واستوووووووووووووب لحد هنا اللقاء في بارت لوحده عايزاكو تشجعوني بليزززز وعايزه تدوني اراء وافكار اعملها في القصه
♡♡♡♡♡♡♡♡♡♡♡♡♡♡♡♡♡♡♡♡
احبكم في الله ♥
أنت تقرأ
مغرور ...ولكن ؟
Lãng mạnعندما يجتمع العناد مع الحب هي بريئه وطيبه هو عنيد ومغرور هل سيستطيع ان يحبها هل يستطيع الاسد الشرس ان يحب عصفوره برئيه هل يستطيع ان يحبها دون ان يجرحها هل تستطيع تلك العصفوره البريئه ان تعشق هذا الاسد هل ستجرح هل ستتالم كم ستتالم كم ستتحمل...
