" ကျွန်တော်လည်း ဒေါက်တာနဲ့ အတူရှိရတာပျော်တယ်လေ ဒေါက်တာရဲ့ .. မငိုပါနဲ့ "
ဒေါက်တာ့ရဲ့ ပါးပြင်အိအိလေးပေါ်မှာ မျက်ရည်တွေကို မြင်နေရတာ ဆောင်းဟွန်း သဘောမကျ ။ ဒေါက်တာငိုတာမမြင်ချင်ဘူး .. ဒေါက်တာ စိတ်ညစ်တာကို မမြင်ချင်ဘူး .. ဒေါက်တာ့မျက်နှာလေး ပြုံးနေတာကိုပဲ မြင်ချင်သည် ။ ဒါဟာ ဆောင်းဟွန်းရဲ့ ဆန္ဒ အစစ်အမှန် ။
ဒေါက်တာငိုနေတာကိုတွေ့တော့မှ သူ့စိတ်ထဲ ဝမ်းနည်းလာသလို၊ နာကျင်လာသလိုခံစားရသည် ။ ဆောင်းဟွန်း သူ့ရင်ဘတ်ထဲကစကားတွေကို နားမလည်ဘူး ။ နှလုံးသားက ဒေါက်တာ့ကို ဝမ်းပန်းတသာကြိုဆိုနေမလားဆိုတာ မသေချာပေမဲ့ ဒေါက်တာမရှိတဲ့အချိန်တွေကိုတောင် တောင်းတနေတာမဟုတ်ဘူးဆိုတာတော့ သေချာသည် ။
" ကျွန်တော်လည်း ဒေါက်တာနဲ့ အချိန်အကြာကြီး အတူရှိသွားချင်တယ် .. ဒါ မှန်သောစကားပါ "
ဆောင်းဟွန်း နှုတ်က ထွက်လာတဲ့စကားတွေက မပြတ်မသားဖြစ်နေတာမို့ ဂျယ်ယွန်း မျက်ရည်မတိတ်နိုင်သေး ။ ရှိုက်ကြီးတငင်ငိုတာမျိုးမဟုတ်ပေမဲ့ တသွင်သွင်စီးကျနေတဲ့ ဒီမျက်ရည်တွေကြောင့် သူဟာ အရှုံးသမားတစ်ယောက်ဖြစ်သွားသလိုပင် ။
ဂျယ်ယွန်း သူ့အချစ်ကိုလက်ခံဖို့ ဆောင်းဟွန်းရှေ့မှာမျက်ရည်ထိုးခံတောင်းပန်နေခြင်းမဟုတ် ။ ဆရာဝန်တစ်ယောက်ရဲ့ ဂုဏ်ပုဒ် ၊ ယောက်ျားတစ်ယောက်ရဲ့ မာနဆိုတာကလည်းသူ့မှာရှိပါသည် ။ ဒါပေမဲ့ ဆောင်းဟွန်းဆီကနေ သူ့ကို မချစ်ဘူး ဆိုတဲ့ စကားကို လက်ခံဖို့ ခံနိုင်ရည်မရှိသေး ။
သူ့သိက္ခာတွေကို ထည့်မစဉ်းစားနိုင်လောက်အောင် သူဟာ ယောက်ျားတစ်ယောက်ရှေ့မှာ စိတ်လိုလက်ရမျက်ရည်တွေကိုကျဆင်းခွင့်ပြုနေရသည် ။ မျက်ရည်တွေတိတ်စေဖို့ကလည်း ထိုယောက်ျားရဲ့ အဖြေစကားပေါ်မှာအပြည့်အဝမူတည်နေသည် ။
" ကျွန်တော်လည်း ဒေါက်တာ့ကို သဘောကျတယ် ဒေါက်တာ ။ ဒေါက်တာမရှိတော့တဲ့အခြေအနေမျိုးကို စိတ်ကူးတောင်မယဉ်ဖူးဘူး "
ဒီတစ်ခါ ဂျယ်ယွန်းပါးပြင်ပေါ်တွင်ရှိနေသည့် ပုလဲရေစက်တို့သည် ပီတိကို မြစ်ဖျားခံသည့် မျက်ရည်တံခွန်လေးတစ်ခုသာဖြစ်လိမ့်မည် ။
YOU ARE READING
Typical Love Story
Fanfiction성젴 Genre - fluffy Protagonists preview : Super star + Doctor " I want you to know I love you the most . I'll always be there right by your side . Cause baby you're always in my mind Just give me your forever " - Give me your forever...
