#حرب المافيات
الكاتبة:اروى الشريف
الحلقة 3 الاخيرة ج الأول
أمير:😳
شاهين: بملامح جدية مواضيع هاذيم مافيهاش بصارة
سهيلة:ضربت بيدها عالطاولة مش موافقة يعني مش موافقة
شاهين:شبحلها بنظرة اسحتقار من امتى نأخد في رايك
آلياس:احني في سنة 2021 لازم كل شخص ايقرر شريك حياته
شاهين:انت اخر شخص يتكلم في هذا الموضوع ويعطي قرار
آلياس:وجعه الكلام بس دار روحه مش امدور
آسيا:سامحني يا بابا بس هاذا زواج والقرار في الاخير مش قرارنا قرار أمير
شاهين:اي قرار في مصلحة العيلة أمير ايوافق عليه وهوا مغمض ولا شنو يا أمير
أمير:قلبه ايقوله لا وعقله ايقوله اي مايبيش يظلم البنت بس في نفس الوقت مستعد ايضحي بروحه عالخاطر عيلته
أمير: موافق وناض من الطاولة رفع مفتاح سيارة وطلع برا
________________________
ركان:يتصل طوط طوط طوط
سيلين:اهلين بركان باشا
ركان:😅
ركان:حبيت نطمن عليك وانشوفوك لو محتاجة شي خصوصا اليوم عندك مناوبة
سيلين:تسلم يا قلبي ❤
سيلين:بنقولك شي
ركان:قولي
سيلين:خايفة
ركان:في حد ايضايق فيك دقيقة وايكون جثة
سيلين:بسم الله خيرك تحولت 😂
سيلين:خايفة كان حبيت تنساني
ركان:انتي دقات قلبي في حد ينساهم
سيلين:ربي ايخليك ليا ❤
ركان:❤❤
سيلين:تصبح عالخير
ركان:تلاقي الخير❤
(محلاه لم تكون علاقة الاخ بأخته هكي وايكونو اصحاب ويحكو كل شي لبعضهم ويذكرو ادق تفاصيل ويفهمو عالبعض من غير كلام ربي يحفظ جميع الخوت لبعضهم)
_________________________
كانت الليلة صعبة عالجميع كان الكل مش قادر يرقد وكان النهار طويل وصعب عالأمل بكرا ايكون احلى
بالنسبة لشاهين كاين الوحيد مش قادر يرقد من الفرحة وانه أمير وافق بدون مشاكل وتكون اول خطوة للمخطط
اما سهيلة كانت طول الليل اتفكر في طريقة كيف تلغي زواج يلي كان في نظرها مصيبة ومستحيل تقعد مع نرمين عالطاولة وحدة
اما أمير تفكيره كله في ريحان خصوصا انه ما يعرفش عليها شي وكيف بيتعامل معاها خايف يظلمها وهل ممكن ايجي يوم وايحبها والف سؤال وسؤال في راسه
أما آسيا كانت تذكر في ركان وشي يلي صار بينهم رسمت على وجهها ابتسامة وحست بشعور اول مرة اتحسه لكن سرعان مارجعت للواقع وتلاشت الابتسامة
أما آلياس كان الوحيد يلي برا البيت في سهرة كان مضايق من بوه وكيف معتبره مش موجود وماعنداش قيمة
بالنسبة لعايلة رشيد كانت كلها في المستشفى وتستنى في خبر كويس
نضال:بوي مجد(شوفير)برا يستنى فيك امشي ارتاح وارقد
رشيد:تبيني نرقد وثيم مش عارف بيطلع والله لا امشي وصل داربن وريحان
نضال:توا اتشوف بكرا يفتح عيونه ويرجع احسن من قبل
رشيد:يارب
نضال:دارين&ريحان هيا
ريحان:دموعها ينزلو😭😭 ما نبيش انروح نبي نطمن على ثيم وماما
نضال:ضمها لصدره اشششششش خلاص مسحلها دموعها ثيم حالته تتحسن وماما بخير بس صارلها هبوط مافيش شي خطير توا اني انروح بيكم وبكرا انجيبك من الصبح
ريحان:وعد
نضال:وعد مافيا
ريحان:😂
نضال:ايوا من الأول ورينا الضحكة
دارين:اني جاية بسيارتي وبروح فيها
نضال:اني شن قلت
دارين:مش عارفة
نضال:شوفتي شن صار لثيم فأسمعي الكلام اليوم بس
دارين:خليني انفكر
نضال:نضال بفخامته وهيبته راح ايكون شوفيرك ويوصلك للبيت مع توصيل خمس نجوم دارين خانم
ريحان:😂اقبلي بلاش جو
دارين:اوكي
نضال:واخيرا
دارين:حضنته حضن قوي 🥰
ريحان:وني زعلت
نضال:تعالي الا زعلك وحضنها
(محلاه لم يكون خوك يرسم الضحكة والابتسامة على وجهك في اصعب الاوقات لما تكون حالتك نفسية تحت صفر بس يعرف كيف يفرحك ويضحكك )
اما بالنسبة لعايلة فخري
فخري كان كل وقت ايفكر من لي يده من شي يلي صار
خده نوم من كثرة تفكير
اما سيلين كانت مناوبة بالمستشفى وكانت تفكر من يقدر يقربلها ويعاملها بطريقة هاذي بدون خوف حست بشعور حلو رغم يلي صار
اما ياسين كان ايفكر في الانتقام وكيف قتلو أمه وحاول يقلتو سيلين من غير شفقة ولا رحمة متخطين قوانين مافيا
اما ركان كان يذكر في عيون يلي سحروه ومش قادر ينساهم كل ما تغمض عينه يذكرها الززززح شن صايرلي ني شكلي طحت
____________________
صباح جديد :-
عالطاولة الفطور أل شاهين
شاهين:بعد الفطور بنمشو للمستشفى كلنا ومانبيش حد ايقولي مش فاضي ولا مشغول
سهيلة: بصوت واطي عالأقل نعرفوا لمن بنمشو
آسيا:يعني صدرت الأوامر من فوق 😂
شاهين:هههه😂
أمير:كان جثة عالطاولة جسد بلا روح كان واضح عليه مش راقد الليل
آسيا:أمير أمير الوووووو👋🏻
أمير:ءااا معاك
شاهين: وين آلياس باشا
آلياس:ابن الحلال عند ذكرو بيبان
شاهين:طلعت اديب وما في بالنا
آلياس:قلبه ميت من كمية استحقار بوه ليه وتدميره ليه بكلامته عمره ما عطاه فرصة
شاهين:ناض عشر دقايق ونطلعو أمير الحقني
سهيلة:ناضت وكانت متعصبة ومضايقة من تصرفات شاهين معاها وعمرها ما شاورها بموضوع
آلياس:شن اخر قرارات صدرنا
آسيا:بنمشو للمستشفى كلنا
آلياس:بنديرو فحص سنوي ولا كيف
آسيا:😅😅
آلياس:تكلمتي مع أمير
آسيا:كان طول الليل امسكر عالروحه ماحبيتش انزيدها عليه
آلياس:حالته عالفطور ما طمنش خليني نطلع انكلمه
آسيا:عالأساس حظرت الفطور
آلياس:😂
آسيا:امشي توا نلحقك اني
آلياس:اوكي
___________________________
في المستشفى:-
كانت العيلة كلها موجودة يستنو حد يطلع وايطمنهم رغم المال ولسلطة والنفود يلي عندهم بس مش قادرين ايديرو شي إلا دعاء من ربي سبحان الله
د.سيلين:حبيت انطمنكم تخطى حالة الخطر وتوا بننقلوه لغرفة عادية والحمد لله عالسلامته
نرمين:نقدرو نشوفوه بالرغم من حالتها الصعبة ومش قادرة اتوقف على رجليه بس اهم شي تشوف ثيم
(طبعا ما نقدرش نتكلم عالأم لأن مهما نكتب ونكتب مافيش يوفي حقها ومهما تكتب وتعبر تحس روحك امقصر يلي في اشد مرضها اتفكر فيك تنسى روحها ومستحيل تنساك ربي يحفظلي ماما ويحفظ جميع الامهات ويرحم الاموات منهن )
رشيد:خلينا نطمنو عليك قبل بعدين انشوفو ثيم
نرمين:مش متحركة الا لما انشوف ثيم بعيوني
د.سيلين:رجعت بيها ذاكرة لماماتها وكيف لما تمرض مستحيل اتخيلها وتسهر طول الليل معاها يدمعو عيونها ترجع للواقع وتمسح دموعه قبل ما ايشوفهم حد
د.سيلين:تقدرو اتشوفوه بس ما اديروش زحمة
نرمين:تمام تمام
د.سيلين:والحمد لله عالسلامته مرة ثانية واي سؤال ولا استفسار غرفتي تاني دور عاليمين د.سيلين
رشيد:شكرا
د.سيلين:واجبي ومشت
نضال:طول مشى لغرفة ثيم
نرمين:تمسح بيدها على شعره خوفتنا عليك تعرف كان صار فيك شي اني نموت
ثيم: بصوت واطي وتاعب ماتقوليش هكي اني بخير
رشيد:الف سلامة عليك يا اسدي ومسك يده
ثيم:الله يسلمك
شاهين :اهم شي ترجع زي قبل واحسن وبعدين انت حتحاسب يلي دار فيك هكي بيدك
نرمين:مش وقته الكلام هاذا
رشيد:صدرت الاوامر من فوق معاش نقدرو نتكلمو
ثيم:ههه مع انه تعبان بس بانو سنونه
رشيد&نرمين:منصدمين اول مرة ايشوفو ثيم يضحك من سنين
نضال:بلا مقدمات حضنه الف مليون الحمد لله على سلامتك ثيم باشا
ثيم:بصوت تعبان مش قادر نتنفس
نضال:حس بروحه سامحني توجعت
ثيم:ضربه على كثفه شني تسحابني ناموسة وضحك مع انه كان تاعب ومش قادر يتكلم
نضال:مش امصدق كأنه حلم اول مرة ايشوف ضحكة على وجه ثيم من سنين
نرمين:الحمد لله ياربي خليتني انشوف ثيم يضحك ويتكلم من جديد 🙏🏻❤
الممرضة:لو سمحتو لازم تطلعو موعد الزيارة انتهى توا المريض بيرتاح
نرمين:باست ثيم على رأسه ماتخافش احني برا
ثيم:هز برأسه بمعنى تمام
نضال:طلع برا
نضال:سيلين
سيلين:
يتبع..................
هاذي تكون الحلقة الاخيرة ج الأول ان شاء الله تنال اعجابكم وانتظرو ج التاني حاليا بنوقف الكتابة وتنزيل الحلقات الي آجل غير مسمى لأجل إلتزامات بس وعد مني مش حنوقف كتابة ❤🌹
_______________________
أنت تقرأ
حرب المافيات (روايات ليبية)
Боевикرواية بلهجة الليبية تحكي عن حرب بين ثلاث عائلات من المافيا من اجل رئاسة طاولة مؤامرات وانتقام وخدع احداث يغلب عليها الاكشن والاثارة لا مفر من قصص الحب 🔥🔥 بقلم الكاتبة:اروى الشريف
