He Is My Love

Chapter 1

رجع من شغله تعبان من كتر التدريبات وطى اخد العلبه الى موجوده على الارض وهو بيضحك بخفه .. رمى المفاتيح على الطرابيزه الى جنب الباب وقعد على طرابيزه الاكل وفتح العلبه لقاها علبه الاكل الى بتوصله تلات مرات كل يوم تقريبا مسك الكارت الى عليها وقرائه بصوت عالى :
Happy Mail Oppa ..
Love You ..
M. Lee Dong Hae ^^ ..
بدأ الاكل كان طعمها لذيذ بالنسبه له وكافى انه يخليه شبعان ، فى بدايه الامر خالص من اربع شهور تقريبا كان مستغرب مين الفان المجنونه الى بتبعت الاكل فى مواعيده الرسميه دى وبتنوع كل مره بس بعد كده اخد ع الموضوع وبقى كل مايخلص اكل يشكرها وهو ع وشه ابتسامه ولا اروع ، خلص اكل ودخل ياخد دش وفى اثناء ما كان فى الحمام الباب رن طنشه اول مره والتانيه لكن الى على الباب شكله حالف ليفتحله شطف شعره ووشه من الصابون ولف على نفسه الفوطه وطلع واول ما فتح الباب لقى واحده بتصوت فى وشه ........

البنت : عاااااااااااااااااااااا ..

دونجهى : عااااااااااااااااا فى ايييه !!

البنت : انت الى فيه ايه !!

دونجهى : *.* ..

البنت : حد يفتح الباب بالشكل ده !! _ قربت ولمست شعره _ وكمان مستحمى !!

زقته جوه الشقه ودخلت وقفلت الباب ......................

البنت : كده تاخد برد يا أوبا لازم تخلى بالك على نفسك اكتر من كده .. وراك شغل كتير ومينفعش يتأجل كده هــ ..

دونجهى بعد ما فاق من صدمته : انتى مين !!

البنت : مش مهم انا مين .. المهم خش البس بدل ما تبرد ..

دونجهى : انتى مجنونه !!

البنت : لا انا اول فان ليك ..

دونجهى باستغراب : اول فان !!

اتهربت منه واتحركت بدأت تلم هدومه الى متنطوره فى كل حته قميصه الى ع الكنبه ، بنطلونه الى ع الارض ، شرابه الى ع الكرسى ، جاكته الى ع الطرابيزه ............

البنت بنظره بريئه : امال فين الحمام !!

دونجهى : حمام !!

البنت وهى بتشاور ناحيه الحمام : من هنا مش كده !! _ مشيت شويه _ ايوه من هنا ^^ ..

دونجهى كان واقف مصعوق من المجنونه الى نطت له مره واحده ديه وبيحاول يستوعب الى بيحصل هو عارف ان فيه فان مجنونه بس مش كده ، دى دخلت تتمشى فى البيت اكنها عارفه كل حته فيه وكمان ... قطع تفكيره صوتها وايديها الى لمست ضهره تزقه بخفه ناحيه اوضته ...........

البنت : اوبا .. كده هتتعب وانت عندك شغل بكره وكمان .. مينفعش تقعد كده ومعاك بنت فى الشقه .. يلا خش البس ..

كان هيتكلم لولا كلمتها الاخيره ، اتنهد بيحاول يهدى ودخل غير وهو بيكلم نفسه وبيفكر هيعمل ايه مع البلوه الى بره دى واما طلع لقى الدنيا متروقه وملقهاش افتكر انها مشيت لحد ما سمع كركبه فى المطبخ ، دخل لقاها واقفه بتغسل الكام طبق الى فى الحوض مشى ناحيتها بخطوه سريعه ومسك ايديها يبعدها عن الحوض ...............