ايفين بضحكه انكسار
ايفين: هههههه اي نسوني حتى اجي يمج
زهراء: ليش زعلانه حبيبتي
عمي محمد اتصل عليج اطمئن لان كالو انتي قافله مبايلج وكال باجر راح اجي لكندا اخذها
ايفين: افففف الله كريم حبي
زهراء: الله كريم المهم حبيبتي بليل راح نطلع نغير جووو تروحين ويانه
ايفين: زهراء مالي خلڪ ابقه هنا
زهراء: كل عقلج راح نروح كلنه اني وبابا وماما
ايفين: روحو واني ابقه هنا وحدي وبعدين ما راح ابوك البيت والله
زهراء: وداعت عيونج مووو علمود تبوكين البيت اصلاً انتي صاحبه البيت واحنا الخطار
ايفين: اكيد لعد شعبالج
زهراء: لا حب ما عبالي شي راح نخليج هنا حتى متكولين يشڪون بيه
ايفين: ههههه ءوڪي حبي ما اكول بس روحو
زهراء: هههه ياله كومي كافي نوم كومي حتى نتونس شويه
ايفين: جايه عود علساس اني الخطار
زهراء: لا منو كال خطار توني اكلج انتي صاحبه البيت صدك جذب يمعوده
ايفين: هههههههههه ءوكي انزلي نازله وراج
زهراء: موو تتاخرين لا ترجعين تنامين كومي
ايفين: كاامت ايفين كامت من كامت على راسها القيامه
زهراء: ههههه 😂بسرعه مو تتاخرين
ايفين: فهمنه يمه نزلي لا اطيح حضج
زهراء: ءوكي ياله باي انتضرج جوه
ايفين: ءوكي ياله باي
رحت غسلت وجهي وسناني وبدلت من يمها اخذت ملابس وقبل لا انزل احط تلفوني على شحن حتى من اجي الكاه مقبط شحن نزلت جوه رحتلهم كلت
ايفين: صباح الخير
ام زهراء: صباح الورد يروحي
ايفين: شهل صباح الي يرد الروح 😩🤍
ام زهراء: ههه تدلللين ست افونه
ايفين : لا لا راح تجلطني اليوم شهل دلال
زهراء: لعد شعبالج هاي ماما
ايفين: ترى غرت
ام زهراء: لا تغارين ولا شي هاي بس كدامج الله وكيلج يوميه اريد منها شي كوه تكوم
زهراء: ماما ترى فضحتينه😂🙂
ايفين: هيج احسلج لو باقيه ساكته
ام زهراء جابت الفطور واكلنه وكمت حتى اساعدهن فشله بس ما قبلن وصعدت على غرفه اخذت مبايلي
فتحته واجني هواي مكالمات بس تجاهلتها نص بس ارقام من العراق لان مكتوب منين الرقم يتصل ونص علي ونص جبل ونص بابا وكرار وحسين تجاهلتها وكمت
رحت سبحت وطلعت مشطت شعري وحطيت مكياج من زهراء وهم الملابس من زهراء غسلت ملابسي حتى من يصل بابا البسهن
بقست لليل زهراء وام زهراء وابو زهراء راحو وبقيت بس اني بل بيت كاعده اڪلب بلتلفون واجاني مكالمه فيديو من بابا
