තුරුම්පු ආසි♣️||[Completed]

ආසි 10 ♠️

"තමුසෙට මේක කරන්න පුළුවන් බැරිද ...."

ඒ පාර පිකාසෝ අය්යා මගේ දිහා බැලුවෙ උත්තරයක් අහන්න වගේ..මාත් ඔළුව වැනුවෙ මේ වැඩ වලට දැන් ලොකු කැමැත්තක් නැතත් අය්යට බෑ කියන්න බැරි කමට.....

"හරි අපි මේක කරන්නන්... හැබැයි මේක අන්තිම පාර ආයෙත් අපිට මෙහෙම වැඩ එවන්න එපා..එව්වට වැඩක් වෙන එකක් නෑ...."

"ඒක උබේ කැමැත්තක්...."

ආපු මිනිහා මරුමුස් බැල්මක් දාලා එතනින් නැගිටලා ගියා....

"ඇය් බං උබ මේක භාරගත්තෙ...."

මං පිකාසෝගෙන් ආයෙ ඇහුවෙ මේ වගේ ලොකු වැඩක් ඌ හදිස්සියෙ භාරගත්තෙ මොන හේතුවක් මතද කියලා නොදන්න නිසා.....

"ඕක භාරනොගත්තනන් මං ඉන්න අන්තිම දවසත් අද වෙන්න තිබ්බා....අපිට ඕන ඕන විදිහට කැමති කැමති දේවල් කරන්න මේක සුරංගනා ලෝකයක් නෙවේ ආසි....මේක මිනිස්සු එක්ක හැප්පෙන සෙල්ලමක්..."

මුගේ ඔය කුණුහරුප තමයි මට දිරවන්නෙම නැත්තෙ...ඒත් කරන්න වෙන දෙයක් නැති නිසා මං එහෙමම නැගිටලා ආවා....

ශේර්ට කෝල් දෙක තුනක් ගද්දි ආන්සර් නොකර නිසා ඒකත් අතෑරලා දාලා මං ඇතුලට ගියේ දවල්ට මිනිස්සු අඩු වුණාට අතක් ගහන්න කාව හරි සෙට් කරගන්න බැරි නෑ කියලා දැනගෙන.....

"ආසි..."

මට ගිහිල්ලා මේසෙට වාඩි වෙන්න විතරයි වුණේ ආයෙත් පිකාසෝ....

"ඇයි බං....."

එයා මට අතින් කියද්දි මං එතනින් නැගිටලා ඌ ඉදපු තැනට ගියා....

"මේ තියන්නෙ කෙල්ලගෙ පින්තූරෙයි ඇඩ්‍රස් එකයි....හෙට රෑට වැඩේ වෙන්නෝන...."

පිකාසෝ මගේ අතේ ඒ පින්තූරෙ තියෙද්දි මට ඌ ගැනත් මහ පිලිකුල් දැනෙන්න ගත්තා...වෙනදා මෙහෙම නැතත් අද මේ වගේ දෙයක් කරන්න කලින් දෙපාරක් හිතන්න හේතුවක් මට තිබුණා....මගේ වෙනස තේරිලාද මංදා අය්යා මගේ ඇස් වලට එබිලා කතා කලා.....

"මල්ලි උබ දැකලා තියද පරවි තරග...."

මම ඔව් කියන්න වගේ ඔළුව වැනුවෙ අහක බලාගෙන....