حلقه 1

90 4 0

بواسطة user40702872

بقلم user40702872

💥#ولــن _تفهمو _ فـي الحب

المقدمه+ الحلقة (1):

عند عائلة تسكن في منطقه معينه مشهورة بإسم ( عائلة المالكي) تحديداً في الجنوب الليبي!!

كان حوشهم أكبر واحلى حوش في المنطقه
وكانن الأضواء والزينه معبيته لأن زفة حفيدهم الأكبر اليوم وناصبين خيمه كبيرة في السياج(* السور يلي محاوط الحوش)
والشباب بره مدايرين ألعاب نارية🎇🎆 وتسطريب بالسيارات وتسمع صوت البنات والعيله إلداخل مدايرين جو شتاوي ونفس أجواء أي عرس ليبي في منطقتهم كانو متمسكين بالعادات والتقاليد واجد..

هالعيله تتكون من الجد :

(*سليمان ومراته فايزة*)

وولدهم الكبير(* سالم و مراته أسماء*)
وعندهم ولدهم الوحيد
( *المعتصم بالله* 27سنة الحفيد الأكبر للعيله ويلي توا يكون عرسه💁‍♀️ )

وولدهم الأوسط ( *محمد ومراته جميله*)
وعندهم بنتهم الكبيرة ( *ألاء* 20 سنة وهي العروس يلي بيجوزوها لي معتصم )
وأختها( * ميساء* 18سنه)

وولدهم الأصغر ( *وائل* وهو مش متزوج ويعيش في طرابلس من لما كبر مشى يقرأ في العاصمه طب وبعد كمل تعيين في عيادة غادي ومش ديما يتواصل معاهم! )

وهذيم هما أفراد العيله الأساسيين خاناتبعو شن قصتهم💁‍♀️

💫روايــN𝑜𝑟𝑎 ✍️𝑄𝑢𝑒𝑒𝑛ــات💫
______________

في خيمة الرجاله كانو مدايرين فرقة وزمزامات وجوهم حلو
كانو تقريبا كل أهل المنطقه معزومين
وفي أخر الخيمه كانو مقعمزين
معتصم في الوسط وبجنبه أصحابه
يلي يهدرز معاه ويلي يصفق ويغني مع الأغنية ويلي مصبي يرقص مع الفرقه

وشوي توصل رساله لي معتصم
عافونه فتحها لقاها من ألاء مراته
بعتتله فيها أنها لازم تشوفه وتوا

معتصم أستغرب رسالتها وقاللها أهو شوي وبيزفونا كيف يعني تبي تشوفيني

بعتتله الموضوع ضروري وخطير وتبي تشوفه توا توا في بيت الجد

معتصم أستغرب وقبل بيفوتها أنه يعني شوي وبيزفوهم لبيتهم ليش مستعجله البنت😁😁
قعد شوي و نغزه قلبه ماقدر يستنى أكثر بلكي يكون شن صاير والبنت تتكلم جديات !!

قبل بيصبي شوي محسن صاحبه جبد منه الفون وقرا الدردشهه😁

معتصم 😧😡😠: محسن هات هالهاتف جاي

محسن: صار مش قادر تصبر والموضوع مهم كانت أستنت شوي وبنزفوكم😁😁

معتصم تعصب بعدها خدا نفس وبدا يهدأ😤😤: محسنننن هات الهاتف جاي قلت

محسن: تي باهي مابناخدوه عقاب أيفون إكس 😁

معتصم 😒: تعرف لو مش أنا العريس و إليوم فرحي كنت عجنتك طريحه قدامهم وأنت تعرفه المعتصم بالله المالكي😎

محسن: عز المعرفه بالجودة ياعريس والله😊

معتصم😒: خواف
وصبى معتصم بالشوي باش ما يلفت الأنتباه عأساس يمشي بسرعه ويرد وصل في نص الخيمه
فجأة الفرقة تفصل

مغني الفرقة: باللهي الكل يحي معاي العريس السلطان معتصم المالكي🎤
أنتبهو الناس لمعتصم وقعدو يصفقو ويلي يصفر وصارت دوشة😁😁

ومعتصم كان يلقى يعجن مغني الفرقة ويطيح فيه ضرب لأنه فضحهه🤦‍♂️😁

وردت الفرقة تغني وصحاب معتصم ألتمو عليه وبديو يرقصو ويرقصو فيه
وصبى جده سليمان وباته سالم وعمه محمد يرقصو ويصفقو وفرحانين بولدهم الوحيد ❤️❤️
ولما صارت هالزحمه أستغل معتصم الفرصه وطلع من دون ماحد يشوفهه!!

💫روايــN𝑜𝑟𝑎 ✍️𝑄𝑢𝑒𝑒𝑛ــات💫

____________________________

طلع معتصم من خيمة الرجاله وخش لداخل بيت العيله
ومشى طول لدار البدروم لأن تعود ديما يلاقي ألاء غادي

( علاقته بي ألاء بديت من وقت طويل من لما كانو صغار
كانو كأي أولاد عم عاديين كبرو وتربو مع بعضهم ولما كبرو حبو بعضهم وقررو يتزوجو
وفعلا تكللت قصة حبهم بالزواج وأهو إليوم زفتهم
معتصم شخصيته واخده طابع الرجل الشرقي بكل معنى
كان شجاع شهم وعطوف وحنون عاغيره ووقت الشدة ديما أول واحد مايتأخر
وزي كل رجل ليبي شرقي صعب يبين مشاعره لحد لأنه في رأيهم هذا ضعف 🤷🏻‍♀️
وهو يحب ألاء بنتعمه بكلل من لما كان صغير لاكن عمره ماعترفلها لنفس السبب
لاكن ألاء تعرف أنه يحبها ومتفهمه هالشئ وهي أصلا عاجبتها هالميزة فيه😁♥️)

فتح باب البدروم وتوسعت عيونه وتفاجئ بالمنظر يلي شافه😳😳😳😳

كانت ألاء أمدده عالأرض وفيه سكين مرشوق في وسط بطنها وغارقة بدمها 💔💔💔
يتبعع...... دعمكم ليا أول مره نكتب رواية والقصه حقيقية ونبي رايكم فيها نكمل أول لا❤