رواية " ولن تفهمو في الحب " 🌚🤷🏽‍♀️

5

#ولــن _تفهمو _ فـي الحب

الحلقة(5):

معتصم : وعليش خطوبة خلوها عرس ليش ما نقرو الفاتحه الخميس الجاي

ميساء😨😨😨

سليمان: إي لاكن مرات مانلحقو نوتو شئ خليها خطوبة أحسن  نبي العرس يكون أحلى عرس في المنطقة

معتصم: لالا ياجدي ماتخمم في شئ بإذن الله نلحقو وكل شئ يوتى في وقته

أسماء: أنت ليش مستعجل هكي ياولدي معقولة إديرو عرس وألاء ماتمت الأربعين

معتصم: ماهو يمي أنتي تعرفيني مانحب جو الخطوبة وهكي والبنت تقعد مسمية عأسمي مانقدر نتحكم فيها

ميساء  بكل عصبية وصوت عالي: أنت شن قصدك تتحكم فيااا عأساس هذا يلي أديرو فيه مش تحكم قاعدين تحكو عاجوازي قدامي وتحددو أمتى ولاحد فكر ياخد برايي أنتووو شن قصدكممم
مستحيل هذا الشئ مستحيل يصييييررر فهمتوووو🔊😡😡

جميلة: ميسااء😡

معتصم: أحم بعد أذنك ياعمتي وبعد أذنكم أنا فاجئتها ميساء بالموضوع
هذا عليش هكي ردة فعلها
ممكن نتكلم معاها شوي

سليمان: إي أكيد ياولدي

معتصم: ميساء تعالي معاي  وبنفهمك كل شئ

ميساء تاخد في نفسها بالقوة مشيت معاه وطلعو بره  في الجنان
متاع البيت

ميساء تتكلم بصعوبة لأنها مشقادرة تاخد  نفسها من الصراخ: أن أنت أنت قلت بتعطيني وقت وعدتني كيف تقدر أدير هكي

معتصم مدلها طاسة مية من عاطاولة: أستني خودي نفسك وأشربي أمية

ميساء عزقت طاسة لمية من يده تفترشت عالأرض💥:تعرفف أنك أنسان حقيير وأناني كيف تبيني نتجوزك وأنت ماعندك  ولاذرة  أحترام لذكرى مراتك يلي عأساس تحبها هيا ماتمت الأربعين وأنت تبي أدير فرح وتتزوج

معتصم طول فترت كلامها كان ضاغط عايده بقوة ويحاول يضبط أعصابه: وأنتي شن نقول عليك يلي مدايرة علاقة بالسر من ورا عيلتك لا وزيادة تضحكي عليا وتبعتيله فلوس💥

ميساء😨😨

معتصم أبتسم وقرب منها خطوة : وين صوتك تكلمي😏

ميساء وخرت بتوتر😳: أن أنت كيف عرفت

معتصم: من جدك كنتي تبي تلعبي عليا وحاسبتها بتفوت عادي من دون مانعرف😏
ميساء: مم معتصم أنا..... 😥

معتصم جبد كرسي وقعمز: تعالي أحكيلي هي شن علاقتك بفهد!

ميساء خدت نفس وجبدت كرسي وقعمزت: فهد  فهد ولد خالتي
هو كان يجي هنا وكنا ديما نعدرزو وحبينا بعضنا وأنت أنت خشيت بالنص

معتصم بهزوة😏: قلتيلي حبيتو بعضكم
أسمعي ميساء مش هذا يلي نبي نعرفه أنا نبي نعرف ليش عطيتيه فلوس وضحكتي عليا وقلتي تبي تجيبي بيه فيلو!