..... : ااااه ياحيوانية ياغبية ياحمارة يابنت الحمار
...... : أفندممممم ده مين ده !؟
......... بألم: إييه ده أنت واحد مش واحدة !؟ طب آسفة نعيد تانى ياحيوان ياغبي ياحمار يا ابن الحمارة
.........بذهول : انتي عندك خال أهبل يابت !؟
..........بتفاجأ : آه والله خالو في المصحة أنت عرفت ازااى !؟
......... بسخرية : ما هو باين عليكي أهو إنك لامؤاخذه يعني مجنونة
.......بفخر : ولامؤاخذة ليه ما أنا فعلًا كده ثم أكملت بذهول أنت عرفت الحاجات دي ازاى أنت دجال صح !؟
.........بنفاذ صبر : دجااال إييييه ياحلاوتهم انتي
...........بنفس الذهول : طب وعز جلالة الله أنت دجال يعنى عرفت إسمي من غير ما أقول أهو يبقى إيه
..........بضحك : لا لا لا أوعي تقولي إنك اسمك حلاوتهم أموت والله
........... : اسمي حلا بس بيقولولي حلاوتهم وأنت اسمك إيه بقى يا حليوة أنت !؟
....... : أسد
حلا بخوف : أعااااااااااااا هو فين هو فين
أسد بدهشة : هو ايه اللى فين ياا غبية بقولك أنا اسمي أسد وبعدين يا متخلفة انتي هو في أسد على الدائري !؟
حلا بغضب : بقولك إيييه يا نمر أنت احترم نفسك ومتشتمش أنا كيوتة آه بس لما بقلب هخلي راسك مكان رجلك أنا مجنونة وخالو أهبل في المصحة وأمي مجنونة ودماغها طقه هربانة منهااا يا برووو فلم نفسك وشلح واجري
أسد بعصبية : ألم نفسي ليه شايفاني متبعتر
حلا : هو أنت يا بني مخلوق عشان تعاند متعرفش تسيرني يعني أنا قولتك شلح واجري تقولي وتعالى على حجري يا رمان ده أنا حجري حنين يا رمان ياخدك وينيم مش تقولي ألم نفسي ليه
أسد بضحك وهو يضرب كف على كف : يارب صبرني ده إيه البلوة اللِ على الصبح دي ثم نظر إلى صديقه الذى يضحك بشدة أنا مش فاهم أضحك على كلامها الأهبل ولا أعيط على البلوة اللِ أنا فيها دي
حلا وهى تحرك يدها بطريقة مسرحية : أناا عارفة إن دمي سكر محطوط على كريمة مش لازم تقول ثم نظرت إلى الواقف بجانب أسد يضحك وأنت بقى ياللِ شبهة مهند اسمك إيه
.......هو بيحاول السيطرة على ضحكاته :
اسمي فهد
حلا بضحك : إيه ده هو أنتم عايشين في حديقة حيوان ولا إيه
فهد بضحك : لا وهتنبهري بقى إن مامته اسمها غزال
حلا وهى تضحك بشدة : بتهزرررر طب أنا نفسي أشوف عيلة الحيوانات دي
أسد بغضب : ما تلمي نفسك يابت انتي
حلا وهى تقف : ياعم أنا سيبهالك وماشية
فهد : تعالي نوصلك في طريقنا
أسد بغضب : تيجي فين أنت أهبل ولا إيه
حلا بعصبية : إيه ياعم أنت متعصب كده ليه وبعدين مين قالك إني هركب معاك أصلا على أخر الزمن هركب مع أسود و فهود ده أنا بخاف من الكلاب
فهد بضحك : ياستى أولاً اهدى ثانياً العربية بتاعتي مش بتاعته يعني هتركبي معايا مش هتركبي معاه
حلا بخجل مصطنع : بس لو مكنتش تحلف بس
فهد بضحك : طب يلا يا لمضة عشان متأخرش على الشغل
ركب فهد وأسد بالسيارة من الأمام وحلا من الخلف
....................................
فى السيارة تجلس حلا تعبث بفونها فنظر لها فهد من خلال المرآة
فهد : ألا قوليلي يا حلا انتي ركبتي كده من غير ما تقولي انتي راحة فين عشان أوصلك
حلا : عندى انترڤيو في شركة
فهد بإهتمام : شركة إيه دى
حلا بضحك : هتصدقني لو قولتلك معرفش
فهد باستغراب :ازاى يعني راحة انترڤيو وانتي مش عارفة شركة إيه
حلا : بص هقولك المختصر كنت في حفلة عيد ميلاد واحدة صاحبتي فغنيت فيها وكده ومعرفش إنها بتصور فنشرت الڤيديو وطلع تريند فلاقيت شركة اتصلت بيا وطلبت إنها تقابلني النهاردة فالموضوع كله صدفة فأنا راحة يمكن ألاقى حاجة أجيب بيها عيش وحلاوة ههههه
أسد بتفكير : ثانية ثانية انتي حلا محمد كهربا !!
حلا بضحك : لا شد الكوبس
أسد بغضب : ياابنتى اتكلمي جد شوية بقى
حلا : إيه ده ياعم أنت قموصة كده ليه
أسد بتأفف : يااااااااربى
حلا : خلاص متتعصبش أيوة أنا
.... يتبع
رأيكوا 👀😂❤
#بقلم هدير إبراهيم ❤
