من بعد المعاناة انت نصيبي

مشهد

مرحبآ اجيتكم بقصه جديد قصة بنت من احدى محافظات العراق بنيه جميله جدا في يقع في غرامها شاب من قرى ريفيه

الشاب يعشق الفتاه والفتاه تبادلهُ الشعور ولكن الاهل لهم دور كبير بخراب قصة حبهما فَ هل ينجعآ معً ام يفترقون ؟

انتضروني بقلمي انا نور الحسين

___________________
مشهد 1

جنت كاعده اجتني دموع وكالت ولج مسك سمعتي كتلها لا شكو كالت ولج مااعرف شلون اكلج بس سراج من كالت سراج فز كلبي كتلها

- شبيه الله عليج وين عرفتي اخباره

- والله هستوه سمير اتصل ويكول اني رايح للمستشفى كتله ليش كال مو سراج ماادري شبيه يكول مضروب طلقه وحالته خطره

طفرت عليها . لا الله عليج كولي جذب دموووع اتجذبين عليه مو يمه عزا بعيني سراج راح يروح مني

كعدت ادك والطم وابجي واشهك من كلبي والحمد الله امي جانت ماكو بلبيت جان موتتني وهيه منعتني منه وجم مره تكتلني كتلت موت

طفرت من مكاني وركضت لتليفون امي الحمد الله ناسيته بلبيت قبل لا تطلع واني ادري بيه على الشحن عليمن اتصل هسه ياربي ويطمني منو ينطيني خبر اخاف اتصل عليه ويطلع عليه شو منو احسن شي ادز رساله لعمو عزيز هوه ينطيني الكلمه المضبوطه وهوه يعرف بحبنه وهوه الوحيد الي وكف ويانه

عمو الله عليك جاوبني حباب مات لو لااا عمو اريده ليش يعوفني مو اني احبه هوه بخير لو مات كول الله عليك

ليش هيييج حضي ليش كل مااكول راح ننجمع نخرب من جديد شوكت اني ارتاح  

___________________

مشهد 2

جان نايم بصفي وكام وطلع

-وييين رايح

-شويه واجي للحمام

بس طلع رن جهازه معلن عن وصول رساله شلت الجهاز وفتحته جانت الرساله من وحده من حبيباته الحقير شلع كلبي من هاي سوالفه

فتحتها وشفتها اسمها نور بلذات هاي اموت منها والله ولااسكتله مو بكيفه كل يوم ويه وحده يراسل بيها احس روحي صرت تنين وانفخ نار من العصبيه يمكن الي مار بشعوري يعذرني

دخل للغرفه وسد الباب مترهي ولاعنده شي عكسي اني افور من الغيره والاعصاب صرخت بيه بصوت كلش عالي بحيث طفر عليه وسد حلكي

- انته شوكت اتووووب مو مللتي والله اني مليت من سوالفك جوز يااخي جوز مليت انييي

جنت اصرخ ونسيت نفسي ونسيت العالم العايشه وياي وعيالي عنده عيب المره الي تعلي صوتها بس والله ولااسكتله

- شبيييج صوتج ادب سزز

- شبيه شبيه مو مليت من سوالفك شوكت اتوب انته هااا

-اني ليش شبيه ؟

- كلشي مبيك بس روح وشوف جهازك والله اليوم اكلب الدنيه عليك لو اعرف تومتني همين مااسكت

حبابي اذا عجبتكم القصه وحبيتوها صوتولي وانطوني رأيكم بيها واذا تسألو شوكت ابدي بيها اخذلي فتره استراح وانوب ابدي بيها

تحياتي الكم دمتم بخير