اسيرة لمغرور

Part 19"

نور بحيرة:انزل ولا منزلش لا مش هنزل وهقول ل اسر لما يخرج من الحمام
((بعد دقايق خرج اسر))
نور قربت من اسر:حبيبي الرسالة دي جتلي دالواقتي
اسر شاف الرسالة:كويس انك منزلتيش ممكن يكون كمين ولا حاجه وحد عايز يأذيكي بس انا عايز اعرف دة بيقول ف الجنينه ازاي دخل
نور:مش عارفة
اسر:خليكي عندك هنا اوعي تنزلي انا هنزل اشوف اي الحكاية ومن بكرة هجيب بودي جاردات وحرس جداد لكل الڤيلا علشان يحموكيي طول منا مش موجود ومحدش يعرف يوصلك لان الحكاية كدة ذادت عن حدها ومش فاهم ليه كل دة بيحصل ليه
نور بدموع: انا قرفت بقاا من القلق الي عايشة فيه دة
اسر:متقلقيش كل حاجة هتبقا كويسة قريب اويي(نزل اسر الي الجنينه وبدأ يدور علي احد لكن لا يوجد وبدأ ينادي للبواب)عمي محروس..
جاء اليه محروس:اؤمرني ي باشا
اسر:في حد دخل او خرج من الفيلا
محروس:لا يباشا اتا قاعد متنقلتش من باب الفيلا ولا حد خرج ولا حد دخل
اسر:متأكد
محروس بتأكيد: طبعا متأكد يباشا خير في حاجه حصلت
اسر:لا مافيش المهم خلي عينك ع الفيلا وانا مسافر النهاردة وهجبلك حراس معاك ماشي
محروس بستغراب: ماشي ي باشا بس هو في حاجة حصلت!
اسر بعصبية: قولت لا روح شوف شغلك
محروس: حاضر ي باشا
فضل اسر ف حيرة وهو يتحدث مع نفسه بهمس:طب وبعدين طيب مين الي بعت الرسالة ومين الي بيبعت الرسايل طب كان بعت ليه الرسالة طلامة هو مش موجود هنا بيقلقنا ولا حد بيقربنا من بعيد وعايز يشوف نور هتنزل ولا لا الموضوع دة وراه سر وسر كبير اويي كمان
________________
ف الحارة..
فريدة عند حماتها..
فريدة بدلع:يوسف ي چو
حماتها بتلوي احد شفايفها وتتحدث بهمس:چو قال چو قال
يوسف:بتقولي حاجة يماما
فريدة مسكت بطنها وضهرها:تعبانة اويي ابنك عمال يخبط فياا شقي زي ابوه
يوسف بحراج: احم احم معلش يحبيبتي
والدة يوسف:ليه يختي انتي ف الكام عشانن يلحق يخبط فيكي
فريدة: داخلة ع الرابع يخالتو
يوسف بهمس: قوليلها يماما ماما
فريدة: يووه قصدي يماما..عايزة اسألك سؤال يماما
والدة يوسف:قولي يختي اما نشوف اخرتها
فريدة:مع انك يعنيي زي القمر اهو ليه بقاا عمي عبده هيموت ويتجوز عليكي نور بنت خالي
يوسف:فريدة اي الي بتقوليه دة
فريدة بستعباط:اي دة هي ماما مكنتش تعرف تؤتؤ يالهوييي مكنتش اعرف انا اسفة يماما
والدة يوسف:جوا اييي دة ي يوسف انطق
يوسف:دي فريدة بتهزر يماما متخديش ف بالك
والدة يوسف:مخدش ف باليي طب انا هوريكم(جريت ع الشباك وبدأت تنادي باعلي صوتها)يييي عبببببده انت يراجل اطلع دالواقتي حالااااا
عبده من تحت:ايي يولية في اي لدعتك عقربة ولا ايي
والدة يوسف بهمس:عقربة لما تلوشك(ثم علت صوتها)اطلع دالواقتي عيزااك
طلع عبده مسرعا:في اي يولية اي الهوسة الي عملاها ف الحارة ديي
والدة يوسف:عايز تتجوز عليا ي عبده
عبده: اتجوز عليكي ايي يولية يهبلة انتييي
والدة يوسف:عايز تتجوز نور العيلة الي طفشت ومحدش عارف ليها طريق وطفشت مع مين
عبده:ممممم وانتي مين قالك ع الموضوع دة
يوسف بتوتر:يعنيي ي بابا فريدة مكنتش تقصد تقول
عبده:حسابك معايا بعدين ي يوسف (ثم نظر لزوجته)وغير كدة انتي مالك يام يوسف هي اول مرة اتجوز عليكي هاا اول مرة منا عملتها كتير ايي الجديد يعني هتفرق
والدة يوسف:اه هتفرق كتير وكتير اوي كمان ان اتجوزت الي اسمها نور دي هقتلها وهقتلك
عبده زقها ونزل:يشيخة اتنيلي هو انتي بتعرفي تموتي صرصار غوري من وشي كتكم القرف
والدة يوسف بدأت تبكي: ليه ابوك بيعمل معايا كدة ي يوسف ليه دة انا ياما وقفت معاه وطول عمري ف ضهره وهو هيجي عليااا
فريدة صعبت عليها حماتها: ماما متقلقيش نور اتجوزت يعني هو مش هيقدر يتجوزها
دالده يوسف:طلامة في دماغه هيعمل المستحيل عشان يتجوزها دة الي بيعوزه لازم ياخدو حتي لو ايي انا عارفة اكتر من اي حد
فريدة بدأت تقلق ع نور من كلام حماتها:رينا يسترها عليكي ي بنت خالي
____________________
((ف الفيلا))
كان يجلس اسر ونور واصالة في الجنينه وكانو جاهزين للسفر وكانت الشنط بجانبهم لكن اسر كان منتظر سعيد ليعيطيله المال قبل السفر..
اسر عمال يرن ع سعيد:مش بيرد ع التليفون
نور:خلاص سيبك منه هو حر دة كلب فلوس اساسا
اسر:والكلب نرميلو عضمة عشانن يبعد عننا(ثم رن ع سعيد تاني ورد)اي يسعيد مش بترد ليه
سعيد ببرود:ماليش مزاج ارد
اسر بستغراب وعصبية:انت بتكلمني كدة ليه اتكلم عدل
سعيد:بتتصل بيا ليه دالواقتي
اسر: علشان اديك الفلوس اومال علشان احب فيك
سعيد:لا بقا مخلاص الفلوس كانت المفروض تتدفع امبارح لكن انت رجعت في كلمتك يبقا خلاص وانا بنتنا هنعرف نرجعها ازاي لينا
اسر:طيب بص بقا انت والي معاك ملكش حاجه عندي تمام والي عندك اعمله وانا مراتي ف حضني والراجل فيكم يقرب بس ليها ولا حتة يدوس لها علي طرف ورحمة ابويا الي مبحلفش بيه كدب ما هيكفيني حياتك ولا حياتهم وعايزك توصل الكلام للي معاك كويس اويي(قفل اسر ف وش سعيد بخنقة)
نور:في اي مالو دة وقالك اي دايقك اوي كدة
اسر بيمسح علي وشه بخنقة وغضب شديد: وحيات أمهم لاشيلهم كلهم من علي وش الارض نور في سؤال بيدور ف دماغي من يوم الصور دي عايز اسألهولك
نور:اسأل يحبيبي الي انت عايزه
اسر:هو لما احمد ماات انتي شوفتيه بعينك وهو ميت يعني راح المستشفي وانتي روحتي والحاجات دي
نور:ايوا طبعا ودخلت الاوضة الي كان فيها وشوفته
اسر: اومال في اي واي الي بيحصل دة
جاء لنور رسالة اخري(جوزك دة شاطر جدااا علي فكرة بس انا مرضيتش ابان لي عشانن لو ظهرت انتي اول واحدة هتتحاسبي بس الي عايز اعرفهولكو اني اقرب ليكو من الهوا وعارف كل خطوة ليكو)
اسر قرأ الرسالة مع نور وابتدا يتعصب اكتر واكتر: وبعدين بقااا انا بقيت حاسس اني عاجز مش عارف في اي ولا ايي الي بيحصل ولا اي حاجه ياربي
((في الشركة))
يونس مع ناس:هاا اي رأيكو ف الشركة
اسماعيل: جميلة جدا هو اسر بيه هيبعها ليه
يونس:عادي هيفتح شركة غيرها وهو عنده شرك كتير جدا غيرها ي اسماعيل
السكرتيرة:بونس بيه انت بتعمل ايي
يونس:وانتي مالك انتي
السكرتيرة:لا لازم اعرف انت بتقول بيع وشراء وحاسة ان في حاجة غلط
يونس: روحي حافظي علي شغلك واقعدي انتي ساكتة بدل ما ارميكي برا الشركة
ذهبت السكرتيرة الي مكبتها بضيق شديد ومسكت هاتفها واتصلت علي اسر:الو ازيك ي اسر بيه
اسر: الحمدالله ي اسماء في حاجه ولا اي
اسماء السكرتيرة: حضرتك سافرت ولا لسة ف مصر
اسر:لا لسة هسافر بعد ربع ساعة طالع ع المطار
اسماء:طيب كويس ممكن تيجي الشركة فورا
اسر باستغراب:ليه في حاجة
اسماء بهمس: يونس بيه جايب ناس يشتروا الشركة
اسر بغضب وصوت جهوري ثم قام وقف:نـعـم انتي عارفة بتقولي اي ليه هيا فوضى دة اتجنن ولا اي شكلك نهايتك قربت ي يونس انا جاي(قفل اسر مع السكرتيرة)
نور:في حاجه حصلت ف الشركة
اسر بتنهيدة:مفيش بس لازم اروح الشركة دالواقتي مش هتأخر
اصالة:خير يارب استرها يارب مش عارفة اي الي بيحصلنا دة
((ف الحارة))
سعيد بضحك:كلمني وكان هيولع وفضل يزعق ويهدد
عبده بضحك: الراجل هيتجنن ياعيني
سعيد: ياما نفسب اعرف كلكو هتموتو ع البت نور كدة ليه هو مافيش بنات غيرها ولا اي ما البنات علي قفا من يشيل أربعة هيموتو عليها ليه وهيا بنت مين في مصر عشان كله يحبها
عبده: انت بهيم متعرفش قيمة المرأة انا لو مكانك وعايش معاها ف مكان واحد وربي مرحمها لكن هنقول اي (واكمل بضحك)عايش عشان ام فريدة وبس
سعيد:هتكبرها ف دماغي ليه وهتخليني ابقا الخامس ويبقا نور وازواجها الخامسة ههههاوو
عبده بضحك:لا الاماكن كلها محجوزة
سعيد:الي ياكل لوحده يزور
عبده: وانا بحب أكل لوحدي ومحدش هياكل نور غيري انا وبس
سعيد:والباقين الي بيتخانقو عليها دول هتعمل فيهم ايي
عبده بسرحان:ولا حد هيطول ضافر ليها ولا حتى البيه الي انت جايبه دة زي ما عملت المستحيل الاول وبعدت عنها الي كانو بيموتو ف بعض مش هقدر علي دة!
سعيد:طيب وجوزها دة دة بقا جوزها وخلاص
عبده:دة انا المعلم عبده والأجر ع الله
سعيد:ياما نفسي افهم دماغك دي فيها ايي
_____________
ف الشركة دخل اسر بهيبته وينظر جميع المواظفين لو ينتظرون ما يحدث بعد قليل وينظر اسر ليونس بكل قرف:ممكن افهم اي الي بيحصل ي يونس
يونس:زي مانت شايف جايب ناس من شركة تاني تشتري الشركة
اسر بضحكة استهتار:ودي بأمارة أي وب اي حق هتبيع يعني انت اتجننت ولا مبقتش فاهم ولا فاهم وسايق الهبل علي الشيطانة ولا في ايي ف دماغك فهمني(ثم نظر للناس الي مع يونس)وانتو ازاي كاصحاب شركة جايبن تشترو شركة من واحد مالوش اي صلة بالشركة اصلا غير انه كان شغال فيها فقط لاغير واطرد منها اشر الطردة فهموني كلكم مجانين ولا اييي
يونس بضحكة عالية:اكبد كلنا مش بالغباء دة
اسر:ميكنش بعتلك الشركة وانا نايم ومش واخد بالي
يونس:ممم حاجه زي كدة
اسر:ازاي يعنيي
يونس:انت عملي توكيل بيع وشراء ولا ناسي
اسرر: فعلا عملك توكيل بيع وشراء عشان كنت مأمنك علي كل شي بس دة ميدكش الحق انك تبيع وانا موجود صح وسيبك من دة كله وحتي لو قدرت تبيع ف انا لغيت التوكيل (ثم ضحك ضحكة استهزاء)اول حاجه عملتها لما طلعت كلب اني لغيت التوكيل لأن جي ف دماغي انك غدار ومش بعيد تعمل حاجه زي ديي
يونس ضحك اكتر:وانا كمان عملت حساب حاجه زي دي برضو ومضيتك علي عقد بيع وشراء لنص الشركة دي يعني انا دالواقتي شريكك بنص الشركة دي وكان ممكن امضيك علي الشركة كلها بس انا حبيت تكون موجود معاياا ف الشركة عشانن احسرك عليها
اسر بصدمة:نص الشركة ديي
يونس:كنت متخيل منظرك دة لما تعرف لاني عارف ان الشركة دي غالية عليك قد ايي وعشان كدة اخترت دي بذات
اسر بغل:انت كلب والكلب احسن منك كمان علي الاقل وفي
((في الفيلا))
نور بقلق: ماما انا قلقانة جدا ع اسر واتأخر اويؤ ومعاد الطيارة قرب وهو مش بيرد
اصالة:بأذن الله خير متقلقيش يمكن مش سامع التليفون ولا حاجه
نور: انا هروحله الشركة انا مش مطمنة
اصالة:بدل ما تروحي من هنا وهو يجي من هنا ويبهدل الدنيا
نور:لا انا هروح والي يحصل يحصل
((في الشركة..))
اسر:انت لو متنزلتش هقتلك
يونس:تؤ خلاص انسي هو انا اتجننت علشان اتنازل عن العز دة لا
اسر مسك ف ايده المسدس:هقتلك ي يونس
يونس قاعد ع اقرب كرسي وحط رجل ع رجل:اقتلني انا ف وشك اهو لاحسن تفتكرني خايف من الموت ولا حاجه ونبي شكلك انت الي خايف اقتل اقتل
ثم فجأة رفع يونس المسدس بتاعو ف وش اسر:اي رأيك يلا نشوف مين هيموت مين اقتلني
عند بوابة الشركة كانت تدخل نور وسمعت زعيق والمواظفين جميعا واقفين ف قلق مما يحدث فجأة الكل فزع عند سماع صوت ضرب نار
نور برعب:اسرررررررر
___________________✰
اسفة ع التأخير
واتمني تقولولي رأيكو💙.