ثاني يدخل داومت كان لود عدنه بالمستشفى وهوسه مال جرد ادويه المهم كملت متأخرة رجعت للبيت ويه الخط وبراس الشارع اشوف شله ولد واكفين يدخنون ومن ضمنهم ابني وبينين ولد كبار مو بكد وعفطيه تخبلت بس وصلت البيت دكيت عليه ارجف جاوبني كتله انته وين كال عدي درس تخبلت كتله هذا درس الجكاير خمس دقايق إذا ماجيت اجي كدام اصدقائك اسحلك
صدك شويه واجه اول مطب كتله تشرب جكاير ليش كل تعبي وتالي تصادق وين ماكو واحد طايح حظ
كام يعيط ما اسمحلج تدخلين بحياتي اني كبرت كتله اني امك وغصبا عليك ادخل والتلفون ينسحب والباب البيت متطلع بس للمدرسه طب لغرفته وطبك الباب حيل كعدت بالكاع ابجي ما اعرف شنو اسوي والدي كبر وامي والأمراض غزتهم واخواني كل واحد حاير بعائلته ضليت حايره اتصلت ب أروى متنفسي الوحيد واحجي وابجي اخر شي كالت تردين محمد يكعد يحجي وياه كتلها لا خلي هسه
واشوف شلون اتصرف وياه بالكي العقاب يخلي يوعه على روحه
ثاني يوم داومت اجتي عليه بنيه كالت دكتوره المدير طالبج كتله اوك كنت لابسه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هذا الفستان ولابسه فوكاه ال لابكوت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دخلت كلت السلام عليكم نعم دكتور المدير. وعليكم السلام شلونج دكتوره سألني على جرد بعض الادويه وبعدين كال اعرفج المقدم جاسم صديقي والصدك بهتت اندار الاكي واكف ورايه عد كلت اهلا استاذ اشو هذا مد ايده ديصافح استحيت مديت ايدي صافحته اشوهذا أخذه الواهس شلونج دكتوره انشاء الله بخير كتله الحمد لله اريد اجر ايدي وهذا كاعد يتلمس بيها عد نترتها وخزرته انداريت على المدير الكان ديخابر سد التلفون كتله دكتور عدي شغل محتاج شي كال اي والله ابو أسد محتاج كم علاج اذا موجود وفريلهيا كتله اوك طلعت ولحكني كان لابس بدي حجري زيتوني لونه وبنطلون نيلي كان كلش طالع حلو دا امشي كدامه وجان يفوتون يديه بسرعه من كدامي توقفت بمكاني وجان من صدك من صدك بحضنه يابه بوكته تمنيت الكاع تنشك وتبلعني راسا حيته رجف كال بصوت ناصي واويلي يابه اشتعلو واشتعلت سرعه مشيت كدامه وما اعرف شلون وصلت الصيدليه اجه دخل طبعا وجهي من الفشله صار احمر اباوع من جوه الجوه كتله بس قائمه الادويه باوع عليه اتفضلي قريته قسم موجودات وقسم نادرات كتله الاشرتهن ماكو بالمستشفى بس بصيدليتي موجودات اذا تريد اجهزهن وانطيهن ل محمد أو أروى كال لا ماريد احد يدري بيها باوعت عليه باستغراب كال بصوت ناصي فدوه لهل عيون كتله نعم كال من تجهزيهن اتصلي على هذا الرقم رجاء واني اجي اخذهن اذا متصير زحمه بويه جاوبته لا رحمه تدلل جاوبني بصوت ناصي ياريت وطلع ذبيت روحي على الكرسي مجهده عبالك جنت دا اركض غمضت عيني واذكر كل الي صار وابتسم كان شعور غريب اذكر كلامه وسامته ورجولته الطاغيه تنهدت ورجعت الواقعي كمل الدوام ورحت للصيدلية باوعت الأدوية ليريدهن موجودات حضرتهن كنت متردده قويت روحي واتصلت بي اول مرد كتله الو كلي الو منو كتله اني دكتوره ساره كلي هلا بالخير والعافية ضحكت كتله تسلم الأدوية حضرتهن كلي نص ساعة واجي للصيدلية كتله اوك سديته واجتي البنيه لتساعدني بالصيدلية
وره نص ساعه وصل سلم واخذهن راد يدفع فلوسهن رفضت كتله مستحيل كلي متغدايه كتله هسه راح اتصل بالخط واروح كلي اني عازمج رجاء وافقي ما اعرف ليش وافقت ورحت وياه جان مغامره وجرئه من قبلي يمكن لو تدري أروى اله يغمى عليها هههه اخذني ورحنه لمطعم معدنه طلبنا مشويات جنه دناكل رفعت راسي شفته صافن عليه انتبهت عليه مركز على شفتي باوعت عليه تحم حمت باوع عليه سألته هاي الأدوية المن كال ناس اعرفهم فقره وما عدهم ابتسمت كتله الله يقدرك على فعل الخير باوع عليه كلي انتي الخير باوت عليه جان يكول اريد احجي بصراحه ممكن استغربت من سؤاله كتله تفضل
ما اعرف شلون اخذت جنطتي وركضت اخذت تكسي ورجعت للبيت كام هو وركض ورايه بس تعطل بين دفع الحساب ومن لحكني كنت صاعده بالتكسي كانت سيارته ورانه بس وصلت طبيت للبيت ركض للحمام كعدت جوه الدوش ابجي والطم على نفسي وحياتي ثاني يوم مكدرت اداوم قفلت تلفوني هلكد مخابر ويدز رسائل ثاني يوم جتني أروى سولفتلها وابجي
كلتلي هذا عباله كل النسوان مثل الزباله اليعرف هم تعلم ابو المتعه أروى. رجعت للبيت شايطه خابرت محمد وحجيتلها على صاحبه ودكته الناقصه كلي ادري هو قبل فتره كلي وتعاركنه وكتله سد الموضوع سديت التلفون بوجه ثاني يوم نزل كلي خابرته ورزلته كلي معليك لتدخل وعرضي بعده قائم الها خابر محمد على ساره وعتذر منها والبنيه سدت الموضوع
ساره. رجعت اداوم كمت نوبات اشوفه يمشي وره ابو الخط لو واكف برأس الشارع كاعد بسيارته المهم تجاهلته بهاي الفتره زادت مشاكلي ويه محمد طلع مكمل بمادتين مع انو اني كاعد اقري ورجعت اشتم بي جكاير واليوم جان عنده درس وصارت 7المغرب ومجا تخبلت خابرت علي فدوه لعينه هو الوحيد اليوكفلي اجه ادك عليه ميجاوب راح اتصلت على المرء كال طلع من يمي ب5تخبلت وين راح راح علي يدور عليه رجع وره ساعه وماكو خابرت أصدقائه ل اعرفهم ماكو تخبلت كمت الطم وامي تهدي بيه لحد مصارت ساعه 12طب للبيت هذا الحجي كاعده بالطرمه وابجي وخطيه علي معافني دخل يطوطح اني شفته تخبلت جان سكران كنت ابجي واضرب بي كسرته بالعود وعلي يوخر بيه طلع بابا يصيح عليه أخذه طببه جوه طببه خاله للحمام اجه ابويه عليه يلومني لان ضربته كتله شتريد لعد اشجعه حتى يصير مثل ابو بقيت للصبح كاعده كعد اجه عليه واعتذر واعدني بعد ميكررها وره مده هم كام يتأخر ومن اتعارك وياه ايكلي بالكوفي
روحاته لبيت عمه زادت واني صلاح ولده ابد ما ارتاحلهم فديوم اجه كال اريد فلوس كتله شكد كلي فد مليون كتله ليش كلي شنو ليش فلوسي وأريد اصرف منها كتله مين فلوسك كلي مال العماره مال ابويه يعني فلوسي مالج حق تمنعني امنعك يايوم مانعه عنك فلوس يايوم مقصره وياك كلي هسه لتزعجيني تنطين لو اروح على عمي كتله ها عمك مو لك ضحيت بصحتي وشبابي وعافيتي حتى اوفرلك شتريد فنيت حياتي على مودك وتالي تكلي لتزعجيني وتفضل عمك عليه محمد. اي لان عمي يحبني ويدللني حتى اكثر من ولده وانتي اهم شي عدج الورث باوعت عليه كتله مع الأسف من اليوم بعد ماكو بيت جدك ولابيت عمك دخلت للغرفه وكنت ابجي تعبت من البجي ونمت بمكاني
كعدت صاير المغرب كمت رحت الغرفه لكيته ماكو والكنتور مفتوح تخبلت ملابسه ماكو خابرته رد عليه كتله وين انته كلي اني كبرت واختاريت اعيش بيت جدي ويم عمي كتله لعد انسه عدك ام اعتبرها ماتت وسديت التلفون بوجه ونطيته حضر بابا كال اخذ اخوتج واروح اسحله كتله ابد بس تروح وداعتك وداعته هو احرك روحي خلي كنت منهاره حضني بابا كلي صدكي هسه يتندم ثاني يوم جتي أروى يمي
