"مافي افكار بس يلا نشوف اش يطلع معاي"
بعد ما خلصت لمار لبس نزلت ولقت سامي يكلم شخص هي اتوقعته صاحبه وابتسمت لمن شافته مبتسم بوسع وراحت له وهو لمن شافها قام ومشي وراها فتح لها الباب وخرج بعدها وراحو يركبو سيارتهم
سامي: حمودي اكلمك بعدين اذا جيت عندك
احمد: مع اني ما احب هالدلع بس ياحلوه منك تعال ابوسك عليه
سامي مبتسم: جايك اصبر عاد لاتكون خفيف
احمد: الشكوى لله بنصبر بس ما اتوقع كثير
سامي وهو يضحك: اقول خلاص عاد تحمل شوي خلني اوصل اختي وبعدها نشوف صبرك شيسوي فينا
احمد وهو خاق على ضحكته: يشيخ ضحكتك هي اللي جايبة اخرتي
سامي ابتسم: حتى غزلك بريال المهم باي جد خلاص بوصل اختي وبعدها نتفاهم
احمد: انا غزلي بريال؟ غزلي اللي مو عاجبك ذا كان يذوب نص الجامعة بس ما عليه نسوي updeat جديد لعيونك باي see you soon
سامي: باي
لمار: شكل علاقتكم حلوه ماشاءالله مايحرمكم من بعض يارب
سامي ابتسم بتوسع: حبيبتي انتي امين ولا يحرمني منك........الحين جد بيت صحباتك هو نفسه ذاك اللي اوديكي له دايم ولا؟
لمار: احبببك ياخي ودي اتزوج واحد مثلك ...... واي هو نفسه ذاك البيت
سامي وهو يضحك: نشوف بعدين وين بتلاقي واحد نفس اخوك ويلا دقي على صحبتك تفتح لك الباب قولي لها ٣ دقايق واحنا عندها
لمار: طيب
واخذت جوالها دقت عليها وقالت لها نفس اللي قاله سامي والبنت قالت طيب وفتحت الباب وانتظرت شوي وشافت سيارة سامي توقف قدام الباب وتنزل لمار
تسلم عليها ويدخلو وسامي يحرك سيارته متوجه لاحمد بعد ما تأكد ان اخته دخلت واتصل عليه واحمد رد عليه من اول رنة
احمد: هلا ابوي هلا بالزين كله
سامي: ايه كنت بقولك اني خلاص جايك
احمد اللي كان يقطع تفاحة: اخيراً؟ مابغيت تجي
سامي: خلاص هذاني جايك
احمد اللي جرح نفسه بالسكين: اااااه اح اح دقيقة سامي خليك معي عالخط
سامي: شفيك؟ وسكت شوي يستوعب لايكون اللي ف بالي هييه
احمد اللي راح فتح الدولاب اخذ علبة الاسعافات ورجع : لا يامنحرف جرحت يدي وانا اقطع التفاحة
سامي:مدري عنك في احد ينجرح ويتآوه كل ذي التآوهات؟
احمد فتح العلبة واخذ مسحة طبية يعقم فيها الجرح: انا ولا انت القليل ادب اللي تفكيرك مستني الذلة عشان يسافر المريخ؟
سامي: خلاص انا غلطان بتفتح لي الباب ولا شلون
احمد ساب يده زي ما هي وقام يفتح لسامي الباب وسامي شاف يد احمد تنقط دم دخل وراح المطبخ اخذ العلبة ورجع جلس احمد ف الكنبة وجلس قدامه يعقم له الجرح
سامي: عندك بانادول او اي مضاد حيوي ؟
احمد: في علبة في المطبخ فيها ادوية شوفها
في اول دولاب على يدك اليسار
سامي قام وفتح الدولاب واخذ حبتين بانادول وحطهم في صحن غريق وطحنهم ورجع له وجا بيحطها على يده احمد وقفه
احمد: من كيسك ذي شكلها قاعد تحط لي بانادول في يدي انا احسبك بتقول ابلعهم
سامي: مو من كيسي هذا اول شي ثاني شي عشان يلتام الجرح اسرع ويوقف النزيف شعرفك انت خلك ساكت بس
احمد سكت واعطاه يده وسامي اخذ البانادول المطحون وحطه على يده وحط له لصق جروح وقام شال الاغراض رماها وقفل العلبه ورجعها وغطا الصحن اللي حط فيه بانادول وحطاه في الدولاب ورجع جلس جمب احمد اللي سحبه لحضنه وعطاه بوسه ف شفايفه ابتسم من بعدها سامي وحضن احمد
سامي: صح كيف جرحت نفسك وبعدين في احد يجرح يده من الوسط ؟
احمد: والله كنت اكلمك وماسك التفاحة ابي اقطعها من النص والسكين حاد فلما قطعتها ضرب على يدي وانجرحت بس
سامي: وانت ياغبي في احد يقطع على يده ما اخترعو الطاوله عشان حضرتك تقطع على يدك
احمد: خلاص اسف دكتور سامي المرة الجاية بناديك انت تقطع لي ولا بقطع في الطاولة
سامي: يكون احسن
احمد: الحين جد كيف عرفت ان البانادول يخلي الجرح يقفل بسرعة؟
سامي بنبرة حزن وهو يتذكر الاحداث: ابوي الله يرحمه كان دكتور ف كان معلمنا الاسعافات وكذا عشان لاقدر الله لو صار لاحد فينا شي نكون جاهزين ونعرف نتصرف معاه
احمد حس بتانيب ضمير لمن شاف حزنه: الله يرحمه اسف لاني ذكرتك
سامي تنهد وحط راسه ف رجول احمد وغمض عيونه يحاول ما يبكي: مو مشكلة عادي
احمد رفع يده يلعب بشعر سامي وهو يلوم نفسه على سؤاله
سامي حاوط خصر احمد بيدينه ودموعه تنزل لا ارادياً كان متعلق بابوه كثير وصارت شهقاته تعلى واحمد قلبه قاعد يتقطع عليه صحيح انه مرت سنتين على وفاة امه وابوه بس برضو كل ما يتذكرهم يقعد يبكي لانه فقدهم وفقد حسهم في البيت ضحكتهم حنانهم حضنهم كل شي هو يحسد اخته لانها ما شافتهم ولا قعدت معاهم كثير امهم ماتت لمن هي انولدت وابوهم ماقدر يستحمل موت امهم ومرض بعدها بسبب انه ما يهتم في صحته وهو عنده السكري وجاته جلطة وهو كمان مات وهي رضيعة تدري ان امها وابوها ميتين بس ما تعرف مين هما كل اللي تعرفه هو اللي قاله لها سامي ف هو شايف انه يعيش ما يعرفهم اهون من انه يعيش وهو متالم لفقدهم هو صح قاعد يحاول يعوض لمار ويحسسها بالحب والاهتمام بس الشي اللي محد يعرفه انه هو نفسه يحتاج هالحب والاهتمام اللي قاعد يقدمه لاخته هو كان يسمع الناس تقول فاقد الشي لا يعطيه بس هو شايف انه هذي كذبة لانه فاقد حب وحنان امه وابوه بس هذا هو قاعد يعطيه لمار ويحسسها فيه وما يخليها تحس بحاجة لشخص ثاني يعوضها عنهم كل هذي الافكار جات ف عقله ف لحضة وشهقاته زادت ودموعه مو راضية توقف للحظة تمنى لو عنده اخ اكبر منه ع الاقل كان حيكون له سند له زي ما هو الحين سند للمار احمد كان شاده لحضنه ويطبطب على ضهره واذا تعرفو احمد ف اكيد تعرفو ان هو اكثر شخص ما يعرف يواسي الناس ودايم يتورط ومايعرف اذا لازم يتكلم ولا يسكت واذا تكلم اش يقول بالظبط ف يفضل السكوت دايما
.
.
.
To be continued
كل الحب
Meeshoowriter🤍
اسفة اني قطعت الاحداث بس وصلت الجامعة😐
