فِ يوم من أيامات الدنيا، في شارع من شوارع المدينة القديمة عند جيهة مهجُورة فِ حوش كَئيب مُضلم من كُل التراكين، راقدة بنية في حضن أمها لِ تودع في الحياة وتنفض فِ أخر أنفاسها ،
أريام: أمي مَ تمشيش وتخليني من عندي غيرك في دنيا؟، أمي من حَ يسندني وقت الدنيا طايحة بيا؟. أمي كيف بتمشي أياماتي من غيرك ؟، أني كيف منعيش حياتي من غير وجُودك فيها ؟،
أمها: بنيتي جا الوقت لِ نمشي فيه من دنيا هادي، وكلنا عارفين انه النهاية لابُدا يجي وقتها ونُمشو لي ربي، خليك قوية أريام زي مَ عرفتك ًوزي ماربيتك، خليك قريبة من ربي ، انا نعرف انه معندكش حد فِ دنيا غيري، لكن خوالك في شرق ح يجو ياخدوك عندهُم، نعرف إنك متحبيش جوهم لكن يَ بنيتي هذا الي كاتبه ربي وهدا الي حنكونو راضيين بيه ومعندنا أي اعتراض عليه، وغمضت عيونها ومشت رُوحها لي باريها،
أريام:تبكي، لا ي امي متمشيش بالله عليك لا،مَ تمشيش، أمي؟، ماما؟،لا،حي عليا مصقعة، لا ياربي،نحلم اني؟، شافت لي للنبض فِ رقبتها ويدها ، ومَ كانش في اي شي،
أريام: إن الله وإن اليه راجعون💔،غطتها وهيا منهارة،ولو تعرفو مفيش حاجة اغلا من الام في هادي دنيا ، اتصلت بي خوالها لِ مش مدورينها لا هي ولا امها، حكتلهم انه اختهم مشت لِ ربي ، مشي خالها وقتي حجز طيارة لي طرابلس باش يجي ياخدها تعيش عندهم في شرق، وطبعاً الام خدوها الجيران وتكفلو بي كل شي من عزي والجنازة لانها كانت مرا طيبة ومعمرها اذت حد في دنيا ،
أريام بعد الدفن مشت للمقبرة وقعمزت جنب امها:مش كنتِ تقوليلي اني معاك ديما؟، مش كنتيلي الحضن الدافي الي نحس روحي أني فِ امان بعده؟، علاش توا قاعدة في حفرة واني قاعدة جنبك ياماما ؟،قلتيلي خليك قوية واني قوتي خديتها معاك ومشيتي ،ي سندي في هَ الدنيا وفي اياماتي الصعبة ،دفنا بوي تحت تراب واليوم لحقتيه متحملتيش فراقه،علاش مشيتي وخليتيني ياغاليتي،من بيا في هَ دنيا، وهني أنهارت اريام بي دموع وبدت تخبط فِ قبر وتقوللهم طلعو ماما وركبتها الحالة من صدمة،فجاءه جت يد علي كتفها، وكان ولد خالها جي مع بوه من شرق ،
الولد:أريام اهدي بالله عليك تهدي علاش تبكي ره كلنا ليها وكلنا ماشيين عند ربي و خالتي مشت لي مكان احسن بواجد من مكان الي قاعدين فيه نحنا توا ،ارتاحت من شقي دنيا وهمها، امسحي دموعك هي طيارتنا بعد شوية منعدو للمطار ،
اريام: هدت شوية،أن شاء الله ربي يصبرني علي فراقها واللُهم لا إعتراض وناضت .
— هَ البنية حَ تكون بطلة روايتي، حتعلمكم شن معنى صبر والقُوة،حَ تحسسكُم أنكم في نعمة كبيرة هلبَا فاقدينها،حتوريكم قداش الدنيا فانية ،من تكون البنت؟، من بطل الرواية؟،من أي عائلة؟، قداش عمرها؟،شن مصيرها؟، خليكم مع باقي الحلقات وحَ تفهمو كل شي،صح حَ نبكو اني وياكم هلبا فيها، لكن نوعدكم اني كَـ شَهد ، مش حَ تم الرواية وإلا والقوة ماليه قلوبكم.
