نهدالي عاراً

بارت7

هلووو حباايب قلبي
شلونكم 😘
لازم تشيل من بالك فكرة!
أنُ اكو شخص يحب كُلشي بيك
حتى عيوبك لان اول جملة تنگال وقت الجد
     "اني اتحملتك هواية"

لام لاعيني ابني ميزوج كح،،،،
ام لبنت لعد اني راح اسولف لابوها
واذا سولفتيله ابني ماسويلها شي
بهل اثناء
لولد سمع سالفه اخذفلوس وملابس وشرد
راحت ام لبنت سولفت لابوها والاب خابر كرايبه
وجماعته ترسو شارع علمود لايشرد
حاسبو البنيه
وصارت مشكله جبيره
اهل الولد طلبو تقرير يثبت انو ابنهم ماخذ شرف
البنيه بس للاسف طلع مواول واحد متقربله
ومن زمان واكع شرفها
وسمعو اهل لولد وصارت كعده
بس لالولد قبل يزوجها
ولا لهل قبل يسكتون
وفد يوم من لايام دزو شيخ معمم
لشيخ يابه قابلين ياخذون بنتك
دخلت لبنت ركضت وختلت وره لشيخ
وتحامت بيه بس ابوها وجه سلاح ع بنته
سحبو قصام
لشيخ خله جف ايده ع راس لبنت وابوها
رمه دخلت لرصاصه بيد لشيخ وطلعت
وطلقه الثانيه براس لبنت
خذو الشيخ للمستشفه دخلو عمليه
والبنت دفنوها بمنطقه مجهوله
وفصلو اهل لولد 400 مليون
100 لشيخ لان صكطت ايده بعد مابيها حركه
و300 لهل لبنت

سمعنه بلخبر اني صرت اخاف احنه جنه نام بلصطح
ضليت اخاف من كلشي
حتى نومت لصطح كمت اخاف انام فوك
اخاف واحد يطفر عليه
ويصير نصيبي مثل نصيب هاي لبنيه
عقلي ماجان يستوعب انو هيه الي غلطانه
ماجنت اعرف كلشي
لشي الي اعرفه انواني اخاف وخلص

خالتي خافت لانو ابنها عبدالله جان مصادقها
خلته يشرد
مرت لايام ونست سالفت لبنت
بس اني بعدني اخاف
يوم من لايام
الام يمه فطومه فرشينه فوك
ماشي يمه راح افرش
ساعه 9 صعدت اريدافرش واني ادندن
دخلت لصطح اضلم ماشوف غير واحد بطولي
منزل شعره ع وجها واني كمت اصيح وغمضت
عيني شويه وسمعت صوت ضحك
شويه شويه وخرت ايدي ع عيوني
طلعت اختي ورده
يابه بدي اكتلها
نزلت وجهي اصفر
امي شبيج يمه وجهج اصفر
سولفتلها ع ورده
ضلت صيح عليها
اجه ابويه ولكيته جايب دجاج ذبح
منظف بس يرادله حرك
هنا شتغلت عندي لخباثه
لانو ورده تخاف من دجاج ومن السمج
واكفه ع طباخ دا تكلي بيض وجبت راس لدجاجه
يم راسها ودندلت بيها 😂😂
شردت وضلت صيح
اهلي ضلو يضحكون عليها
خذت ثاري منها 😜
وهيج مشت لايام بين ضحكه وسالفه ونكره
صار عمري 14
يوم من لايام جانت دنيه ضهر وبارد لجو
ندكت لباب صحت منو طلعت جوارينه
ام محمد وام محسن
ام محسن بصفنه كاعدين
فتحتلهم لباب دخلتهن بلبراني
صحت لامي
قدمتلهن لماي والجاي

ام محمد يمه عدنه شغله وياامج
ماشي اني اترخص
وره ساعه طلعن
اشوف ورده تباوعلي وتضحك
للمغرب اجه ابويه
لام اكلك عيني
لاب تفضلي
خلص لبارت 😅 باجر اسولفلكم 🤣😂
باااي