قراءه ممتعه + متابعه للـ حساب + تصويت للـ بارت ✔️ .
.
.
.
.
.
.
_______________________
كاعدين كُلنه على طاوله الطعام نتغدى ونسولف ...
رند: اكول بابا عادي نروح للمول اريد اجيب كم شغله محتاجتها للدوام
حيدر(ابو رند): اي بابا عادي روحي بس اخذي وياج احد من الولد مترحين وحدج
رند: تمام بابا راح اروح ويا خواتي وفهد ياخذنه
فهد : شنو بكيفج اني مفارغ شوفي غيري
رند: وليش اني شعندي غيرك فهودي حبيبي الحلو الصاك حباب حباب مو اني اختك حبيبتك اخذنه قابل شتخسر
فهد : عمي امري لله اخذكم بس مو تتأخرون نص ساعه الكاكم محظرين نفسكم
رند: صار
التفات(زوجه حسام): لعد اني اروح وياكم هم اريد كم شغله لـ زين
رند: اي عادي بس حظري نفسج بسرعه مثل ما كال فهد نص ساعه ونروح استعجلي
التفات: ماشي
رند: .. رحنه كلمن لغرفته يحظر نفسه حتا نروح للمول فعلا جنت محتاجه اشياء للجامعه لان بدايه سنه دراسيه جديده فـ اريد اجهزلها حظرت نفسي *معلومه:احنه كُلنه سافرات منلبس حجاب ولا عبايه" لبست بنطرون چينز ثلجي وقميص ابيض ورفعت شعري كبايه ولبست حذاء لون ابيض رياضيه بطبيعتي ما احب اخلي مكياج ابد غير المُرطب والمسكاره خلصت اخذت جنطتي وطلعت لكيتهم مخلصين وينتظروني طلعنه للمول
رند: فهد اخذنه لمول المنصور اشيائهم حلوه
فهد : تمام بس خلي نعبر هلسيطره
رند: اباوع وصلنه لسيطره مبين اكو شي فتشونه وفتشوا السياره ما لكو شي كملنه طريقنه للمول وصلنه نزلنه ودخلنه للمول دنمشي وانصدم بشخص اكثر ما يقال عنه ضخم يعني جان طويل وجسمه معظل نصدمت بي وتزحلكت لان حذائي رياضيه فـ لزمني اني تصنمت بمكاني بَـس من الفشله بقيت مغمضه
:ـ عفوا منتبهت
رند:ـ احم اا عادي عادي مصار شي ... راح واني بقيت منزله راسي يعني مشفته ، ورحنه نتمشى ونشتري احتياجاتنه وشتريت قرطاسيه كامله من كُلشي وطقم رسمي لون اسود ابدي بي اول يوم بالجامعه وشتريت عطور واخواتي هم اشترن احتياجاتهن خلصنه ورجعنه للبيت ساعه 4 العصر دخلنه ...
البنات:ـ السلام عليكم
الكل :ـ وعليكم السلام
رند:ـ اخخ بويه تعبت شكد فترينه
حيدر:ـ الله يساعدكم شكد تفترون متشبعون انتو
رند:ـ يا بابا غير نشتري للمدرسه تدري العام الدراسي بدا واني هلسنه كُليه
حيدر:ـ اي حقج علعموم شدو حيلكم بابا انتو وصلتوا وتعبتوا مباقي شي اتعبوا على نفسكم شويه
أنت تقرأ
أحفـاد آل مـْحمـَد .
Mystery / Thrillerتسـألهُ :- مـن أنـتَ لِأُعطيك فرصـه ؟ ولِماذا ؟ وَ أحقًا تستحقها ، أو تستحِقنـي ؟ فَ يُجيب :- مُغرمُ عيناكِ ، مُحِبٌ لكِ ، انـا الذي لا حيـاة لهُ مِـن بعدكِ ، فَ كِلانـا كَتفُ الآخــر ، اسندُكِ إن كُسِرتي ، وتُكاتفيني إن كُسِرت فَ تَقـول :- ليـس...
