'' မောင် ''
သီချင်းရေးဖို့ Melody ရှာနေတုန်း စောင်ပုံထဲမှ တိုးလျလျ ပြန်လွှင့်လာသည့် အသံကြည်ကြည်လေးကြောင့် Mac book အား ဘေးသို့ပြန်ချထားလိုက်မိသည် ။
'' မောင့် အဆိုးလေး နိုးလာပြီလား ''
ပြောနေရင်းနှင့်ပင် လက်နှစ်ဖက်အား ဆန့်တန်းပေးလိုက်တော့ စောင်ပုံထဲမှ ကုန်းရုန်းထလို့လာကာ ရင်ခွင်ထဲ ပြေးဝင်လို့လာလေ၏ ။
'' ဘာတွေလုပ်နေတာလဲဟင် ''
လက်သေးသေးလေးတွေနှင့် မျက်လုံးလေးများအား ပွတ်သပ်ကာ ပြောလို့လာသည်မို့ ထိုလက်သေးသေးလေးအား အမြန်ပင် ဖမ်းယူကာ ဆွဲထားလိုက်ရသည် ။ထို့နောက် နှုတ်ခမ်းပါးများကော့တက်ယုံပြုံးလိုက်မိပြီး သူ့လက်မလေးနှင့် မျက်ဝန်းအိမ်နားက အညစ်အကြေးလေးများအား အသာအယာ ဖယ်သုတ်ပေးလိုက်မိသည် ။
'' မောင် ဘယ်နှခါပြောရမလဲ.... မျက်လုံးတွေ အရမ်းမပွတ်ပါနဲ့ဆိုတာကို ''
ထိုအခါကျမှ ခေါင်းလေးတချက်ပုဝင်လို့သွားကာ သွားတန်းဖြူဖြူလေးတွေပေါ်သည်အထိ ပြုံးပြလို့လာလေ၏ ။
'' ဟီး...မေ့သွားလို့ပါ မောင်ရဲ့ ''
'' အင်း နောက်တခါဆို အဲ့လက်လေးတွေ မောင်ဆွဲကိုက်ပစ်မှာနော် သည်းငယ် ''
'' အင်းပါ..... ခုမှနိူးတာကို ဆူပူနေတာပဲ Jeon jungkook က ''
စွဲစွဲလမ်းလမ်း မြတ်နိုးခဲ့ရတဲ့ နှုတ်ခမ်းဖူးဖူးလေးတွေက အလိုမကျဟန်ဖြင့် စူထော်လို့လာလေ၏ ။
'' ဆူပူနေတာ မဟုတ်ဘူးလေ....ပြီးရင် မျက်လုံးတွေအောင့်လို့ပါဆိုပြီး လူကို ဂျီဂျီကျတတ်တာ ဘယ်သူမို့လဲ ဟမ်! မောင့်ကိုပြောပါဦး ''
နှာခေါင်းလုံးလုံးလေးအား အသာဆွဲညစ်ကာ ပြောလိုက်တော့ မျက်ဝန်းလဲ့လဲ့ လေးတွေနှင့် ထိုးချလို့လာသည့် မျက်စောင်းများမှာ ဒိုင်းကနဲ ။ သူတချက်ထရယ်မိလိုက်သည်။
'' အဟား....လူကိုအသည်းယားအောင်ကွာ ဒီအကောင်ပေါက်လေးက..... ကဲ စိတ်ငြိုငြင်တော်မမူလိုက်ပါနဲ့ မျက်နှာသွားသစ်ကြရအောင်နော်... မောင် သွားလိုက်တ်ိုက်ပေးမယ်လေ ''
