تليفون بيرن ...بخلص الشغل اللى ف ايدى ..المكتب متبهدل ..كبايه النسكافيه خلصت أو خلينى اقول بمعنى اصح انو رابع كبايه نسكافيه اشربها ومحوقتش ...
الو سلام عليكم
=وعليكم السلام Arabisk store معايا
اهلا وسهلا بحضرتك ايوا هوا اتفضلى
= لو سمحتى كنت عايزه اعمل قراية فتحتى عندى ف البيت وكنت عايزاكى انتى اللى تعمليلى الحفله دى بصراحه شغلك حلو اوى وحبيته جدا والصور اللى على ال page خرافه ف دى فرصه كبيرة اوى انى اعمل قرايه فتحتى على زوقك
..حقيقى مش عارفه اقولك ايه شكرا ليكى ولكلامك وزوقك بجد انا اللى ليا الشرف أنك معجبه بشغلى والف الف مبروك ليكى وربنا يسعدك دايما يا رب
= تسلميلي يا قمر
قرايه الفاتحه امتى وهل ف ديكور معين عايزاه ولا تحبى ايه بالظبط
........
خلصت كلام مع الزبونه وعرفت هيا عايزة ايه وكانت اختياراتها رقيقه ولطيفه ..خلصت المكالمه ورجعت لشغلى تانى
اعتقد أن الكل خمن أنا بعمل ايه او بشتغل ايه بس هقولكوا ...
أنا قمر خريجه فنون جميله بشتغل ف عمل انتيكات وحفلات واعياد ميلاد وهدايا الحاجات اللطيفه دى ...بحب شغلى جدا واى حاجه بعملها بتبقى من قلبى وبحب لما بخلص حاجه معينه زبون طلبها وتطلع حلوة بحس بانبهار وإنجاز عظيم وحب ولما الزبون ييجى ياخد طلبه بحس انو بياخد عيالى أو حته من قلبى كده ..مش عارفه دا شعورى ف اى طلب بعمله ..
اى نعم مجهدة وممكن الشخص يغير رأيه ف اخر ثانيه بعد ما عملت ليه طلبه وممكن يطلب منك اوردر مستعجل فتضطر تسهر وتقعد وقت طويل على ما تخلصه ، حاجات كتيرة اوى بس ف الأول والآخر أنا بعمل اللى بحبه وانا مستريحه كده
مش انا هموت وانام واستريح من التعب
بس الشغل دا روحى روحى روحى 😂❤️
خلصت بوكيه الورد ومعاه كتاب غلفته بطريقه لطيفه والبوكيه كان يجنن خلصته وشويه ولقيت صاحب الطلب جه واخده
لاء يا جماعه مكنتش هعيط ولا بصرخ جوايا انو اخد حد من عيالى تؤتؤ ابسلوتلى مش انا خااالص 👀
خلصت الشغل ولسه بقفل المحل لقيت اللى خير اللهم اجعله خيير كلب كبير اوى وتقريبا ف طولى يا جماعه والله مش هزار وبيهوهو عليا 🙂🙂 ايوا دا كان رياكشنى بالظبط
تقريبا جرى من صاحبه أو أو طب أنا بعيط ليه دلوقتى طب اصوت ولا أجرى ولا اهبب ايه ...
= ششششش بس أهدى عشان أنا جبانه والله ..ششش كنت بقول كده وبقرب منه وبمد ايدى ناحيته لحد ما وصلت قدامه وحطيت ايدى كلها عليه وقعدت قدامه فجاه لقيته هدى وقعد على الأرض وقرب منى
= طب كنت بتهوهو عليا ليه وشكلك كان يخوف ليه يا كلب انت أنا كنت هعملها على روحى عاجبك كده ..بس سيبك طلعت طيب وعسل صاحبك فين ولا انت تايهه ولا انت ايه حكايتك
بص تعالى امشى معايا شويه يمكن نلاقى صاحبك ..
قمت ولقيته ماشى جمبى وبمشى ف الشوراع يمكن الاقى صاحبه بس انا كنت تعبت وعينى بتقفل لوحدها قعدت قصاده واتكلمت مش عارفه ايه الهبل اللى أنا بعمله دا ازاى حيوان هيفهمنى بس انا متاكده انو هيفهمنى وبيحس زينا بالظبط دا روح بردو
= بص يا عسل انت أحنا دورنا على صاحبك مش لقيناه وانا بصراحه سيكا وهقع من طولى فينفع تيجى تنورنى ف بيتى المتواضع متقلقش عايشه لوحدى وماما راحت عند خالتو النهاردة وهترجع بكره وبابا متوفى وانا وحيده فايه رايك
