السلام عليكم البنات صباح النور ان شاء الله تكونو بخير جيت مرة اخری وجبتلكم كرونيك جديدة تشويق واثارة 🔥🔥 مافيا 🔥 حب عشق 🔞🔞 والأهم راح يكون فيها الجانب الديني ❤❤
🔥 وجهان_متضادان 🔥🔥
🌷🌷 أماني 🌷🌷
ملاحظة : الكرونيك هذه كاملة كاين لق...
🍒🍒 الحلقة السابعة🍒🍒 اشرقت شمس جديدة على ابطالنا في فيلا السي كمال قاعد هو ومرتو في الصالون بعدما ادم راح لمدرستو سمعو صونات الباب راحت الخدامة تحلو وظهر هو كمال ميش مصدق عينييه ولد خوه قدامو شحال يحبو رباه على ايدو فتح اديه ليه وقيصر حضنو بكل قوة لانو يعتبرو والدو قيصر : عمي توحشتك بزااف كمال : وانا كثر يا الغالي طولت علينا الغيبة هذه المرة قيصر : سامحني يا عمي انشغلت بالخدمة مونيار : سي قيصر ميش راح تسلم على امك لمتوحشاتك قيصر تبسم لانو مونيار صح كانت ليه نعمة الام يناديلها امي مونيار كانت الصدر الحنون ليه قيصر راح سلملها على راسها وهي تحضنتاو وهو مكانش من العاكسين بادلها العناق بكل محبة قيصر : ماما مونيار توحشتك مونيار : لوكان توحشتني راك عايش معايا ميش عايش في نيويورك بعيد عليا قيصر : ان شاء الله نكمل خدمتي ونجي نعيش معاك العمر كلو مونيار : ربي يحفظك ولدي من كل مكروه كمال : قيصر ويكت جيت قيصر : والله بارح على 2 تاع الليل وصلت انا وصاحبي صقر يخي تعرفو لمالف نحكيلكم عليه ومعانا اختو رهف كمال : وين رحتو يا ولدي قيصر : قعدنا في الاوتيل ( صقر منبه عليه هو ورهف ميقولوش على الدار ) كمال بنبرة حادة : هز التلفون ذوك وكلم صاحبك واختو قلو يجو يقعدو عندنا كيفاه دار عمك كاينة ونتا وضيوفك تقعدو في الاوتيل مونيار : قيصر راح نزعف منك علاه محيتوش ديراكت للفيلا قيصر : حقكم عليا والله قتلكم وصلنا نص ليل مبغيتش نزعجكم مونيار : علاه تزعجنا هذه دار دارك نتا قيصر كيما راعي دارنا قيصر : ربي يخليكم ليا ان شاء الله مونيار : اصدقائك منين قيصر قيصر : جزايريين لكن عايشيين في نيويورك مونيار : يو مزية يخي يهدرو عربية برك قيصر يضحك : ماما نشوف فيك تخليتي على هدرتك يخي زعمة روسية مونيار : هههه عمك دارلي اعادة برمجة كمال : قيصر هيا كلمهم ذوك نبعثلهم الشوفور يجيبهم قيصر : لا عمي متعبش روحك عندو طوموبيل خاصة بالخدمة بعثوهالنتا ذوك نقلهم يجو قيصر يهدر مهاهم ويحوس بعينييه عليها نتبهتلو مونيار لتعرف حب قيصر لبنتها وفرحانة بزاف لانو تعرف انو رحاب ثاني تحبو من وقت كانت صغيرة لكن محستش قيصر انها تعرف ومتمنية قيصر يعترف بحبو لرحاب لانو مستحيل تتهنا على بنتها مع شخص بخلافو قيصر نطق : ايه وينو ادم ورحاب كمال : ادم راح يقرا اما رحاب فالبارح راحت باتت عند صحبتها قيصر تغيرت ملامحو كيفاه تبات عند صحبتها هو يعرف عمو مليح ولا مرة سمحلها تسهر برا وحدها كيفاه يخليها تبات عند صحبتها بدنو بكلو شعل وقت خمم انو ممكن صحبتها عندها اخ او خبيب عاييش معاها ( هو خمم انو صحبتها روسية لانو هوما عندهم نورمال جبيبهم يسكن معاهم )
#يتبع ... قيصر 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
