قطعه من البتيته وخلت الثانيه تركتهم على نار وراحت سوي زلاطه او(سلاطه) بكيفكم
سوت الخيار والطماطه والبصل وخلت الطرشي شوي وشتمت ريحت حرك😶 شافت الطاوة لكته كابه بالدخان راحت للطباخ تركض جابت خاشوكه وماعون وحاولت طلع البتيته المحروكه بس مكدرت حاولت ثاني مره وهيه دطلع بيها طفر على ايده زيت حار وكعت الماعون ونكسر
سمعت ام وسام صوت الماعون المكسور واجت للمطبخ من دخلت نصدمت بالفوضه الي مسويته زينب جان المطبخ كله هوسه ودخان
ام وسام بصدمه:-هاي شكو
زينب:-خاله فدوه ساعدني ايدي ايدي(تتكلم وتبجي)
ام وسام:-اني سالتج على مطبخ ليش مسويه بي هــُيُـج احجي(بعصبيه)
زينب...بدون رد وتبجي
قربت ام وسام الزينب ولزمته من شعره ومشت جر بيه من شعره.
زينب تحاول تؤخر ايده بس مكدرت
زينب:-شبيج خاله اخخ اخ شعري عًوفيني عًوفيني (تتكلم وتبجي)
ام وسام بقت تجر بيه لحد موصلت للمخزن دخلت زينب للمخزن ودفعته وكعت زينب على كومه مالت غراض متربه تأذت بسبب الدفعه
ام وسام:-انتي وحده غبيه وكلشي متعرفين ابقي اهنأ لا اكل ولا شرب عقاب الج يا حيوانه (بعصبيه)
طلعت وقفلت باب المخزن وزينب جوه
زينب تألمت كلش أيديه وحده نجرت وحده حتركت والدفعه آذت خاصرته (صفحته)ورجله بقت زينب تبجي وتتألم لحد ما غفت على ارض ونامت
بعد ساعه نزلت فاطمه دور على زينب
فاطمه:-زينب. زينب وينج
وهيه صيح باسم زينب اجه وسام ستغرب يتكلم ويه نفسه"منو هاي زينب شبيه فاطمه معقوله كل هاي سبب حالته النفسيه "
مجان يعرف الفصليه الاخذوها اسمه زينب
وسام:-شبيج حبيبتي منو هاي زينب
فاطمه:-زينب متعرفه (بستغراب)
وسام:-لا منو هاي؟
فاطمه:-البنيه الجبتوه قبل 3 ايام وسام:-اها هاي الحقيره طلع اسمه زينب
فاطمه:-ليش تكول عليه حقيره شمسويتلك
وسام:-المهم شتردين منه
فاطمه:-اريد احجي. وياها واشوفه مأكله لو بعدها
وسام:-شدعوه هلكت تهتميله صارلج يومين من شفتيه(بستغراب)
فاطمه:- وسام هاي البنيه خطيه اهله تخلو عنه واجتنه فصليه ومن جوع متآكل وصغيره ومتعرف شي ورغم كل هاي تنضف البيت كله من غير عياطكم عليه انته وماما خطيه لو حت اجت فصليه هيه شنو ذنبه
وسام:-تستأهل اكثر بنت الجلاب (بتعصب)
فاطمه:-اوف زينب زينب وينج(بصياح)
راحت تدور عليه لفت كل البيت وملكته (امه جانت طالع) حتارت فاطمه وين تدور عليه وبنفس الوقت خافت انو شارده من البيت اجت الوسام
فاطمه:- وسام وسام زينب ماكو بالبيت خاف شردت من البيت (بقلق)
وسام:-شنو حت اكسر رجليه(بعصبيه)
فاطمه:-هسه مو وكته خلي نلكاها خاف صاير عليه شي
وسام يتكلم ويه نفسه"معقوله طلعت برا البيت ومحد يدري بيه لا لا آهًـــو خلي ٱڑۆُح اشوف المخزن احسن شي" وراح وسام للمخزن يمشي سريع وفاطمة راحت ورا وصلو لباب المخزن وسام شاف الباب مسدود بالقفل ستغرب
فاطمه :-شكو هنا ڵــيْٰش اجيت للمخزن (بستغراب)
وسام:-مو آآُنـٌٌي خليته هنا
فاطمه:-منو زينب😐
وسام:-اي
فاطمه:-شنو ڵــيْٰـش ترا حرام عليكم والله شنو ذنبه هيج تعاملوها
وسام:-فاطمه هاي الي تكولين عليه خطيه بت عدونه تعرفين شنو يعني بت عدونه (بعصبيه)
فاطمه:-المهم افتح الباب خلي نشوفه خاف صاير بيه شي
وحاول وسام فتح الباب مكدر لين جان المفتاح عند امه
وسام:-اهو مجاي ينفتح آآُنـٌٌـي نعست حروح أنِِـٌِـام (بغير مبالا)
فاطمه:-انت صدك تحجي يجوز البنيه جو يجوز صاير بيه شي شنو انتم ماعدكم ضمير ولو شويه
وسام:-فاطمه انتبهي على حجيج وهاي التحجين عليه طبه مرض ماتت ما ماتت اخر همي(يتكلم بعصبيه)
فاطمه:-ماشي انت روح نام اني حكسر القفل بيدي
وسام:-سوي الي تردي هه(برود)
تركه وراح الغرفته تمدد على جربايه
عند فاطمه
فاطمه:-ياربي ساعدني افتح الباب خطيه زينب حاسه بيه جوه ياربي فدوه
وراحت فاطمه جابت حديده وكامت تضرب بالقفل باقوه حاولت اكثر من مرا بس مكدرت فكرت بس ملكت حل لحد ماجته فكره
فاطمه :-اخ اخي ايدي وسام وسام الحكلي(بصياح)
جان وسام متمدد على جربايه وسمع صوت اخته اجه يركض
وسام:-شكو شبيج (بقلق)
فاطمه:-واني جاي افتح بالقفل ضربت ايدي(تتوجع بتمثيل)
وسام:-استغفرلله ربي بابا انتي شبيج شنو هل عناد (بعصبيه)
فاطمه:-وسام فدوه افتح الباب اني بـٍْْـٍْـٍْـٍْ؏ـٍْـٍْـٍْـْْد ماكدر ايدي توجعني اخخ اخخ(بالم تمثيل)
وسام:- ياالله ماشي نشوف وين راح توصل وياج
وجاب الحديده وحاول يفتحه اول مرا منفتح ثاني مرا ثالث مرا رابع مرا انفتح الباب
فاطمه:-يس شكرا حبيبي شكرا (بفرح)
وسام بستغراب:-انتي مو ستوه ايدج توجعج ها😐
فاطمه تحاول تبرر:-ها أيٌـ صح خُف الوجع
ودخلت فاطمه للمخزن دور على زينب جان المكان اضلم ومترب وصخ وبي غراض هواي شوي ولمحت شي بالكاع راحت شغلت اضويه المخزن ورجعت للمكان شافت زينب بحاله تعبانه كلش قربت يمهة
فاطمه:-زينب زينب شبيج ڵــيْٰش نايمه على كاع هاي شبيه اديج (بقلق)
زينب:-فاااطمه شلون صرتي (بتعب )
فاطمه:-عًوفيني مني تكدرين تمشين اصعدج الغرفتي
فاطمه كومت زينب وحاولت تمشيه بس مكدرت جانت تعرج بسبب الدفعه
فاطمه:-ابقي بمكانج ولا تخافين هسه اجي
راحت فاطمه الوسام
فاطمه:-وسام وسام (بصياح)
وسام:-خير وهسه صار(بتعصب)
فاطمه:-وسام تعال حباب تعال ساعدني خلي نصعد زينب الغرفتي فدوه(بترجي)
وسام:-شنو هاي متصعد الغرفتتج وماريد تحجين وياها منا وهيج فتهمتي(بعصبيه)
فاطمه:-شوف وسام صح اني مصار اعرفه هواي بس اني حبيته وتعلقت بيها بهاي المدة القصيره فإذا صار عليه شي اني حنقهر كلش(بخزن)
وسام مراد فاطمه ضوج بية طريقه لين حتاثر على حالته النفسيه
وسام:-خلاص حبيبتي لا تضوجين يلا تٍْـْعٍْـــٍالي اساعدج(بابتسامه )
فاطمه:-شكرا(بفرح)
وراح وسام ويه زينب ودخلو للمخزن من شاف وسام زينب وبهاي حالته ستغرب
وسام:-هي انتي منو سوه بيج هيج (بعصبيه)
فاطمه:-شبيك وسام البنيه جاي تتاذه وانت تستوجبه
وسام:-لازم يجوز طالعه بره. البيت ومسوين بيه هيج (برود)
زينب بتعب :-ا اني مطلعت برا البيت
وسام:-لعد شلون هيج نجرحتي (بعصبيه)
زينب:-جنت اقشر بالبتيته ونجرحت(بتعب )
وسام :-يلا كومي خلي نصعدج فوك(بعصبيه)
زينب:-لا مااصعد (بخرف)
فاطمه :-ليش مصعدين تعالي بغرفتي ونامي يمي (بستغراب)
زينب:-لا لا مااصعد ميقبل خاف يخنكني(بخوف وتعب)
باوع عليه وسام وخزره بمعنه لا تحجين
فاطمه:-منو الميقبل ها ومنوً الي يخنكج حت اكسر ايده (بعصبيه)
وسام باوع عليه يتكلم ويه نفسه"تكسرين ايدي مو وانتي باب مكدرت تفتحي غبيه"
وسام :-لا تخافين يلا كومي اصعدي (راد بس يقنعه تكوم وتحجي كدام فاطمه)
زينب:-ماشي(بتعب)
وحاولت زينب تمشي بس مكدرت
فاطمه:-وسام اني المن جبتك غير ساعدني
وسام:-ماشي يلا امشي
وخله ايده على جتفه وأيده الثانيه على جتف فاطمه
يتبع...
