Unicode
ရှောင်ကျန့်နှင့်ရိပေါ်မနက် ၇နာရီချိန်၌ Talk showအတွက် အိမ်မှထွက်လာခဲ့ရသည်။မနေ့ကနှစ်ယောက်သား spider man ဇာတ်လမ်းကြည့်လိုက်ကြ၍ညနက်သွားရာမှ နှစ်ယောက်လုံးအိပ်ရေးမဝပဲရှိနေသည်။ဤသည်ကိုအေးဂျင့်နှစ်ယောက်ကမျက်စောင်းတထိုးထိုးနှင့် ကုခိုင်ရှောင်းကပိုဆိုးသည်။သူကရိပေါ်နှင့် မဖော်ပြအပ်သောအရာများလုပ်ခဲ့သည်ဟုသာထင်နေပြီး ဆေးပါဝယ်ပြီးတိုးတိုးတိတ်တိတ်လာပေးသည်အထိ။ရှောင်ကျန့်ဖြင့်ဆေးထုပ်ကြည့်ပြီးရယ်ရမလိုငိုရမလို။
ငါကလူပျိုပဲရှိပါသေးတယ်နော် ဟုတ်ပြီလား။
ယခုTalk showသည် ပြည်တွင်း၌ratingမြင့်သောshowထဲမှတစ်ခုဖြစ်သည်။တစ်ဖက်က စီစဥ်တင်ဆက်သူမှာ ပြည်တွင်းထိပ်တန်းစီစဥ်တင်ဆက်သူတွေထဲမှ တစ်ယောက်ဖြစ်ပြီး Showတွေနှင့်ပက်သက်၍ဆုတွေပိုင်ဆိုင်ထားသူလည်းဖြစ်သည်။
သူမနာမည်မှာ စန်းစန်းဖြစ်ပြီး ယခုshowမှာသူမကိုယ်ပိုင်ဦးစီးထားသောshowလည်းဖြစ်သည်။ဤshow၌ အမေးအဖြေကဏ္ဍများအပြင် ပေါ့ပေါ့ပါးပါးဂိမ်းအချို့လည်းပါဝင်သည်။
"မင်္ဂလာပါ ကျွန်တော်ကရှောင်ကျန့်ပါ စောင့်ရှောက်ပေးပါအုံး"
ရှောင်ကျန့်စတူဒီယို ထဲဝင်ဝင်ချင်း စီစဥ်တင်ဆက်သူ စန်းစန်းနှင့်တိုးတာကြောင့် မိတ်ဆက်လိုက်သည်။သူ့အနောက်ကလိုက်လာသူဝမ်ရိပေါ်ကတော့ စန်းစန်းကိုတစ်ချက်ခေါင်းညိမ့်ပြရင်း
"စောင့်ရှောက်ပေးပါအုံး"ဟုပြောလိုက်သည်။တစ်ဖက်ကစန်းစန်းဆိုသူမှာ ဆုရစီစဥ်တင်ဆက်သူပီသစွာ ချက်ချင်းပင်ပြုံးပြလာပြီးစကားပြောလာသည်။
"ကျွန်မကစန်းစန်းပါ ကျွန်မဘက်ကိုလည်းပြန်စောင့်ရှောက်ပေးဖို့အကူအညီတောင်းပါတယ်နော် ကျွန်မဘက်ကပြောမှားဆိုမှားရှိရင် ပရိသတ်တွေကိုဝိုင်းဖြောင်းဖြပေးဖို့ ကြိုပြောထားရမယ်"
ရှောင်ကျန့် စန်းစန်းစကားကြောင့်ရယ်လိုက်ကာ
"မဟုတ်တာအမ စန်းစန်း ကျွန်တော်တို့ကအဲ့လောက်လည်းမဟုတ်ပါဘူး "
"ဘာမဟုတ်ရမှာလည်း ခုတစ်လောHot searchတွေမှာနေ့နေ့ညညမင်းတို့သတင်းတွေဝင်နေတာ ကိုယ်တွေအစီအစဥ်ဆီမင်းတို့ကိုဖိတ်ခေါ်နိုင်တာကို ကိုယ်မှာဝမ်းသာနေရတာကျေးဇူးလည်းတင်တယ်သိလား"
YOU ARE READING
The Rule Of The Heart
FanfictionWang yibo+xiao zhan သရုပ်ဆောင်မင်းသားနှစ်ဦး၏အချစ်ခရီးလမ်း ။တိုက်ခိုက်မှုတွေချီးကျူးမှုတွေဝေဖန်မှုတွေကြားမှာသူတို့ relationshipကိုဘယ်လိုတည်မြဲအောင်လုပ်မလဲဆိုတာ။ သရုပ္ေဆာင္မင္းသားႏွစ္ၪီး၏အခ်စ္ခရီးလမ္း ။တိုက္ခိုက္မႈေတြခ်ီးက်ူးမႈေတြေဝဖန္မႈေတြၾကားမွာသူတ...
