رجعت للدار تمشي بعد ماكانت فالحديقة في رحلة نضمتها المدرسة للنجباء و هي فرحانة هازة بوكي تاع الورد جاباتو من الحديقة حتى تشوف الناس مجمعين قدام دارهم راحت تجري تحب تفهم واش صرا دخلت للدار لقات امها راقدة و مغطية بحاجة بيضا و دايرين بيها جاراتهم و اختها قاعدة تبكي و اختها الثانية هازة خمار تاع امها تشم فيه قاعدة تخزر فيهم مش فاهمة جاحة شافتها اختها راحت عندها و حضنتها و تقولها راحت.. راحت.. راحت ماتزيدش ترجع ماما راحت
بقات هاذ الكلمات دور في راس ذكرى من الشوك طلقت الورد لي كان في يدها و رحت عند امها و تحب تفيقها
ماما ماما نوضي اني رجعت شوفي جبتلك الورد لي تحبيه نوضي ماما ربي يعيشك هيا ديريلي حاجة ناكل اني جعانة هيا ماماا ماما نتي قلتيلي جيبي السنكيام و نديرلك حفلة كبيرة ماما شكون راح يزغرتلي ماماااااااجات جارتهم هزتها و هي تتعافر معاها بعدها فقدت الوعي فيقوها بالما و الريحة ناضت تجري تحوس على امها لقات سيارة الإسعاف مشات و داو امها للسبيطار جات اختها الكبيرة حضنتها و دخلتها لشمبرة بقات معاها حتان رقدت
بعد ساعات روحو الرجال من المقبرة و وصلو امها لمثواها الأخير.
ناضت شهدت و استغفرت مسحت دموعها غسلت و جهها و خرجت عند صاحبتها.
أنت تقرأ
❤ قصة حبنا ❤
Short Storyسلاااام ❤قصة حبنا ❤ اول تجربة ليا في الواتباد انشاء الله تعجبكم 😍🥰 ❤قصة حبنا❤ قصة مقتبسة من الواقع فيها احداث حقيقية😢 نتمنى تدعموني و ربي يقدرني و نكملها بسكو هاذ العام عندي باك الوغ اسمحولي اذا تأخرت عليكم 😇😇 ❤🥺💜😍😘💔💔🖤😭😎💝💝
