بعد ماكملو لبنات كلاو لمحاجب
لؤي ذكرى ارواحي نحتاجك و نتا سيف اي عندك لحانوت منطولش ونجي
سيف روح مهني
شهد وانا
لؤي اقعدي هنا و مديريش مشاكل
خرجت ذكرى و لؤي يمشيو و راحو قعدو فجاردان صغيرة
ذكرى حطت راسها على كتف لؤي و غمضت عينيها
لؤي وش بيك أعيننا
ذكرى نعست برك ليل كامل مارقدتش
لؤي علاه مريضة
ذكرى لالا كنت نحفظ و مبعد رقدت حلمت بماما ربي يرحمها
لؤي ربي يرحمها
ذكرى علابالك توحشتها بزااف
لؤي شوفي ذكرى يمك انشاءالله تكون فالجنة و نتي ماعليك غير تدعيلها و تجيبي البيام و تفرحيها فهمتي
ذكرى ايه فهمت
لؤي صحيتي عينيا
ذكرى اي نتا قولي رجلك رتاحت
لؤي شوي و غدوة نرجع للطبيب
ذكرى نروح معاك
لؤي وين تروحي ابنتي غدوة تقرأي
ذكرى ماتقول والو غدوة سموني نروح معاك للطبيب و دبر راسك
لؤي اففف صاي غدوة نعيطلك
فجأة ذكرى شافت اخت مرت باباها تمشي
ذكرى لوووؤي نوض ازرب
لؤي علاه وش صرا
ذكرى قتلك هيا ازرب
ناض لؤي و ذكرى يزربو فالمشية حتى بعدو عليها
لؤي علابالك خلعتيني وش صرا شكون شفتي
ذكرى اخت كريمة اللفعى و اذا شافتنا تروح تجري تقوللها
لؤي و باينة كريمة تزيد ديرلك مشكل
ذكرى وانا نحب المشاكل ههههههه
لؤي اسكتي علينا قتلك نجي نهدر مع باباك محبيتيش
ذكرى لؤي منيتك مزلت صغيرة و مستحيل بابا يقبل ضرك قتلك خلي بعد مانجيب الباك تاعي
لؤي فهمنا فهمنا و ضرك هيا نرجعو علابالي شهد و سيف ميتفاهموش
ذكرى ههههههه
عند سيف و شهد
سيف نقصي فالصوت خليني نتفرج الماتش
شهد بلع اني نتفرج فالمسلسل
سيف اسمعي والله نجي نكسرلك فمك نقصي اني نهدر معاك
شهد جرب قدم عندي و شوف
سيف الطفلة خليني نتفرج يهديك ربي
شهد دارتها زكارة و زادت فالصوت تاع المسلسل
ناض سيف عندها نحالها التلفون و هي بدأت تضرب فيه و هو قلق حكمها من يدها و هي بقات تضرب فيه و مبعد سوطات عليه و عضاتو من يدو و بقا يتوجع
سيف آآآآآآطلقيني متوحشة
شهد بعدت عليه بعد ما شافت الدم في يدو و هو بقا حاكم يدو يتوجع و شهد نحاتلو التلفون و قعدت كأنها مادارت والو
سيف والله تسلكيها غالية
دخل لؤي و ذكرى شافو سيف حاكم يتوجع و شهد قاعدة بوجه بريئ
شهد ااجيتو
لؤي سيف وش بيها يدك
سيف هجم عليا حيوان متوحش
ذكرى ماتقوليش شهد هههههههههه صحبتي و نعرفها
لؤي ياربي بنت خالتي متوحشة و انا معلاباليش جيب لابواط فارماسي نظفلك الجرح
نظف لؤي جرح سيف لي كان يشوف في شهد بنظرات تقول راح يقتلها و هي تضحك طانها مدارس حاجة بعدها لبنات ودعوهم و رجعت كل زحدة لدارهم
دخلت ذكرى للدار و قابلتها كريمة
كريمة واش يالالا نهار كامل نتي برا معندكش دار ديجا وين كنتي
ذكرى كنت مع شهد و بابا علابالو
كريمة اسكتي منحبش نسمعك و هيا روحي تغسلي لماعن
ذكرى عندي قراية
راحت ذكرى و خلات كريمة تاكل في روحها من القلقة و دخلت للشمبرة لقات اختها روان و سلوى يحكيو شافتهم راحت تجري و قعدت بيناتهم
روان و سلوى يموتو على ذكرى و مدللينها خاصة انها صغيرة و علاقتهم في ثلاثة تخلي كريمة تحب تموت و تفرقهم لكنها متقدرش
روان واش بيها اختي الصغيرة
ذكرى لا مبيا والو
سلوى كاش ماخصك يالالا
ذكرى كي تكونو معايا ميخصني والو بصح روان قريب تروحي و تخلينا
روان معنديش وين نروح حتى و تزوجت داري ديما مفتوحة ليكم و انا ديما نبقا اختكم و أي حاجة تضركم تضرني و أي حاجة تصرالكم نحب نكون الأولى لي نسمعها فهمتو
سلوى و هي تبكي بصح نتوحشوك 😭
ذكرى ايه شكون يرقد معانا فالليل🥺
روان ياربي اني مش راح نخليكم اي وقت تحتاجيني ارواحو و ديجا منسكنش بعيد 10دقايق تكونو عندي
ذكرى نحبكم
سلوى انا بعد
روان وانا نموت عليكم يا اغلى اخوات فالدنيا
مسحو لبنات دموعهم و راحت ذكرى بدلت قشها و صلات صلاتها و روان راحت تعاون مرت باباها فالكوزينة لأنها مديرش معاها مشاكل عكس سلوى و ذكرى صغار و ديما يديرو مشاكل و سلوى راحت توجد للكنترول تاعها غدوة
أنت تقرأ
❤ قصة حبنا ❤
Contoسلاااام ❤قصة حبنا ❤ اول تجربة ليا في الواتباد انشاء الله تعجبكم 😍🥰 ❤قصة حبنا❤ قصة مقتبسة من الواقع فيها احداث حقيقية😢 نتمنى تدعموني و ربي يقدرني و نكملها بسكو هاذ العام عندي باك الوغ اسمحولي اذا تأخرت عليكم 😇😇 ❤🥺💜😍😘💔💔🖤😭😎💝💝
