{Unicode}
Merry Christmas and Happy New Year!
ဒါလေးကတော့ ဒီနှစ်ခရစ်စမတ်အတွက် သက်သက်ရေးထားတဲ့ Jay အိုစီ short story လေးပဲဖြစ်ပါတယ်။ အစကတော့ ရေးဖို့အစီအစဥ်မရှိဘူးရယ်။ အစ်မတစ်ယောက်က ရေးစေချင်တယ်ဆိုလို့ မိုတီတွေရပြီးရေးပစ်လိုက်တာပေါ့။ ပေါ့ပေါ့ပါးပါးလေးနဲ့ စုစုပေါင်း သုံးပိုင်းတည်းရှိတာပါလို့။ အဆုံးထိပြီးပြီးသားမို့ ဖတ်ပေးကြပါဦးလို့ 💛😚
~~~~
အပိုင်း (၁) လွမ်းမောခြင်းအစ
၁၉၉၀ ပြည့်နှစ်၊ ဒီဇင်ဘာလ။
စိန့်ဂါလင်မြို့ (St. Gallen)၊ ဆွဒ်ဇာလန်။ဒီဇင်ဘာရဲ့ အေးမြတဲ့နံနက်ခင်းတစ်ခုဝယ် ချမ်းစိမ့်သောလေပြည်နဲ့အတူ မြက်ခင်းပြင်ကျယ်ရဲ့ စိမ်းမြမြအနံ့က ဂျေးရဲ့နှာဖျားထိပ်မှာ တိုးဝှေ့ကျီစယ်သည်။ ထွေးပွေ့ထားပေးမယ့်လူမရှိတော့ အနွေးထည်ထူထူဝတ်ထားတာတောင် အအေးဓါတ်က ပိုကဲနေသလိုပင်။
မြက်ခင်းပြင်တွေစိုစွတ်ပြီး ဟိုတစ်ကွက်သည်တစ်ကွက်နဲ့ နှင်းတွေဖုံးနေပုံအရ ညကတစ်ညလုံးနှင်းတွေကျထားသည်ဟု ထင်ပါသည်။ တစ်စုံတစ်ယောက်က သဘောကျသလိုမျိုး နေရာအနှံ့တော့ နှင်းတောကြီးလိုဖြစ်မနေသေး။ ခရစ်စမတ်မတိုင်ခင် တစ်ရက်ရက်မှာတော့ နှင်းဖုံးနိုင်လောက်ပါရဲ့။
ပတ်ဝန်းကျင်ကနေရာအနှံ့မှာ ဆီးနှင်းဖွေးဖွေးတွေ ဖုံးလွှမ်းနေတာကို သူ(မ)က သိပ်သဘောကျတာ။ အခုရော သူရှိနေတဲ့နေရာမှာ နှင်းတွေဖွေးနေလေမလား။ သူကရော ကလေးလေးတစ်ယောက်လို နှင်းတောထဲလျှောက်ပြေးပြီး သူ့ခွေးလေးနဲ့အတူ ဆော့နေလေမလား။ ဒါမှမဟုတ် အကြိုက်တွေများပြောင်းပြီး ရင့်ကျက်တဲ့မိန်းမပျိုလေးအသွင်များ ဆောင်နေလေမလား။
လူချင်းတွေ့ခွင့်မရတဲ့ ငြီးငွေ့စရာခုနှစ်တွေမှာ သူ့ပုံစံလေးမြင်ယောင်ရင်းနဲ့သာ လွမ်းစိတ်ကိုဖြေရသည်။ အားတဲ့အခါမှသာ ဖုန်းပြောဖြစ်ရင်း မျက်နှာလေးတောင် ငေးကြည့်ခွင့်မရခဲ့တာ သည်နှစ်နဲ့ဆို သုံးနှစ်။ အချိန်ကာလမတူတဲ့ ဒေသတစ်ခုစီမှာ တကွဲစီနေ,နေရတာမို့ ဖုန်းပြောဖို့တောင် သိပ်အဆင်မပြေချင်။
YOU ARE READING
Christmas Wish
RomanceJay X OC // Completed Christmas' just perfect when you're beside me ♡❄︎