#وِحٌګمَتّ_أّلَمَحٌګمَهِ
بِقِلَمَ أّوِتّأّر حٌزِّيِّنِهِ
أّلَجِزِّء _أّلَثّأّلَثّ
،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فتون
رجعت لبيتنا وگبل صعدت لغرفتي،،،،
صافنه ومبتسمه وي روحي،،، مثل المخبله واذب حسرات
لميت ايدي على جسمي وحظنت روحي وحجيت بهمس
_ جنت بحظنه وايده على خصري
ولكم خلي واحد يگرصني حلم هذا لو علم
خليت شالي على وجهي ونزلته واني اتخيل المشهد
عدته اكثر من مره واني مبتسمه وي روحي
واتخيله كدامي ،،،
من الصار دخت وظليت بس مبتسمه وبعالم ثاني
نزلت من صاحوني واني نفس وضعي يحجون وياي
واني بالي يم الصار
_ فتوون هاج الخبز ودي للهول
_ هااا
_ ههههه لا اليوم انتي بيج شي
هدى حجت بضحك وحسنات جاوبتها
_ هي من يومها موووو صاحيه مو جديده علينا
_ يااا يمه اشو هيج الحجي شبيها قابل مخبله
امي جاوبتها بضوجه واني باوعت الها وحجيت
بتعمد
_ هاي عليه الحجي سيئات ااااخ العفو حسنات
سمعتيها عمه
امي عضتلي شفه واني شلت الخبز وكملت
_ هاي شبيج حجيه هي مو كالت عليه
اني مخبله والمخبل كلشي يطلع من حلگه
وماعلي لا عتب ولا حرج
هدى ضحكت وشالت الخضره ودفعتني كدامها وحجت
_ امشي يمعوده عامر هسه يكوم يصيح علينا
_ مشيت ياعيوني ،،،،وراح اخلي الخبز ياعيوني
وبعد لاتندكين بي ياعيوني ،،،تره اني طگه
ونص يااااعيوني
حجيت بضحك وطلعت من المطبخ اني وهدى
_ هههه خرب عرضج حگج ابد مايضيع يم احد
_ اااابد ياعيوني غير امووت،،،
هدى خربت ضحك وعامر باوع الها وهي كتمتها وخلت
الخضره كدامه ابتسمت من شفتها عضتله شفه وهو دنك راسه وابتسم
بالي راح ليم مراد شلون جرني علي بقوه وظل لازم خصري
_ الخبز يولي
_ هااا هاك ثامر ،،
انطيته لاخويه وابويه اشرلي تعالي اكعدي يمي
اني،،،،بي طبع من اكعد الا اخلي مندل جوايه
ورجلي الا اسندها برجل لو ابويه لو امي
هيج احس اتوازن من اسوي هيج
_ هاج هاي اللحمه اكليها
_ مااريدها يابه بيها شحمه
_ ولج وخرتها اكليها خلي عضمج يترس لحم
