Ruah sur leh khawpui ri,darthlalang keh ri leh ka nu mangang in ka pa leh ka hming a auh rik chul chung a tanpui na ngena mangang leh thlaphang taka a au ri chu ka beng ah hian a ri nawn tluk tluk a,kawl phe ruala ka nu in mangang taka min kuah chunga sawi harh tuma thei leh thei lo a ka Pa,ni khua a hre tawhlo ani tih hriat taka,a lu thi in a bual kah vek tawh,a tha neih zawng zawng a a ban ve tawk tawk te kha hai rual loh in ka mitah hian a lo lang a.
Ka nu chu hlauthawng takin ka au a,mahse min chhang lo,ka pa ka va en a,awmzia a om tawh dawn lo tih hre mah ila ka tih theih chhun,a hming ka theih pa tawp a ring in ka ko a,ruah nasa tak in a sur a,khawpui a ri in kawl a phe bang lo,kei naupang kum 7 mi tan chuan a rapthlak em a sin.
"Khit! Khit! Harh rawh.Khit!" tia thla phang hmel tak a min lo ko tu aw chuan ka mumang hlauhawm tak atang chuan min kaitho a,ka thlan chuan min bual huh dup a,a hmel ka hmuh chuan ka tho chhuak a,a ni chu kuah ta a,ka tap zawih zawih a
"Ka awm a lom,hlau suh.I bulah ka awm tawh alom" tiin ka lu ah chuan dim taka min chul chungin zaidam takin min hnem a.Ka va han lawm tak em,Khawvel a ka hmun duh ber,ka hmun ngainat ber,khawvel a ka thlamuan ber na hmun,P'Mike angchhungah ka awm tlat a lom.
Hlauhna muttui chu thlamuanna leh hlimna nui hmel in a rawn thlak a,ka mittui in a tih huh dup ka biang chu tuai nawk nawk pah in P'Mike min kuah na atang chuan ka in la hrang ta a,mhase ka hlim a ni tih ka ti lang thiang lo,ka laih em vanga ka meng buai nak nak lai in a ni erawh chuan chiang takin ka mit ah a lo en kalh a,kei in a mitah chuan en loh ka tum hram hram thung,"Va mu rawh" tih pah in a awm ah chuan ka nem a,mut ka tum zui mai bawk.
Mahse a ni chuan ka banrek a chuan nghet takin a vuan a,mak ka tih em vangin a a hmel chu ka en a,chiang takin ka mitah chuan min lo en a.
Nin hmel tak chuan thaw halh pah in "Kal tawh rawh" ti pah chuan a vawn na atang a tal chhuah mai ka tum a.Mahse a ni chuan hnai takah min pawt in,chiang takin min en a,thil sawi leh ka tum a,mahse ka sawi hman lo,a ni chuan ka hmui ah chuan a rawn fawp ta a,mak ka ti a,ka hmul thi a ding sung sung in ka mur sung sung mai.Awmsawn emaw chhan let nachang pawh ka hrelo,lungtum angin ka thu khawng tawp mai a ni
Rei tak min fawh vang vang hnu chuan a in la hrang a,mahse a la zo hauh lo,min pawt hnai a,hnai taka,a hma aia passionate chuan min kiss leh ta a,ka hmui hnuai lam chu a lum vung vung thei hial mai.Phalna dil in ka hmui hnuai lam bok chu seh titih deuh hian a fawp leh vang vang a,hman atang a ruk a lo hmanagih em em tu hian ka hnar phal thlawt lo,phalna ka pe tih hriat tir in ka ka chu ka ang deuh a,ka chhanglet ta a.
3 minutea Later
Khamlo tih hriat takin kan inkara boruak awm ang ang chu hip in kan thaw bawrh bawrh a,reilote hnu ah chuan P'Mike chuan ka nghawng ah dawm in min pawt hnai a,chiang tak in ka mitah a en kalh a,a mit a chhing vangvang hnu chuan thaw halh pah in a rawn meng a
"KA HMANGAIH CHE KRIST"
